م
ميلفاوي متميز
عنتيل زائر
غير متصل
الرواية .. بوليسية .. استمتعوا ..
الجزء الأول من رواية عاصفة الصمت
نزار مواليد 1974.. ولد واحد وزوز خوات تؤم 1982 مروة وصفاء … وامهم رقية …(كل الروايات اللي فاتوا كانوا الشباب مبسوطين وبخدمهم وحياشهم واتيات و اخﻻقهم عال العال وامورهم طيبة..تعالوا مع بعض نحاكوا موضوع اخر … في عام 1998 طرابلس…
اي ان عمر نزار 24 عام وخواته التؤم 16 العام …
فاطمة : على اساس اتخيطي وانتي اتبيعينا ف حوايج القدم متع بناتك
خ رقية : ﻻ اللطف قتلك العيون ولو بالهون ومعش انخيط
زهرة :هه
خ رقية :و حوايج الباهيات متع مروة وصفاء انبيع فيهم اللي مخيطتهملهم قبل ومالبسوهمش هلبا
فاطمة : ﻻ ياللا ماقلتيش الدوة اهياه قلتي امعش انخيط بس العيون ولو بالهون … نحساب عاد ان عندك بضاعة مخيطة وواتية وجديدة وهوا تاريته اتبيعينا ف القديم
خ رقية : باهي به مش لدرجة اتكدبيني يافاطمة انتي اللي يومها اتلوقني مع سميرة مش فاضية باللي نقولك فيه
فاطمة :ماكدبتكش انا لكن مانحبش من يستغفلني ايواااه
خ رقية : باه وين فراشيتي بنروح
فاطمة : اهيا فراشيتك
خ رقية : بسﻻمة
فاطمة : سلمك
*روحت خ رقية للحوش خشت ودموعها ع خدها *
نزار : قداش لينا متخرجين ومافيش خدمة يا عصام
عصام : مشكلة والبﻻد حصار اممم حقا عمي يشتغل في مصنع متع طوب نكلمه بالك يخششنا ف معاه
نزار : شن بنشتغلوا نقيموا الطوب ونستفوه
عصام : اي حاجة
نزار : ياريت و**** ظروفنا المادية معش تسمح اﻻيام هادي
عصام : به خﻻص نكلمه ونقولك
نزار : باهي تمام … اونه بعدين كلمني عالهاتف واﻻ تعال للحوش
عصام : ان شاء **** به
نزار : هي سﻻم
عصام : سﻻمات …
*روح نزار من راس الشارع وخش للحوش وشاف امه مهمومة قعمز جنبها *
نزار : خيرك يمى
خ رقية : مافي شي غير حايرة شن ندير غدي
نزار : ﻻﻻ حاس فيه حاجة
خ رقية : تناوشت انا وجارتنا
نزار : من من الجارات
خ رقية : بعد هالعمر ياولدي اتطلعني كدابة
نزار : منو يمى قوليلي
خ رقية :مش مهم منو … وجعتني ف نص كبيدتي اتكدب فيا وقدام جارتنا التانية … عيش وملح بينا وفي اﻻخير اديرلي هكي
نزار : به غير احكيلي
خ رقية : * حكت لنزار *
نزار : خزيه و**** ماتتحشم
خ رقية : عيب معش تقول هكي مهما كان اكبر منك
نزار : باهي … **** يسامحك قتلك يمى معش تخدمي …خﻻص بارك **** فيك خدمتي وكبرتيني وخرجتيني خﻻص انا تو نخدم ونصرف عالحوش
خ رقية : احح ان شاء **** …
اي قولي شن صار
نزار : و**** شن بنقولك …الحق ماخليت وين لدت كل مكان نمشيله مايبوش يوظفوني
خ رقية : ياحليييلي من الفجر وانا ندعي اتحصل خديمة ….معش فيه مونة ف الحوش ياريتك حتى تعلمت صنعة بوك
نزار : شن صنعة بوي يمى … تي انا لحقت نتعلم منه صنعة… اتوفى وانا عمري 11 العام
خ رقية : به كيف الدبارة ياولدي
نزار : عصام قالي عمه يشتغل ف مصنع طوب … بالك يشغلني معاه
خ رقية : ان شاء **** يشغلك ****
نزار : ان شاء **** … شن اماﻻ وين مروة وصفاء
خ رقية : في السطح يغسلوا ف البسطات
نزار : به وين الغدي جعان
خ رقية : اهو تو نديرلك خبيزة وشامية
نزار : شن خبزة وشامية يمااا
خ رقية : مافي شي ف الحوش احمدد موﻻك
نزار : باهي الحمد*** على كل حال
عصام : السﻻم عليكم …
معتوق : وعليكم السﻻم كيف حالك ياولدي
عصام : بخير ياعمي كيف حالك انت
معتوق : اهو الحمد *** نبرزوا
عصام : باهي تمام بكل كيف حال العويلة
معتوق : ابخير … شن سبب الزيارة اليوم
عصام :و**** ياعمي جايك ف طلب هكي
معتوق : شنو
عصام : بالك اتحصلنا خدمة انا و صاحبي نزار … زبطه نزار واﻻه
معتوق : اي زبطه .. لكن
عصام : ب**** ماترفض ياعمي
معتوق : مايبوش عمالة حاليا ونبي انخششك انت وخوك علي
عصام : تو يدور خدمة تانية علي
معتوق : ﻻ و**** مانقدر .. اﻻقربون اولى من المعروف ياولدي وحتى كان بنخشش نزار وحاتم ﻻ بيحرج مني وحتى بوك ايقولي كيف ماتشغلش ولدي معاك
عصام : باهي ياعمي اللي اتشوفه … السﻻم عليكم
معتوق :وعليكم السﻻم ..
علي : يانزااار … نزاااااار
مروة : نزاار.. نزار نوض .. فيه ولد يضبح عليك برا
نزار : باهي هي اهو نايض …
ناض نزار وطلع لشاب
علي : خييير
نزار : خيرات
علي :تي وين من نهار اتخرجت معاد ريناك
نزار : اهو قاعد ف هالدنيا … خش خش
علي : ﻻﻻ مستعجل غير سمعت ايحطوا ف ملفاتهم ف القوى العاملة فجيت انقولك بالك بتقدم عندهم
نزار : من اللي حصلت اﻻفادة مشيتلهم طول وقدمت ملفي وكل اسبوع نمشيلهم ويقولولي مازال
علي : و**** مشكلة
نزار : ان شاء **** خير وخﻻص …
علي : ان شاء **** هي سﻻمات توا
نزار : سﻻمات …
{قعدت بﻻ عمل منين بنصرف على العيلة منين ؟؟كيف اندير بس… نخنب نقتل …الحالة معش اتسر بكل… يلعن بو القرش }
نزار :وين ماشية يمى
خ رقية : ماشية لجيران
نزار : شن فيها الصرة ؟؟؟؟
خ رقية : ﻻ شي
نزار : يمى شن فيها الصؤة اللي رافعتها
خ رقية : شوية حويجات
نزار :وﻻش مطلعتيهم ؟؟ ماشية بتبيعيهم يمى ؟؟؟ حوايج صفاء ومروة واﻻه
خ رقية : ايه شن بندير مافيش ماناكلوا
نزار : خشي يمى خشي
خ رقية : خلي نمشي
نزار : ورحمة بوي اﻻ ماتخشي خﻻص خشي اهو تو نطلع ندور خدمة تاني ..ساد اللي صار امبكري
خ رقية : اح وخﻻص… خليتني نمشي ياولدي
نزار : ﻻﻻ اهو تو نلبس الشبشب ونمشي ندور خدمة
خ رقية : باهي *** معاك
نزار : ان شاء **** خلي نلبس شبشب… ايوااه هي سﻻم
خ رقية : سﻻم ف امان **** ياولدي
طلع نزار من الحوش وهوا مش عارف وين يمشي واﻻ وين ايلود مشي لعصام…وعصام قاله ان عمه ماوافثش… طلع من عند عصام وكمل مشواره وكل مكان يمشيله مايحتاجوش عمال … مشي لدكاكين .. لجمعيات ماحصلش… في اﻻخييير خطم من قدام مصنع لقي واحد زميله من الثانوي وقري معاه ف الجامعة
نزار : اوووووووووو حاتم
حاتم : اوووو نزار شن اﻻمور
نزار : اهو الحمد*** شن مداير
حاتم : اهو مكسدة
وقعمزوا هما اﻻتنين على بلوكات ف الشارع
نزار : وينك معش قابلت ف الجامعة معش شفناك ياراجل
حاتم : سيبتها القراية قداش ليا
نزار : ﻻﻻ عﻻش
حاتم : ظروف و**** … شن صار فيك انتا
نزار : كملت واتخرجت
حاتم : كويس توا اكيدة مهندس قد الدنيا ف شركة واﻻ مكان مرموق
نزار : ب**** يا حاتم خليها ف سرك
حاتم : عﻻش ..
نزار : ماحصلتش عمل والحالة تضرب تعزق و**** امبكري صار موقف مع العويلة هكي لين خنقتني العبرة …ماخليت وين لدت ماخليت وين حطيت ملفي
حاتم : ﻻ حول وﻻ قوة اﻻ ب**** …
نزار : حالة وخﻻص
حاتم : الحق انت ياما وقفت معاي ايام الثانوي جي الوقت اللي نردلك فيه ولو جزء بسيط
نزار :مافيش بينا ياحاتم
حاتم : به شن رايك تخدم معاي ؟؟
نزار : نخدم ياريت… شن هيا الخدمة
حاتم : عندي خدمتين ف النهار نظاف ف المصنع هدا… وف الليل انبيع
نزار : شن اتبيع
حاتم : هات وذنك
نزار : هاه
حاتم بصوت همس : حشيش
نزار : اعوذ ب****
حاتم : ههههه خيرك انتفضت هكي
نزار : خلعتني الحق
حاتم : تي ماقتلكش دخنه واﻻ كوله.. بيع بس وتاخد حصتك من الفلوس مبلغ ف اليوم و اتروح بيهم وامورك طيبة
نزار : بش هادو فلوس حرام
حاتم : ﻻ حرام وﻻ واحدة … كان سبسته حرام لكن انت بتبيعه شن دخلك فيهم… اللي بيشروا حيشروا منك واﻻ من غيرك
نزار : ﻻﻻ
حاتم : غير انت فكر بس وبعدين رد عليا …عارفك دكي وحتمشي فيها الخدمة مزبوط ..
نزار : ﻻﻻ خليني نقدم ف خدمة النظافة
حاتم : انا نخدم نظاف تمويه بس …بش وقت نصرف عالعيلة مايقولوليش من وين نصرف عليهم
نزار : كم المعاش ف شغل نظافة هدا
حاتم : تبي تخلص يومية دينار ف اليوم وكان تبيها شهرية 30 نهاية الشهر
نزار : باهي حتى 30 كويسات
يمشونا حتى شوية ماكلة
حاتم : حتى انا هكي كنت انقول عموما مدير المصنع قاعد خشله كلمه
نزار : به هي
*خش نزار للمدير وكلمه واتفق معاه انه بيبدى من تاني يوم عمل نظاف ف المصنع * ….
وفاتت اﻻيام و30 دينار معش سدوا العيلة وقعد نزار يتسلف من المدير عالشهر لبعده وتجي شهور يشتغل بﻻ مرتب ﻻنه متسلفه من الشهر اللي فات …
وفي يوم ليل …متكي نزار ف وسط الحوش ..
{شمالها الحكاية اتزيد تتعقد الجمعية تبي فلوس بش نقدر ناخد طماطم وزيت ومكرونة وفلوس ل امي بش تاخد مستلزمات هدا من غير فلوس ومصاريف قراية مروة وصفاء ف المعهد يبو كراريس و حاجات شن اندير ياربي شن اندير }
صفاء : نزار
نزار : نعم
صفاء : *** عشرة جني
نزار : وعﻻش النهار المبارك عشرة جني بحالها ….ماقلتيش حتى اجنية
صفاء : ماهو بنشري شنطة
نزار :وخيرها شنطتك ياصفاء
صفاء : اتقطعت ومنظرها مبهدل
نزار : و**** ماعندي توا …كنت نحسب ف حق فلوس بش ناخد مونة من الجمعية
صفاء : به كيف اندير البنات معاي ف المعهد بشناطي جدد وانا ﻻ
نزار : باهي شن بندير نخنب ؟؟ اه قوليلي نمشي نخنب ؟؟ ماعنديش ! انولع ف روحي واﻻ شنو . راني نظاف والمعاش 30 دينار بس
جتهم خ رقية وقتلهم : خيركم شنو فيه
صفاء : قتله *** شنطة ﻻن شنطتي تقطعت بدي يصيح عليا
نزار : استغفر **** العلي العظيم
خ رقية : انتي عارفة الحالة مهناكش يا صفاء … بري جيبيها شنطتك تو نخيطهالك
صفاء : خﻻص تو نخيطها بروحي ..
طلعت صفاء وخشت مروة
مروة : خيرها هادي
خ رقية : تتزعبن
مروة : اممم باهي … نزار عندك 5 دينار …
نزار : عندي الصبر
خ رقية : خلوه الولد منين بيجيبلكم وانتوا زي سﻻلة الفلوس انتي واختك
مروة : باهي بﻻش
خ رقية : ماتكدرش روحك يانزار .. معليشي … معيشة حرفة وخﻻص… حتى امبكري بنقعمز نخيط مفارش زي قبل ونبيعهم معش قدرت …عيوني خﻻص عليهم ضعفوا
نزار : ماتعبيش روحك بارك **** فيك خدمتي لين اتخرجت .. ان شاء **** *** يسخر الحال و تفرج ..
هي تصبحي على خير يمى تعبان وبنرقد بش انقيق بكري
خ رقية : ان شاء **** خير …تﻻقي الخير
فتح باب المربوعة نزار وخش فيها وهو يفكر ف كﻻم حاتم …
{زعما نوافق بخدمة التانية متع حاتم ؟؟ لكن بيع حشيش و**** انحس فيهم حرام … ﻻﻻ شن حرام عﻻش حرام …صح زي ماقال حاتم بيشروا مني واﻻ من غيري … باهي فلوسهم حلال يانزار هادو .. حﻻل حﻻل.. تجارة زيها زي غيرها وكاني نبيع ف دخان … لكن لكن .. مافيش لكن هوا هدا نوافق وخﻻص … باهي لو امي عرفت امممم تي منين بتعرف …. مشكلة لو عرفت . ﻻﻻ بﻻش خوف يانزار ﻻ تعرف وﻻ واحدة }
*ومن التخميم رقد نزار مافاقش اﻻ على صوت امه اتنوض فيه *
نزار : نضت نضت … صباح الخير
امه :صباح النور …نوض فيسع الفطير واتي
نزار : اوكي ناخد دوش ونصلي وانجي هي
*وقف نزار وهوا ماشي للحمام يسمع ف خواته يهدرزوا
صفاء : و**** تستاهل اهو حصلتنا منها 20 دينار هالكلبة هادي
مروة : و**** حرام عليك
{شن يديروا هادو منين جاهم عشرين دينار امس كانت تبي عشرة جنية بش تشري شنطة واليوم عندها عشرين كيف صار ؟؟}
*خشلهم نزار *
نزار : عشرين متع شنو انتي وياها
صفاء : امممم اممتع شي
نزار : بﻻ كدب عشرين متع شنو تكلمي انتي وياها …. ماتبوش تتكلموا ؟؟ نمد ايدي يعني
مروة : ص صفاء خانبة عشرين دينار من بنت صفنا
نزار قرن حواجبه وقال
بصوت عالي : اعﻻش تخنبي ياحمارة اعﻻش …
صفاء تبكي : م م ماه *** ننشري كندرة
نزار : بالخنبة كان هدا ؟؟حتى انكان حالتنا المادية ماتسمحش ماتخنبيش ..عيب و**** عيب
مروة : و**** قتلها مايجيش هيا اصرت
نزار : اترديهملها فاهمة ؟؟
صفاء : كان بنردهملها بتقول عليا خنابة
نزار : بنفس الطريقة اللي خنبتي بيها رديهملها فاهمة
صفاء : باهي ان شاء ****
نزار : انتلفي انتي وياها للمعهد
*خش للحمام نزار خدي دوش و فطر وطلع ل المصنع…فاتت الساعات اﻻولى من العمل و نزار قعمز ف تركينة ياخد راحة و راسه يرفع ويجيب والوضع متازم ويفكر ف خنبة اخته …*
{ الوضع معش يسر اختي بدت اتمد ف ايدها وتخنب … ايييه ب**** اليوم خنبت غدوة اشبح شن ادير…. الصبر ياربي الصبر… به منين بنجيب الفلوس منييين احسن شي نتسلف من المدير على الشهر الجاي زي مادرت الشهر اللي فات }
*وقف نزار نفض روحه ومشي لمكتب المدير ف المصنع *
طق طق طق
جمال : ادخل
نزار : السﻻم عليكم
جمال مقعمز ع مكتبه ومشغول يوقع ف وراقي رد ع نزار السﻻم من غير مايقيم راسه
نزار : استاد جمال
جمال : انعم
نزار : ب**** *** طلب هكي
*قام راسه جمال وقاله : ماتقولش فلوس
نزار : اي و**** … *** نتسلف عالشهر الجاي
جمال : ﻻﻻ مافيهاش كيف الشهر اللي فات متسلف عالشهر هدا وين نندري عليك مرات اتسيب عمل وتفواني وتبدى خالص من دقني شهر من غير تعب
نزار : شنو بنخنبك توا
جمال : من غير كﻻم زايد ارجع لخدمتك
*اتنرفز نزار وجاي بيستقيل بس جو قدامه امه وخواته فطلع وسكر الباب … وقعمز ف تركينة حاط ايده ع خده …
على خطمة حاتم …*
حاتم : غير فاش اتخمم
نزار : و**** ماني عارف هكي ااﻻوضاع ملخبطة
حاتم : من ناحية شنو
نزار : من كل النواحي سبيزة مافيش مستلزمات كل شي ناقص ف الحوش
حاتم : به شن رايك فيه واحد صاحب سجل ف اللجان الشعبية واموره طيبة ويقبض ف معاشه
نزار : ﻻﻻ فكني منها الخدمة اهياه
حاتم : به اماﻻ وافق ع الخدمة اللي عرضتها عليك قبل شهور وريح روحك وريح عيلتك من المرمطة ياراجل … تقعد ف الحشايم مع المدير تتسلف منه وهوا يذل فيك
نزار : باهي حتى ولو لمن بنبيعه اللي تدوي عليه ..
حاتم : غير انت تعال الليلة وتقابل مع الراس متاعي وهوا توا يقولك
نزار : باهي به يستر ****
حاتم : خﻻص تلقاني ستنى فيك جيهة البيفي مع ساعة 10:30
نزار : باهي تو نشوف
حاتم : نستناااك مش ماتجيش
نزار : باهي ياحاتم وانت اتزن
حاتم : مانبيش نشوفك شاقي بس
طلع نزار من المصنع ومشي لحوش عصام مالقاشي فروح للحوش … وطول الوقت يحاول يتناسى الموعد اللي عطاهوله حاتم….وشيطانه ايوز فيه انه يمشي
وقرر انه يرقد بكري *
نزار : هي تصبحوا ع خير
مروة : مازال بكري قاعدة ساعة 8
صفاء : بيجيبوا مسلسل جديد ف القنفودة
نزار : ﻻﻻ ناعس
خ رقية : خلوه ع راحته برا اتكى وليدي امشي
نزار : اي ماشي هي
خش مربوعة واتكى ويتقلب يمين يسار يمين يسار معش جاه نوم ناض وفتح الضي وشاف ساعة لقاها العشرة.. وجمل يترددوا ف راسه
{تي برا لحاتم امشي…
لحاتم امشي برا
برا امشي لحاتم }
لبس حوايجه وطلع من المربوعة
خ رقية : اللطف وين ماشي
نزار : عندي ولد يستنى فيا عطيته موعد ونسيت
خ رقية : به ماتعطلش
نزار : باه
وبعد نص ساعة وصل عند حاتم
حاتم : تي خيرك تاخرت من بكري نستنى فيك ياراجل
نزار : ماه كنت انفكر
حاتم : معش اتفكر …راسك انت مش متع خدمة …امشي وراي وخﻻص
نزار : باهي وينه الراجل اللي قتلي عليه
حاتم :اصبر تو ايجي …
(بعد نص ساعة )
نزار : تي وينه
حاتم : تو ايجي خيرك انت … اهو جي هي
(صﻻح ملقب ب القيافة مواليد 1963 … عنده عﻻقات ف الدولة ويشتغل موظف لكن شغلته مش معروفة شن هيا )
صﻻح : السﻻم عليكم
حاتم : وعليكم السﻻم … مرحب بيك يااستاد
صﻻح : هوا هدا اللي قتلي عليه او
حاتم : اي هوا هدا حيعجبك يااستاد تريس ماﻻخير … وقبضاي
*فتحي نخص نزار بش يتكلم*
نزار : مرحبا
صﻻح : هو كشكل يبان اكبر من عمره بس مع هدا صغير
نزار : تي شن ص. .
*حاتم عفس ع رجل نزار*
حاتم : ايه صغير ف العمر لكن عقله كبير ويعجبك …
صﻻح : اممممم مضمون قصدك
حاتم : مية ف مية
صﻻح : به تمام … تعرف شن شغلك يا … شن اسمك قتلي
نزار : نزار
صﻻح : نزااار … حيتغير اسمك مع الوقت على حسب كفائتك ف الخدمة هادي… شغلك انك اتبيع كل البضاعة اللي عندك وتكون صدقات بشباب اللي من جيلك … رد بالك تاخد منها البضاعة
نزار : شن ناخ …
صﻻح : قاعد نتكلم انا … ماتقاطعنيش ف دوتي …رد بالك تاخد منها البضاعة *** شخص صاحي ايبيع مش ايغفوه وياخدوها منه
حاتم : فهمت نزار
{مش مرتاحله … خلي نرجع للحوش ونقوله مانبيش نخدم}
حاتم : نزااار
نزار : فهمت فهمت
صﻻح : خود البضاعة من الكوفيني وتو يقولك الفار وين اتبيعهم
نزار : منو الفار
صﻻح : هئهئهئهئ اونه اللي بحداك كل يوم ايوليلي بنص البضاعة .. راك اتكون زيه
*اكتفى نزار ب ابتسامة صفراء ردا على كﻻم صﻻح
وخدي البضاعة من الكوفيني *
صﻻح : مع الفجر سلم البضاعة اللي فضلت ل سفيان ياحاتم
حاتم : تم يااستاد صﻻح
*وخر صﻻح بسيارته ومشي …. وفتح نزار شكارة الكحلة لقي فيها كياس صغيرات هروينة حشيش وحبوب *
حاتم : خيرك ترعش … شن متوقع تلقى فيها الشكارة حلوة واﻻ مستكة
*نزار جبهته ولت متعرقة وارتفعت درجة حرارته من الخوف*
نزار : اس اسمع خود برا بيعهم انت بنروح انا
حاتم : وراس امك ؟؟
نزار : ايه مممش ليا الحاجات هادي
حاتم : قوي قلبك بﻻ جو زايد
نزار : مانقدرش
حاتم : تقدر … اسمع برا ل المناطق اللي نقولك عليها ورد بالك تكبسك الشرطة
نزار : شرطة شنو ياودي
حاتم : غير هيا برا
نزار : ماعنديش سيارة بش نمشي جيت بتاكسي.. وتوا شوارع فاضيات مافيش تاكسيات
حاتم : به به برا لمنطقة كدا … بحدا منطقتكم تو تلقى جماعة غادي معكسين جيهة ورشة العكنوني . ..زبطها واﻻه
نزار : ايه ايه زبطها
حاتم : خﻻص تلقى جميعة غادي
قولهم انا من طرف الفار وتو يزبطوا هما … وماديرش جو الخوف حمر عينك واشحط روحك… تسمع فيا شن انقول…
نزار : به به فهمت.. باهي عﻻش يبيع فيه عن طريقنا خليه يبيع بروحه بجملة
حاتم : سؤال غبي عموما زي ماقتلك … كيسة الهروينة الصغيرة بيعها ب 25… الحشيشة هادي الظرف ب 30 …. الحبوب الحبة بعشرة …فهمت
نزار : باهي باهي خﻻص …
حاتم :كان شداتك الشرطة ماتتكلمش مهما سؤلوك
نزار : ان شاء **** خير
(ومشي نزار للمنطقة اللي قاله عليه حاتم
ووقف بجنب بالو ضي ايشوف ل الجماعة اللي قاله عليها حاتم … وخايف ومش عارف كيف يتصرف)
{هيا يانزار … امشي تقدم ﻻﻻ خلي انروح … لكن تو حاتم يدير فيا حالة.. اففف بﻻ خوف ياولد هيااا}
*تقدم نزار بخطوات خوف وقلق وارتباك لجيهة الشباب بعدين شحط روحه ودار الوعارة *
نزار : اساويكم
الشباب : وعليكم السﻻم
نزار : ااا هئ احم .. ا تبو حشيش
شاب : اااا شنووو
شاب 2 يوشوش لصاحبه : شرطي واﻻه حسه كمين
شاب : ايه ممكن …
شاب 3 :ﻻﻻ ماعندناش فيها الدوة هادي
شاب 2 : برا من اهني خير مانتفلووا فيك
نزار : باعتني الفار
شاب 2 : تي قول هكي ماﻻول
شاب 1 : عطلتوا علينا اليوم قريب كلينا بعضنا ياراجل
نزار : باهي شن تبوا عندي حبوب وحشيش
الشباب : حشيش
نزار : ب 30 هاك هي …
شاب : هما راص 20 ماعنديش غيرهم
نزار : ﻻ ب 30
شاب 2 : به لينا احنا بعشرين شن رايك
نزار قرن حواجبه ويفنص وطلع موس متعه وقال : ليك واﻻ لغيرك ب 30 بتاخد خود …ماتبيش بﻻش… بدير العنترة بناكلك ماكلة …وانت اختار شن يصلح بيك
شاب 2 : باهي نبصروا اهو عندي 30
نزار : حلو الكﻻم …
(باعلهم نزار واستفسر منهم عن باقي الجماعة اللي مزال يبو يشرو
وباع كل كمية ورجع ل حاتم مدله الفلوس )
حاتم : بعتها كلها ؟؟
نزار : ايه
حاتم : وعطوك فلوس تامات ؟؟؟
نزار : ايه
حاتم : اما انتاااا حسك خطير وعندك فيه وانا ماندريش المهم غدوة تو يعطيك صﻻح كل يوم يعطيك فلوس يوم اللي قبله وهكدا
نزار : بش قتلي بالشهر
حاتم : تي حد يرفس النعمة
نزار : باهي به انا بنروح توا ساعة 2 خﻻص
حاتم : نتﻻقوا غدوة سﻻم
(روح نزار دبة دبة لين وصل الحوش وخش)
خ رقية : وين لتوا
نزار : قاعدة فايقة يمى
خ رقية : نستنى فيك
نزار : كنت نلعب ف كورة انا وشباب
خ رقية : كورة شنو ف عقاب ليل ف ليل
نزار : شدوا فيا ماقدرتش نقولهم ﻻ
خ رقية : باهي اخر مرة معش تعطل هكي
نزار : ان ششاااء ****
على ثاني يوم الصبح
مشي نزار لحوش حاتم وطقطق فتحتله بنوتة صغيرونة
نزار : اهﻻ كيف حالك ياحلوة
البنت : كويسة
نزار : شن اسمك انتي
البنت : غادة
نزار : عاشت اﻻسامي ياكتكوتة … حاتم قاعد
غادة : ايه قاعد
نزار : به ناديهولي
غادة : به ستنى سوية
(بعد شوي )
غادة : قالك تو انجي
نزار : به .. تقري انتي
غادة : ايه صف تاني ابتدائي
نزار : اكيدة شطورة
غادة : هههه ايه
(طلع حاتم )
حاتم : صباح الخير
نزار : صباح النور
حاتم : خشي داخل ياعزوزة اكيدة نفختي راس الولد
غادة : مش عزوزة انا مشناك راس الثومة خالتي مريومة
نزار : ههههههههه
حاتم : تي خشي داخل نعن شكلك عزوزة القايلة …
نزار : بشوية عالبنت
حاتم : ماينفعش فيها اﻻهكي
نزار : ماكنتش نحساب عندك خوات
حاتم : مش اختي هادي بنت عمي وديما نازلة عندنا زي السوسة ههههه
نزار: هههههه خﻻص خلي نخطبها اماﻻ عجبتني هههههه
حاتم : هيا ليك هالنفاخة العش هادي
نزار : هههههه… ها قولي شن صار امس
حاتم : شكر فيك استاد صﻻح قال من اول يوم فضى الشكارة
نزار : تﻻقيت معاه امس ؟؟
حاتم : ايه جي هوا بدل سفيان
نزار : اممم باهي لكن مادبيا نبدى نبيع من المغرب ﻻن مانبيش امي اتشك
حاتم : به عادي
*ومع الليل قبض نزار فلوسه 170 دينار … فرح بيهم وطار عقله
وعلى ثاني يوم الصبح مع ساعة11 طلع هوا وعصام مشوا لمحل خدي لخواته حاجات و مشي لجمعية شري سبيزة وكل شي وروح للحوش *
خ رقية : ماشااااااااء **** هدا كله جبته من الجمعية ؟؟
نزار : ايه يمى ومازال البرويطة التانية جايبها معاي عصام قاعدة قدام الباب ستني انجيبها
خ رقية : **** يبارك … بس منين جوك الفلوس
نزار : اليوم المدير زادنا المعاش
خ رقية : ئه غريبة عﻻش زادلكم المعاشات
{ياربي شن بنقولها شن بنقولها }
خ رقية :نزار ؟؟؟
نزار : ماهو اليوم عيد الفاتح عرفتي هدا باش زادنا المعاشات
خ رقية : اها ﻻ باه كان هكي … يامروة ياصفاااااء
صفاء : نعم
خ رقية : تعالي فيسع خوك *** حن عليه وجاب سبيزة
صفاء : حقققق؟؟؟هاني جاية هي
نزار : جايب حتى كنيدرات وشنيطات ل مروة وصفاء
مروة : بجديات … تره تره
خ رقية : تي بشوية يادعوة دعستيلي صبعي
صفاء : ماهوو بنشوف نزار شن جاب …حولي يامروة ليا الكندرة هادي
{ليا وقت معش شفتهم فرحانات هكي … برغم ان ضميري مأنبني عالخدمة اللي نخدم فيها بس يﻻ معليشي المهم اسعدت امي وخواتي }
مروة : ﻻﻻ عينك انا شديتها قبل
خ رقية : بشوية ياهايشات منك ليها نزار : هههه خليهم يمى
خ رقية : *** يفتحها ف وجهك يا وليدي
نزار : ان شاء **** يمى … هي طالع انا
خ رقية : شن الشكارة اللي رافعها شن فيها
نزار : امانة متع ولد ..
خ رقية : ها به
نزار : سﻻم
* ويوم عن يوم يكون صداقات ف اماكن تانية .. ويبيع وف غضون شهرين ولى خبرة وكل اللي يبيعلهم يخافوا منه وحالتهم المادية اتحسنت …و يوميا الشكارة ايفضيها من البضاعة ويسلم الفلوس ل صﻻح وصﻻح يعطيه حصته … وصﻻح عجبه نزار هلبا… وفي يوم ما كان نزار جاي ل صﻻح ف مكان ديما يلتقوا فيه بش يتفقوا و يسلم صﻻح البضاعة لأتباعه …
صﻻح : ف خﻻل شهرين قدرت تتبت نفسك وشخصيتك عاللي نبعت فيك ليهم … كان تقعد هكي حنعطيك هلبا مزايا
نزار :ان شاء **** …
صﻻح : عموما الليلة فيه صفقة جايتني عالميناء هيا مش ليا بس انا سمعت بيها ونبي نخنبها …و نبعتك انت وحاتم تقدر واﻻ ﻻ..
نزار : تم
صﻻح : عارفك قدها يانزار …. تعرف اتسوق ،؟؟
نزار : اي نعرف … تعلمت شوية من ولد
صﻻح : به تو نعطيك سيارتي العقرب ريح ادرسها بعيد شوي من الميناء و…
*وعلى خشة حاتم بقوة ويجري ومدهول *
حاتم : استاذ صﻻح استاد صﻻح
صﻻح : شنو خيرك خاش هكي
حاتم : الحويلو والجماعة
صﻻح : خيرهم !
حاتم : ضربوني وخنبوا مني البضاعة
*صﻻح كان مسترخي في كرسيه ولما سمع هالكﻻم وقف وقال : تي كيف … كيف يخنبوها منك ياحمار
حاتم : مش عارف كيف صارت اللقطة … غلطت وقلت اسمك قدامهم ضربوني وخنبوا مني البضاعة
صﻻح : ماك غبي واغبى من الغباء اتفيه عليك …. اننت تعرف ان بيني وبينهم موضوع كبير ﻻش فاتح فمك
نزار : نمشيلهم ؟؟
صﻻح : شن تمشيلهم شن بدير … اصﻻ يعرفوك انك تبعي شايفينك مع حاتم
حاتم : ﻻ شايفينه معاك
صﻻح : امتى
حاتم : ف ليلة من ليالي ياشبحوك تسلم بضاعة يا مش عارف المهم
صﻻح : تو نعرف كيف ناخد حسابي منهم يلعبوا معاي انا …. هه انوريهم اللعب شن شكله
نزار : و**** بصدق خليني نمشيلهم وماتكون اﻻ راضي استاد صﻻح
صﻻح : ماكش قدهم يانزار !
نزار : بإذن **** و**** ماتكون اﻻ راضي
صﻻح : به … به به خود معاك السﻻح هدا
نزار : ﻻﻻ مش ﻻزم سﻻح… معاي بوخوصة متاعي ساد
صﻻح : به برا … هادو مفاتيح السيارة
نزار : تمام
صﻻح : خود معاك هالفار هدا
نزار : ﻻﻻ خلي نمشي فيسع فيسع وانجي
صﻻح : تعرف مكانهم ؟؟
نزار : ايه نعرف
صﻻح : تمام … ماتعطلش نستنى فيك
نزار : به
*طلع نزار من اهنا وصﻻح اتلفت ل حاتم *
صﻻح : تاريتني ماخبتش لما سميتك فار … ياحشايم يابهادل تو باعتك اتبيع من سكات ماشيلهم وتقولهم صﻻح… وعارفهم مايحبونيش كﻻ انت غبي …وتقعد هكي طول عمرك … اتعلم من صاحبك اتعلمممم ياراس السطل
حاتم : علمناهم شحاتة سبقونا لبواب الجوامع
صﻻح : شنوو
حاتم : مانعرفش كيف صار الموضوع
صﻻح : به به نوض من قدام وجهي **** ﻻ يبشرك بالخير … ووتي روحك ابتمشي مع نزار الليلة للميناء
حاتم : ان شاء **** يااستاد …تبي مني شي توا
صﻻح : شي انتلف تلفة
حاتم : باهي سﻻم عليكم ..
*طلع حاتم من عند صﻻح وهوا يفكر … كيف هكي في شهرين قدر نزار يتقرب ل استاد صﻻح … وعﻻش استاد صﻻح ايحبه هكي برغم ان اقدم منه ف المواضيع هادي … اففف منك يانزار الهم… ف القراية ف الثانوي متفوق عليا وفي خدمة العفن متفوق عليا…انا غبي شغلته معاي … كنت نحسابه حينحرف ويدخن حشيش ويولي شخص منحط لكن اهو خدي بكﻻم استاد صﻻح ومادخنش افففف منك يانزار الهم اف *
نزار : وين الحويلو
اشكاب : شن تبي فيه
نزار : كلمة وقص الحويلو وين وماتكترش الرغوة
اشكاب : مانعرفش
*شد نزار اشكاب من تيشرت متعه وقاله : بتقول يااشكاب واﻻ نتصرف معاك تصرف مايسركش
اشكاب : باهي باهي … اونه ف المخزن
*رخي نزار اشكاب وشافله بتفنيصة مع قرنة حواجب ومشي ل الحويلو ف المخزن …مكان اضاءة خافتة ريحته حشيش فيه كلب ولف مربوط عاليمين كمل خطوتين القدام ونحى الستار لقي الحويلو مطبس عالطاولة ويشم ف البودرة قام راسه فجاة وقال : اووو غير من عندنا بس …الدراع اليمين للقيافة هههههه واﻻ مازال ماداركش دراعه اليمين
نزار : باختصار كلمتين وقص هات البضاعة
الحويلو : اما بضاعة يا كتكوت ياصغير انتا هههه مستغرب فيه القيافة باعتك
نزار عصر ايده : باختصار شديد وين البضاعة واﻻ
الحويلو : واﻻ شننو
نزار : واﻻ نعرف شغلي معاك
الحويلو : حق او هههه حسك خوفتني
نزار : البضاعة ؟؟؟
الحويلو : هي استنى هي …
*حط صوابعه ف فمه وصفر تصفيرتين … ويخشوا اربعة نفار *
الحويلو : دونكم ليه ياجميعا
يتبع ………
الجزء الثاني من رواية عاصفة الصمت
الحويلو : واﻻ شنو
نزار : واﻻ نعرف شغلي معاك
الحويلو : حق او هههه حسك خوفتني
نزار : البضاعة ؟؟؟
الحويلو : هي استنى هي …
*حط صوابعه ف فمه وصفر تصفيرتين … ويخشوا اربعة نفار *
الحويلو : دونكم ليه ياجميعا
واﻻ ﻻﻻ استنوا … قبل مااديرو فيه حاجة خلي نخيروه برضوا انا شخص ديموقراطي …. قول يانزار شن رايك اتفوت القيافة وتشتغل معاي
نزار : تمينا
الحويلو : حق او
نزار : حق اي تمينا لو ماعلمتش ع جماعتك *مع غمزة *
*طلع نزار البوخوصة متعه وفتحه وبرشاقة تامة اتقدم لشخص اﻻول وضربه بونيه … جاه شخص شدله يديه من الخلف وشخص الثاني قدامه .. قام رجليه نزار ودفع الشخص ف صدره … وضرب الشخص اللي شاده بمرفقه وطبس قام بخوصة متعه ونخص واحد منهم ف جنبه طاح …جاه الثاني فغرزله نزار الموس في فخده … الثالت ضربه بونيتين ع عينه وبونيه ع سنونه ونزله راسه.. وضربه ع راسه بمفرقه لين طاح فاقد الوعي … والرابع اشكاب هرب
تقدم نزار لطاولة الحويلوا وقاله :البضاعة
الحويلو : باهي باهي بعد الموس من عليا
نزار : من غير غدر نحي ايديك من تحت الطاولة عارفك بطلع سﻻح
….طلع ايديك
الحويلو : الصبر حتى المفرخ بدوا يتمرجلوا علينا
نزار : سقدني
الحويلوا : اونيه بضاعتك ف الباكو خودها واطلع من اهنا وقول
لسيدك بينا اﻻيام
نزار : سيد نفسي انا يااحول
الحويلوا : كﻻم قوي يستحق ان نوصلوه ل القيافة بش يعرف شغله معاك
نزار : جرب انت بس … وتعرف شن ايصير فيك …نوض فيسع اوقف ف تركينة
*ناض الحويلو وقف وخدي بضاعته نزار وطلع من مستودع وركب عقرب الريح
ومافاتش ساعة اﻻ ربع …واﻻ كان نزار عند صﻻح *
صﻻح : ها شنو
نزار : بش قتلك ماتكون اﻻ راضي يااستاد صﻻح
صﻻح : عفارم عليك يانزار سبع و****… ادكر فيا بروحي وقت كنت بعمرك
نزار : كنت اتبيع حتى انت
صﻻح : هاهاهاها حاجة زي هكي
المهم توا روح ارتاح … ف الليل عندك مهمة تانية … بعدين وقت ايجي الفار تو نفهمكم عليها انتو الزوز
نزار : تمام هي السﻻم عليكم
صﻻح : استنى استنى
نزار : نعم
طلع صﻻح مبلغ وحدفه ع طرف الطاولة وهوا يدخن ف سيجارة وقاله : يوميتك متع امس وزيدها حصة الليلة عارفك انت قدها
وقدود
ابتسم نزار وخدي ظرف الفلوس وقاله : تم
طلع نزار من عند صﻻح …
و يفكر ياخد فرش جديد لحوشهم
وفعﻻ من فكر لتنفيذ خدي تاكسي ووصى على منادير جدد وبساط جديد وخدي مزهريات للحوش وسطل زواق وكل المستلزمات وروح بيهم للحوش
خ رقية : ئه ئه ئه هدا شنووو يانزار
نزار : هدا كل خير يمى …بنزوق الحوش ان شاء **** … وجايب حاجات تانية ..خشي خشي لدار وخششي معاك مروة وصفاء العامل بيخشش معاي المنادير
خ رقية :منادير شنو
نزار : غير خشي بس تو نقولك
خ رقية : باهي هي
*خشت خ رقية لدار هيا وبناتها ونقل نزار والعامل الحاجات اللي جابهم…
وخلص صاحب الطانطا والعامل وسكر الباب
نزار : يمى … مروة صفاء تعالوو
صفاء : هيا هي
خ رقية : ماشاااااء **** صلي عالنبي
نزار : **** صلى وسلم وبارك عليه
مروة : لينا هادو
نزار : ﻻ لجدي … تي لينا اماﻻ لمنو
صفاء : **** محﻻهم يانزار
خ رقية تشبحله بكل ريبة وشك وتفكر منين جاب الفلوس…
نزار : خيرك مش فرحانة يمى
خ رقية : منين جبت الفلوس يانزار …خدمت النظافة ماتجيبش هدا كله
نزار : ههههه شن شاكة فيا واﻻ شنو
خ رقية :اكيد بنشك شنو خنبت يانزار ؟؟؟
نزار : ﻻ يمى … مدير المصنع رفعتله شهادتي متع القراية وخﻻني مهندس متع صيانة وقتله ضروري تعطيني شهر امقدم فعطاني
خ رقية : حق او
نزار : حق يمى …ومن غدوة حنبدى انزوق وسط الحوش والمربوعة ان شاء ****
خ رقية : ان شاء **** *** يفتحها ف وجهك اكثر واكثر
صفاء : نزار … خاطري ف شكﻻتة ورد
مروة : مصح وجهك غاليات الواحدة ب 2 اجنية …
صفاء : اسكتي ياكلبة
نزار : باهي ادللي تو نجيبلك
صفاء : هيييي موتي انتي بحسرتك يافرخة مروة
مروة : به خيرني انا
نزار : حتى انتي يامريوة ادللي تو نجيبلكم واحدة واحدة وامي حتى انتي نجيبلك
خ رقية : و**** غالية عﻻش بزوز اجنية … اهو نديرلكم حلوة الكاكاوية وخﻻص
صفاء : ههههه ﻻﻻ نبوا شكﻻتة ورد بنات صفنا ياكلوا فيها ومايعطوش فينا
نزار : و**** بتجلطيني ببنات صفك ياصفاء … فﻻنة عندها فﻻنة دارت
فﻻنة ترقص هههه فﻻنة تلعب كورة وبرا عاد
صفاء : ههههه ﻻﻻ
خ رقية : نوضي فيسع جيبي العالة والحلوات قبل العشية ماتطلع
صفاء : به هي
خ رقية: و جيبي الكاكاوية والطويجين الصغير
صفاء : تمام
نزار : شنو يمى مازال ماتبيش اتجينا خالتي ؟؟
خ رقية : اححح ب****
مروة : خالتي من هداك النهار وﻻ عاد شفناها
نزار : معقولة هكي يلعن بو الفلوس اللي يغيروا الشخص هكي …شن هما الفلوس وسخ دنيا
خ رقية : مش منها … من راجلها هالهبودي هدا
نزار : و**** مانطيقه بكل … نتفكر فيها قبل عامين ياتﻻتة … قلت ل خالتي ناقصين عليا فلوس *** انصور شيتات … مشت قتله اعطيني دينار .. نزار بيصور وراقي هههه قالها تي بري من عليا انتي وصغار اختك وهما ديما هات هات شن يحسابوني نلقى فيهم طايحات او
مروة : وقح
نزار : اتحشمي اكبر منك هدا !
خ رقية : بكل واهو قطعها علينا مرة واحدة
نزار : *** يهديه وخﻻص لكن واللت مانحبه شهادة هكي كل مانشوفه قلبي ينغم الحق
خ رقية : وهوا ينحب هدا بوبريص عالحيط
*جت صفاء وجابت العالة وكل شي وقعمزت وششرين الحوش *
ناضت صفاء بتفتح … وفتحت
علي :
صفاء : وعليكم السﻻم !
علي مع ابتسامة عريضة : اسف السﻻم عليكم
صفاء : وعليكم السﻻم
علي : نزار قاعد ؟؟
صفاء : اي قاعد ستنى اناديهولك
علي :
صفاء :
*ردت الباب شوي وخشت *
صفاء : نزار يبيك علي
نزار : جاي هي … مروة وتيلنا صفرة الشاهي
مروة :به شوية وناديك
*وقف نزار ومشي للباب *
نزار : خش خش اعصومة
علي : هيا هي … اها وهادي اتقعميزة… شن مداير اماﻻ
نزار : اهو ماشية
علي : قاعد ف المصنع
نزار : وين بنمشي اماﻻ
علي : فوته المصنع جايبلك عمل ماﻻخير
نزار : شنو منو
علي : عضو ف اللجنة الشعبية اتكون معارف وجو وتبدى وين ماتمشي يحسبولك حساب
نزار : و**** ماخاشتلي راس هالخدمة قالي عليها شخص لكن ياودي مهئه
علي : ياغبي و**** فيها مكسب .. اي حد يقول كلمة هكي واﻻ هكي عالقائد.. اعطي فيه بﻻغ واﻻ تقرير وتاخد معاش وكلنا فداء القايد ياراجل
نزار : باهي ماقلنا شي لكن اﻻمور هيا متع سياسة والدولة مانحبش انخش فيها واصﻻ كله تطميع لشباب بالفلوس بش يخشوا ف مكاتب اللجان …
علي : به انا بنكتب فيك تقرير عالكﻻم اللي قلته توا
نزار : هههه و**** كان بيغنوك الفلوس من وراء دقني اكتب صحتين عليك ..
علي : ههههه انبصر و****
صفاء : تعرفي علي يشبحلي ف نظرات هكي مش عادية
مروة : كيف
صفاء : مش عارفة نظرات اعجاب ممكن …
مروة : هني روحك و**** كان يسمع بيك نزار ايقطعك
صفاء : هاتي الصفرة انا بناديه نزار
خ رقية : شن تتودودوا انتي وياها .. فيسع جيبوا الصفرة خلي نحط الشاهي اهو سخون
صفاء : هيا يمى هي
مروة : ارزني ياصفاء خير مايفيقلك نزار
نزار : شنو اتقنع فيا وبتعطي فيا تقرير اماﻻ سجلت انت ؟؟
علي : ﻻ مازال قلت نخطم عليك ونمشوا جميع
نزار : ﻻﻻ بالي مش صافي للحجات هادي
صفاء : نزااار … نززاار
نزار : جاي ..دقيفة بس ياعلي
*طلع نزار ل صفاء وخدي منها صفرة ورجع خش*
علي : صار ماتبيش تشتغل
نزار : ﻻﻻ قول لخوك عصام
علي : رد بالك اتقوله
نزار : عﻻش
علي : بوي مايحبش القايد وعصام طالعله …. اسسسس راك اتعاودها الدوة هادي و**** نمشوا ف خبر كان
نزار : هههه باهي غير اشرب شاهي اشرب
*شرب الشاهي علي وكلي حلويات ومع اذان المغرب طلع و شوي وطلع وراه نزار ماشي لمستودع القيافة وتﻻقى مع حاتم بالصدفة *
حاتم : نزار نزار
*تلفت نزار عاليمين لقي حاتم مقعمز على بلوكة *
نزار : اها حاتم شن الجوو
حاتم : تمام .. تعال قعمز
نزار : ماشي لراس … يبيني قال نحسابك غادي انا
حاتم : ﻻﻻ شن صار معاك
نزار : مشت اﻻمور ورديتها اﻻمانة
*حاتم يفكر هه مشي وردها البضاعة اكيدة توا ف نظر صﻻح البطل رجل مهمات الصعبة وانا مدايرني تشتوش *
نزار : شننو بتمشي
حاتم : ﻻﻻ هاك عندي ليك سبسي طيار ماﻻخير
نزار : شن فيه ؟؟
حاتم : غير سبسه مش عادي
نزار : ﻻ ماناخدش حشيش
حاتم : نقص صوتك … هاك جرب
نزار : لكن استاد صﻻح قالي ماتاخداش
حاتم : شن تسمع ف كﻻمه زي العيل خود خود جرب
نزار : باهي تو نجرب بعد مانتم المهمة متع الليل
*حاتم دار نظرة عالجنب ويفكر شن ايدير *
حاتم : اسمع رد بالك منه استاد صﻻح
نزار : عﻻش خيره
حاتم : نيته مش صافية كل اللي همه البضاعة واﻻمانات والفلوس وبس … تحساب يهتم بينا … احنا الكﻻب متعه متنا ايجيب غيرنا
نزار : كلب بروحك … وبعدين من خششني ف هالخدمة ماهو انتا … وكيف عارف هكي ﻻش وادهالي
حاتم : تي انا توا كيف اكتشفت
نزار : وشن اكتشفت ياعبقري زمانك
حاتم : اكتشفت انه مش مهم عنده
نزار : وكيف عرفت
حاتم : هكي وخﻻص
نزار : مافيش حاجة هكي وخﻻص اعطيني ادلة وبراهين اما اعتباطا هكي فوت الموضوع
حاتم : على راحتك … انا قتلك وخﻻص
نزار : باهي انا ماشيله بتجي ؟؟
حاتم : شوية بنتم اموري ونجي .. برا انت تو نلحقك
نزار : به تمام
*وقف نيزو ونفض سرواله وخطم ع محل عمي امراجع *
نزار : السﻻم عليكم ..
ع امراجع : وعليكم السﻻم ..
نزار : كيف حالك عمي مراجع
ع مراجع : الحمد*** كيف حالك انت
نزار : بخير … بكم مشروب القطوسة
ع مراجع : بخمسة وسبعين قرش
نزار : به اعطيني واحدة وتﻻتة شكﻻتة ورد …
ع امراجع : هي … مع بعضهم ستة جنية و خمسة وسبعين قرش
نزار : تمام … الشكﻻتة ب**** ابعت واحد من الصغار يوصلها للحوش واعطيه الخمسين قرش هدا
ع مراجع : باه ان شاء **** …
نزار : هي السﻻم عليكم
وهوا طالع لقي شاب ف وجهه
الشاب : انت الديناري ؟؟
نزار : ﻻ نزار
الشاب : المهم تبع القيافة
نزار : من انت وشن تبي
*مدله الشاب ورقة ومشي فتحها نزار وكان محتواها >> تحساب بساهل بتفلت مني ياديناري … الصبر طيب كان مانجيبك تحت رجليا انت والقيافة متاعك *
زبطها الورقة من الحويلو طبقها وحطها ف جيبه وكمل طريقه ل مستودع القيافة
ووقف عالباب ويسمع ف صﻻح يتكلم ف الهاتف
صﻻح : تي ماتكون اﻻ هاني … اللي بنبعته تريس وقدها … ايه نعم .. نعم .. ..ﻻﻻ وين مانقدرش نبعته لصفقة زي هادي… شن عﻻش هدا بدات مانقدرش انفرط فيه…اسمعني صفقة زي هادي واعرة وتبي اتكتيك عالكاط العالي به خﻻص انت كلمني
عالرقم شجل عندك **02134448
تم … هي ااسﻻم عليكم
*سكر الهاتف صﻻح وشبك ايديه وراء راسه واسترخى ف كرسيه *
{زعما شن هيا الصفقة الواعرة الخطيرة هيا اكيدة حيقولي خلي نخش عليه }
*طقطق نزار وخش *
نزار : السﻻم عليكم
صﻻح : وعليكم السﻻم … جيت بكري اليوم
نزار : وصلتني ورقة تهديد
*نحى ايديه من خلف راسه وواسى تقعميزته صﻻح وقاله : تهديد شنو
*طلع نزار الورقة من جيبه ومدها لصﻻح …
صﻻح : اممم هدا الحويلو … ماتخافش ماعنده مايدير
*قعد نزار يشوف ل صﻻح بنظرة شك *
{معناها كﻻم حاتم صح … مايهتمش ومايهماش ادا احنا صارتنا حاجة}
*صﻻح يشوف لنزار عالجنب … وقاله : زابطها نظرتك شن تعني راه
نزار : عﻻش شن تعني
صﻻح : حنقولك شن تعني
*خدي سماعة الهاتف ورص ازار التلفون الدائري واتصل
ينادي … ينادي …ينادي …
صﻻح : الو نعم
الحويلو : مني
صﻻح : القيافة معاك
الحويلو : شن تبي #$/**^@
صﻻح : بﻻ سبان …الورقة اللي وصلت لديناري انت باعتها
الحويلو : اي نعم
*نزار قام حواجبه واستغرب *
صﻻح : به معش تبعتله اي تهديدات وديني اتصيرله حاجة مانبدى اﻻ طاب عليك ف جيهتك ومدايرلك العار اطيح من عين اللي يعرفوك كلهم …وانت عارف القيافة شن ايدير
الحويلو : تي جماعتي خﻻها ف المشتشفى بناخد بتاري مش الحويلو اللي يديروله هكي
صﻻح : اعذر من اندر وانت عارفني
الحويلو : ااا
*سكر الخط صﻻح *
صﻻح ل نوار : نظرتك تعني انك مش مصدق ومدايرني ان معتبرك حتى لو صارتلك حاجة كلب ومات صح واﻻه
نزار : به كيف عرفت
صﻻح : مرت عليا هلبا حاجات ياولدي ونزبط اغلب الشي …
{باهي عﻻش حاتم قالي انه مايهماش … بالك مايهماش حاتم لكن اللي ريته عكس هكي}
نزار : به عﻻش يقولولي ديناري
صﻻح : هدا اﻻسم اللي طلعوه عليك كان تتفكر قتلك اسمك حيتغير مع الوقت حسب كفائتك وباهي جاك اﻻسم ديناري وتوقعاتي سموك هكي ع خاطر تحاسب فيهم بدينار وتاخد ف حقك كامل
نزار : اها … ايه صح
صﻻح : ليا وقت اندور ع شاب هكي عموما اليوم ااا…
حاتم : ااسﻻم عليكم
نزار وصﻻح : وعليكم السﻻم
حاتم : عطلت ؟؟
صﻻح : تي من امدورك يافار هههه زي قلتك مامدايرلي غير المشاكل
حاتم : هههه
*حاتم يضحك ومن داخله يسحن *
صﻻح : عموما خلونا ف مهمة الليلة
خاشة صفقة حشيش عن طريق الميناء … طبعا زي ماقتلكم هيا مش ليا لشخص اسمه الكورجا بس انا بنخنبها منه …
نزار : جماعة امن الميناء يعرفوا بيها
صﻻح : اكيد ﻻ … الكورجا مهربها ف بنابل دمى *****
حاتم : باهي كيف بنهربوهم هالدمى
صﻻح : اهنا الموضوع … تقعمزوا اتمزقوا الدمى و تاخدوا اللي وسطها وتحطوا ف الشنطة
نزار : اممم
حاتم : بالك يطبوا علينا
صﻻح : ديما انت وتوقعاتك …كان طلعت عن المخطط بيطبوا عليك
نزار : كم عندنا ساعة بش ايفضوا الناقلة
صﻻح : البابور (سفينة) ..يرسى ساعة 11 في الليل … تقريبا و بش ايفضوها تبيلهم متع شي تﻻت ساعات اربعة ومرات للفجر المهم انتوا توصل ساعة 2 اطلعوا من غادي
نزار : كيف بنخشولها واﻻمن موجود
صﻻح : حتغطسوا ف البحر وتعوموا لين توصلوا للبابور اسمه فريشكا لونها ازرق … وقت توصلوا حتلقوا سفيان على النقالة ماهو يشتغل عليها النقالة .. حيرميلكم حبل وانتوا اركبوا …شنو تميتوا اسئلة
نزار : سؤال اخير
صﻻح : نسمع
نزار : كيف حنطلعوا من الناقلة نرجعوا بنفس الطريقة غطس ؟؟ والبضاعة حدوب ف الميا
صﻻح : مشكلتي مش ف الصافي انا وجماعة الميناء كان هدا قتلهم يطلعوكم لكن ﻻ ماترجعوش بنفس الطريقة
نزار : اماﻻ كيف ؟؟
صﻻح : عارفك دكي ياديناري وقدها حتطلع منها
*شاف حاتم لنزار متع جاك كﻻمي هاه مايهماش … نزل راسه نزار زبط ان صﻻح يقرا ف العيون *
صﻻح : بﻻ خوف ياحاتم تو يطلعك نزار معاه شن بيخليك غادي
حاتم : مرااات
نزار : مصح وجهك
صﻻح : مايديرهاش الديناري . مممن لو كان العكس . انا متاكد انك حتخليه وتهرب هههههه
نزار :يستر ****
صﻻح : هو الستار وبالله ماتنسوش تلبسوا قوانطيات ماعنديش خلوق نخش ف دوامة وتارات مع الكورجا
نزار : ان شاء ****
ساعة 10:45 مساء ميناء طرابلس
*نزار درس سيارة صﻻح العقرب ريح بعيد ونزل هوا وحاتم *
نزار : امشي وراي وماديرش دوشة وماتتكلمش اﻻ اد كلمتك
حاتم :باهي
*كان فيه زوز من اﻻمن واقفين يسبسوا ف دخان .. تقدم نزار بكل خفة ووراه حاتم … ووقت قريب يصلوا للحاوية حاتم ضربت رجله ف شيشة مشروب مرش
جبد نزار حاتم وراء الحاوية
وتلفتوا اﻻمن ويدوروا مصدر الصوت … فتقدموا بيتحققوا شن فيه
نزار يهمس : ياكلب قتلك رد بالك واﻻه
حاتم : ماهو
نزار : اششش
لقي فار ف تركينة شده وحطه ع حافة الحاوية وطلقه
اﻻمن 1 : ﻻﻻ فار ولي ولي
اﻻمن 2 : اففف الفيران الحرف و**** كرهوني ف الخدمة
{تي باهي كان حصلتوا ف فار زي هاللي بحداي شن اديروا }
حاتم : شديت فار ب ايدك ؟؟؟
نزار : كان مش من هالفار راهو انا وياك ف خبر كان يافالح يامتع العمايل … خﻻص اسكت توا ماتتكلمش وﻻ حرف لين ترسى الناقلة
حاتم : به
*وقعدوا يستنوا في السفينة *
نزار : اهو صوت السفينة ..
حاتم : جبت ساعتك
نزار : ايه
حاتم : معدلة ؟؟؟
نزار : شن رايك انتا
حاتم : المفروض معدلة
نزار : المشكلة مش اهنا
حاتم : اماﻻ وين
نزار : المشكلة ان بنغطسوا ف الميا والساعة حتوقف
حاتم : باهي بش قبل ف التانوي كنت تعرف اتقدر الوقت تقدير
نزار : ايه
حاتم : خﻻص دير هكي
نزار : ليا وقت عليها اللقطة هادي يﻻ ان شاء **** نقدر انقدره تقدير
*رست الناقلة ونزل الكابتن وبعض من الطاقم متعه قام راسه نزار لقي مازال فيه متع 5 اشخاص علي السفينة *
نزار : تره شوف اما واحد فيهم سفيان
حاتم : اونه اللي شعره مريندا
نزار : تمام
* بعد ربع ساعة نزلوا اﻻربعة اشخاص وسفيان اتركن *
نزار : وراي ياحاتم
حاتم : به
* جو في زاوية ونقزوا ف الميناء *
حاتم : بنغرق يانزار
نزار : بﻻ دلع ماعمرك عمت ف الميناء توا ؟؟؟
حاتم : اول مرة
نزار : مش حتغرق هات ايدك ونقص دوشة …
حاتم : باه
*وصلوا لسفينة وقعدوا يستنوا ف سفيان … بعد شوي طل سفيان وحدف الحبل وهوا خايف …ركب حاتم بعدين نزار …وقاموا الحبل
سفيان : مرحب
نزار وحاتم : مرحبتين كيف الحال
سفيان : باهي …طبسوا ماتخلوش اﻻمن ايشوفكم … كان شدوكم ماتتكلموش عليا باهي
نزار : تم … وينها جيهة اﻻمانة ..
سفيان ف الحاوية الحمراء تعالوا
*مشوا هما التﻻتة لمكان الحاوية *
سفيان : فك القفل ياحاتم بالتل ووقت ينفتح القفل افتحوا بابهل بشوية وبزاوية حادة … كان فتحتوها بزاوية منفرجة … الباب متعها حيدير دوشة كبيرة وحيفيقوا بيكم
نزار : به تمام
*مشي سفيان ولبس حاتم قوانتي وقعمز ايفك ف القفل ويعاند فيه *
نزار : شنو خبرة شورنا …
حاتم : ايه كنت نخدم خناب
نزار : بجديات تدوي
حاتم : ﻻﻻ هكي تعلمت فتح القفال هواية بس …. اها انفتح ..
نزار : نحي يديك بشوية ووخر
حاتم : عﻻش
نزار : ﻻن كان انت بتفتحه بتنسى دوة سفيان و حتفتحه ع وسعه ويدير دوشة
حاتم قام يديه وقاله : تفضل يابش مهندس هي
قدم نزار ولبس قوانتي وفتح الحاوية ب زاوية حادة وخشش حاتم وخش وراه وطلع ايده حط طرف بلوكة من برا بش معش الباب ينفتح ..
حاتم : وين المصباح
نزار : اهواه ف ايدي ستنى ن… هي فيسع حل الصندوق وخلي نبدوا قدامنا ساعتين كحد اقصى …
حاتم : تمام ..
*وفتحوا الصندوق اﻻول وطلعوا الدمى اللي فيهم … ويطلعوا في الحشيش كياس صغيرات .. ويحطوا ف الشنطة *
حاتم : قتلك استاد صﻻح مايهتمش
نزار : مش وقته ياحاتم توا … فيسع كمل وبعدين نهدرزوا …
بعد ساعة وربع …
حاتم : كم مزالنا وقت
نزار : تقديريا و**** اعلم مزلنا 40 دقيقة و**** اعلم
حاتم : كيف بنطلعوا باهي
نزار : غير فيسع معش تهدرز …انت نوعك اتركز ف حاجة واحدة يايديك يالسانك خليك مع ايديك
حاتم بصوت عالي : خيرك اتهين فيااا
واحد من اللي يشتغلوا ف السفينة :فيه صوت ياسفيان
نزار بالهمس ل حاتم: يا#@$&*
*طلع ايده قام البلوكة وسكر الحاوية وسكر المصباح ..
سفيان : اها ايه انا ندوي مع روحي يامؤنس
مؤنس : هبلت اماﻻ
سفيان : ايه هبلوني
مؤنس : منو
سفيان : بنخطب واحدة وفاتتني تزوجت خوي
مؤنس : ﻻااااا بجديات
سفيان : ايه ايه … تعال خلي ننزلوا من اهنا فديت منه البابور اﻻحرف هدا
مؤنس : هي
نزار : كﻻ كل مصيبة اتصير من تحت راسك
حاتم : باهي اهو بنسكت
نزار : خﻻص معش وقت نوض نوض حاتم : به
*حط الشنطة نزار على ظهره وفتح الباب شوية طلع حاتم وطلع وراه وحط طرف البلوكة سكر بيها الباب *
نزار : وراي ياحاتم …
*ومشي بخفة ووقف وراء حاوية يدرس فيها …
{امن واقف بداية الميناء … سفيان وصاحبه عالجيهة اليمين …الربان ف المكتب والواجهة زجاج لو تحركت حيشوفوني … كيف الراي يانزار كيف … }
حاتم : هيا طلعنا يافهيم
نزار : اصبر
حاتم : صابرين
*شاف يساره لقي عوامة …. شاف يمينه لقي كشافيتي وطرف لوحة .. وطول ركبت فكرة فراسه *
نزار : استنى اهنا ماتتحركش
حاتم : به ..
*زحف نزار خدي العوامة وزحف جيهة تانية جاب طرف لوحة ورجع تاني للحاوية خدي صندوق لم البنابل المزقات وحطهم فيه وحط العوامة وطرف اللوحة وطلع وسكر الحاوية ورجع بحدا حاتم … *
حاتم : هدا شنو
نزار : استنى …
حاتم : شن بدير بيه
نزار : خليك اهنا تو انجي
حاتم : تي شن هدا كل شوي خليك اهنا تو انجي
نزار : معش فيه وقت اقعد اهنا ياحاتم
حاتم : باهي برا هي
*تسلل نزار لجيهة المحرك ويتفتف ويدور *
{معقولة مافيش مادة قابلة للاشتعال بكل شن هالحظ … ايووواه واخيرا … قاز }
*طلع من غرقة المحرك ومشي لجيهة حاتم قام الصندوق وتسلل بيه لجيهة اليمنى …
حاتم : غير شن بدير
نزار : حريقة
حاتم : وعﻻش
نزار : بش نطلعوا يافهيم … طلع وﻻاعتك
حاتم : فسدت غطصنا ف الميا
نزار : ﻻﻻ قاعدة تشتغل .
* وطلع نزار وﻻعته وصب القاز عالحجات ودار فتيلة وولع في الصندوق وخدي الوﻻعة التانية ونحالها الحديدة وطربقها…
نزار : وراي يا حاتم خليك ﻻصق فيا بتتحرك عكس اتجاهي بتحصل اهنا فاهم
حاتم : فهمنا
*وشبت حريقة ف هداك الصندوق وهرب نزار وحاتم لجيهة اليسار ولبدوا وراء حاوية تانية .. *
مؤنس : ياكابتن رفعت كابتن رفعت حريقة ف السفينة
ركبوا اﻻمن لجيهة الحريقة ووراه الكابتن و مؤنس وشوية عمالة
نزار : افطن لروحك …. هي بشوية تعال وراي
*طلع بشوية نزار ويلبد من حاوية لحاوية
وكيف وصلوا لدروج الخشبي متع السفينة …شاف نزار واحد جاي نزل شوي ولبد عالجنب وجبد حاتم للاسفل
حاتم صيح : تي خيرك !
وصل فيهم شاب متع اﻻمن كيف كان مكمل طريقه لكن سمع صوت حاتم جي جيهتهم وطلع سﻻحه ..ووقف عليهم
شاب اﻻمن : شن ادير انت وياه اهنا
يتبع………
الجزء الثالث من رواية عاصفة الصمت
وكيف وصلوا لدروج الخشبي متع السفينة …شاف نزار واحد جاي نزل شوي ولبد عالجنب وجبد حاتم للاسفل
حاتم صيح : تي خيرك !
وصل فيهم شاب متع اﻻمن كيف كان مكمل طريقه لكن سمع صوت حاتم جي جيهتهم ..ووقف عليهم
شاب اﻻمن : شن ادير انت وياه اهنا
نزار : صايرة حريقة وبعتنا الكابتن رفعت نجيبوا اسطوانة اطفاء الحريق
*قعد الشاب يشوف لحاتم بتمعن تام ويحاول يدكر وين شايفه بعدين قال ل حاتم : انت تحدم تحت صﻻح؟؟
حاتم : ﻻﻻ
الشاب : شاك فيكم والشنطة هادي اللي رافعينها مش بﻻش اكيد فيها حاجة
نزار : فيها حوايج
الشاب : تخدموا تحت صﻻح واﻻ ﻻ جاوبوني … كان تخدموا تحته جنخليكم
نزار : ايه
الشاب : شن اسم الشهرة متعه
نزار : القيافة
الشاب : برووو فييسع من اهنا وماتتلفتوش وراكم
نزار : به من انت
الشاب : قوله يسلم عليك ربحي بروا من اهنا فيسع
*هز راسه نزار … بمعنى تم … وخدي حاتم ومشوا جري لسيارة شغلها وطول الطريق نزار ساكت ومتكنطي لين وصلوا ل صﻻح على تمام الساعة 2:25
صﻻح : اوووو عارفتك قدها ياديناري …. خيرك متعفلق وقارن حواجبك
نزار : اسئل هالفهيم هدا
صﻻح : خيره
*وحكي نزار كل الموضوع ل صﻻح *
صﻻح : مأساة انت يافار مأساة بكل معنى الكلمة …
نزار :و**** فددني الحق
حاتم : شن فددتك
نزار : تي قداش مرة يفيقوا بينا وكله من تفرفيشك الزايد
حاتم : ماه انت تتصرف وماتقوليش شن بدير
نزار : تي فيه لحظات مانقدرش ندوي يبدى اﻻمن موجود واﻻ حاجة شوف بعيونك وخﻻص وتو تفهم
صﻻح : هدا كان فهم … خﻻص يانزار في الجديد نبعت معاك سفيان ونخلي حاتم اهنا
حاتم : تي عﻻش يااستاد
صﻻح : ﻻنك في يوم ما حتفضحني وانا مانبيش فضايح … عموما ورينا يانزار شن جبت
*فتح نزار الشنطة ونكتها على الطاولة *
صﻻح : ببب ببب ماحسبتش الظرف بيكون كبير هكي و**** تاريتك مش هوين ياالكورجا … استنوا كما يطلع تمويه سكر واﻻ نشاء
نزار : حي عملة كان هدا
*طلع موس صﻻح ومزق شوية من الظرف وحط حشيش ع راس الموس وضاقه …ابتسم وقال : اصلي يامان … عدهم كم ظرف تره
نزار : به … 1 ؛2 ؛3 ……100
صﻻح : هههه 100 حلووو
نزار : حق من هوا ربحي
صﻻح : ايييه ربحي … ربحي هدا كان يخدم عندي لكن وقت بوه فاق بيه عطاه قلت السماح كان مازال خدم هالخدمة .. مشي سيب …اكيد زبطكم من خﻻل حاتم شايفه قبل
نزار : اها تمام
صﻻح : يﻻ المهم توا جبت البضاعة واﻻمور مشت على خير
حاتم يفكر …. بدل مايقول جبتوا ايقول جبت … وفوق من هكي معش بيبعتني .. ندمت اني خششته معاي هالنزار…. ﻻزم نخليه ايدخن وتسكر واتحشش ويدمر ﻻزم بش معش يبعته استاد صﻻح هههه كان مادرتهاش مانوليش انا حاتم ..
نزار : هاطشي . . هاطشييي
صﻻح : ههههه كليتها بردة باين عليك … اميا الميناء والهواء سفنقري غادي
نزار : ايه شوره
صﻻح : نوضوا روحو نوضوا اتريحوا وشوفوا اموركم … واﻻيام الجاية بنهدوا اللعب . . مافيش اي مهمات مانبيش حد يشك فينا … بعد اربعة ايام تعالولي
نزار : تم
حاتم : اوكي تم
نزار ..حاتم : هي سﻻم عليكم
صﻻح : وعليكم السﻻم
* طلع نزار وحاتم من المستودع*
ولع حاتم سبسي حشيش ودخنه وقال ل نزار : هاك سبسي جرب جرب
نزار : فكني صنته مقززة
حاتم : هههههه ياي الديناري يتقزز
نزار : اي شن فيها
حاتم : غير هاااك جرررب
نزار : خليها مرة تانية
حاتم : كل مرة اتقول خلي مرة تانية
نزار : توا مبلول وناعس ومانفكر اﻻ اني انروح للحوش خليها مرة تانية
روح نزار للحوش وكالعادة لقي امه تستنى فيه *
خ رقية : ماتقوليش شن ادير لهلوقت
نزار : ولد ياناري مرض و عيلته ف بﻻدهم قاعد بروحه اهنا
خ رقية : وانت شن بديرله بالك وليت طبيب
نزار : الناس لبعضها يالغالية
*تقدم نزار وباس راس امه وقالها : ماتشغليش بالك … خشي ارقدي تعبتك معاي
خ رقية : احح باهي تصبح ع خير
نزار : وانتي من اهله
*ثاني يوم الظهرية … بدي يزوق نزار ف الحوش وبعد يومين ونص كمله … سيقوا صفاء ومروة و فرشوا البسطات و المنادير الجدد *
نزار : شن ناااقص اممم ناقصة طاولة ف النص صح
مروة : اي
نزار : وتلفزيون جديد بدل هدا اللي لونه احمر
خ رقية : ماتعبش روحك حتى هدا باهي
صفاء : خليه ياخدنا يمى
نزار : وناخدلكم بث قالوا فيه 21 قناة
مروة : بجديااات ؟؟؟ قضدك مش القنفودة بس
صفاء : **** ياريت و****… زي حوش جارتنا خالتي فاطمة
نزار : خﻻص اهو تو نطلع توا نشريهولكم ونجي
صفاء : هييبييييي
خ رقية : *** يفتحها ف وجهك ياولدي
*وشري نزار كل مستلزمات الحوش وخدالهم تلفزيون والبث وكانوا صفاء ومروة في قمة السعادة وفاتو هاﻻربعة ايام بتمام وفي اليوم كانوا صفاء ومروة مروحات من المعهد…*
مروة : فكينا ياصفاء
صفاء : غير اسكتي انتي من قال بنكلمه
علي : غير كلميني بس و**** نيتي صافية
مروة : ماتكلميشي
*وقفت صفاء وتلفتتله وقتله : نعم
علي : كيف الحال
صفاء : باهية
علي : مش حنطول عليك بنعطيك الرسالة هادي بس
صفااء : سامحني مانقدرش ناخدها منك ولو سمحت معش تلحقني هكي
علي : باهي اسف
*مشي علي ومشت صفاء مع مروة
مروة :شن قتيله
صفاء : عطاني رسالة وقتله مانقدرش ناخدها منك
مروة : خير مادرتي …هيا فيسع خلي انروحوا … مسلسل المدبلج قريب يبدى
صفاء : اما هوا
مروة : كاسندرا اللي قتلنا عليه رويدة
صفاء : عينك … قالت ايجي ف القايلة مش ف الظهر
مروة : اها نحسابه توا
لبنى : نزار …نزااار
*تلفت جيهة التانية نزار وينخط *
لبنى : هكي تتلفت عليا اممم به به اللي يسمع ايقول كل يوم انجيكم ..انتا يااا نزااااار
(لبنى بنت خالة نزار مواليد 1983 اصغر من مروة وصفاء بعام اي عمرها 15 العام)
* فتح عيونه نزار وصوت لبنى شرين ف راسه *
نزار :. اااووو ضرس لبني
لبنى : ههههه ضرس ف عينك
*نحى بطانية نزار وقعمز وقالها : شن الجوو
لبنى : تمام …
نزار : وين ياهرابة معش بنتي قداش عام تو هي
لبنى : اممم انت عارف بوي مايخليش فينا انجوو
نزار : ﻻﻻﻻ عليك حق ..اقلها حتى قمتي التلفون قولتي نسئل على خالتي وبنات خالتي …و ونزار
لبنى : حتى التلفون مايخليش فينا نتصلوا … بكل مداير فينا حالة انا وامي
نزار : تبي الحق واﻻه
لبنى : اكيد
نزار : مابعدكم سامحيني عارف انه بوك لكن يكنطي فيا الحق
لبنى : **** غالب شن بندير هي … المهم توا جيتكم وشفتكم و**** مستاحشتكم هلبا
* سرح نزار في لبنى وعيونها الكبار الجميﻻت *
نزار : حتى احنى استاحشناك … اممم ساعة كم
لبنى : توا ساعة 1 ظهر
نزار : ها نحسابها عشية ماروحوش مروة وصفاء
لبنى : ﻻﻻ
نزار : تو كان يشبحوك اهنا يطيروا من الفرحة
لبنى : اي احكيلي شن تغييرات ف الحوش وتلفزيون جديد وحاﻻت شنو بدينا نشتغلوا
نزار : اي الحمد***
لبنى : شن تشتغل
نزار : مهندس ف مصنع هههه غير اليومين هادو واخد اجازة
لبنى : حلووو مبارك مبارك
*فتحت ندى توكة شعرها بش تواسيه ونزار قعد يشبح لشعرها الطويل الناعم الماع زي شعر المرسوم ع زيت دابر امﻻ .. فستدرك نفسه و تحشم ونزل عيونه *
طق طق طق (باب الحوش )
لبنى : هادي اكيدة صفاء ومروة . . تعال نزار افتحلهم
*وقفت لبنى وشداته من ايده تشح فيه *
نزار : باهي شن بنديرلهم
لبنى : نوض افتح وانا نلبد وراء الباب مفجاة
نزار : باهي باهي اصبري … هي
خ رقية : افتحي الباب يا لبنى
نزار : تو نفتح هي … اسمعي لبنى خليك اهنا باهي … جنب المطبخ
لبنى : به
*فتح نزار الباب *
نزار : عندي ليكم مفجاة
صفاء : شنووو
مروة : قول قول
نزار : هااا نحوا كنادركم انتي وياها وين خاشات
مروة : ههههه باهي ماه من الفرحة
نزار : ايييواااه شطورات غمضوا عيونكم…. غمضوااا
صفاء ومروة : ها غمضنا
*شدهم هما الزوز من ايديهم ورفعهم وسط الحوش *
نزار : افتحوا هي
صفاء : ااااااااااا لبنى
مروة : مستحيييييل
لبنى : و**** استاحشتكمممم انننه كيف حالك اننننه
صفاء : اننننه بخير سلمك شن دايرة لبنى : تمام … كيف حالك مريوة اننننه
خ رقية : ئه هالدوشة معناها مروة وصفاء جو
نزار : تو مش حيبطلوا ساهة انننه اننه ههههههه
خ رقية : عاد حتى هما سنين ماجتش
نزار : وين خالتي اماﻻ
خ رقية : متكية ف داري
نزار : خيرها فيه حاجة
خ رقية : ﻻﻻ مافي شي
*وعضت ع شواربها *
نزار : باهي … هي خلي ندوش وبنطلع عندي شويدمة
خ رقية : به اهو حتى الغدي واتي تو نسقيلك بروحك
نزار : به تمام
*خشت خ رقية للمطبخ و نزار خدي دوش ولبس وطلع ع وسط الحوش وقعمز يتغدى *
لبنى : نيزووو
نزار : نعم
لبنى : خليك هدرز معنا ونديرو جو
نزار : عندي مشوار تو انجي الوقت طويل ياحلوو
لبنى : هههه به خﻻص جيبلي معاك نص طعمية خاطري فيه
نزار : هههه به تو نجيبلك
لبنى : وحتى صفاء ومروة
نزار : بننسى خواتي يامهبولة ؟؟ اكيد بنجيبلهم
لبنى : به تمام
*كمل غداه نزار وطلع من الحوش ماشي ل صﻻح *
الحويلو : الكورجا انخنبت البضاعة متعه ههههه
عادل : اي زعما منو دارها
الحويلو : كان بنشك … انشك ف القيافة
عادل : وعﻻش بيديرها
الحويلو : مش عارف بس انحس انه يديرها مستنصر بالديناري
عادل : ايه الديناري سمعت بيه هداك النهار من الشباب ..قالولي واحد خاش جديد عالموضوع و بقوة
الحويلو : هههه تعرف كان انوز الكورجا ونقوله القيافة دارها فيك
عادل : شدوه هما ؟؟
الحويلو : هههه ﻻ مايقدروش ايشدوه
عادل : لكن ماعندكش دليل على القيافة ش
الحويلو : هيا هادي مشكلتي ف الدليل
*فجاة خش عليهم اشكاب*
الحويلو : ياكلب الكﻻب انتا مزال عندك عين اتجي اهنا
اشكاب : سامحني ب**** عليك
الحويلو : تي اما نسامحك هادي اتصور ياعادل هرب من قدام الديناري زي العيل
عادل : اوووف يااشكاب تهرب مرة واحدة
اشكاب : غير رجعني الخدمة معاك و**** معش نهرب
الحويلو : ﻻﻻﻻﻻ انت ماليكش امان يا$@$^*
اشكاب : به نخدم اي شي
الحويلوا : تي برا العب بعيد
…واﻻ نقولك
اشكاب : قول نسمع
الحويلو : عندي ليك خدمة
اشكاب : شنو هيا
الحويلو : تمشي تطلب تخدم عند القيافة وتتسنط شن يقولوا وشن عنده من صفقات…طبعا مش تقوله باعتني الحويلو
اشكاب : وبه كان قالي ﻻ
الحويلو : اقتله
عادل :
اشكاب : نقتله ؟؟؟؟
الحويلو : ايه هدا شرطي … وكان نفدت واحدة من المهام نعطيك مبلغ قنين وهلبا مكافئات
اشكاب : به تم
الحويلو : برا نفد هي
نزار : خير استاد صﻻح
صﻻح : جيييت ف وقتك ياقنين
نزار : ان شاء **** خير
صﻻح : بنبعتك لمهمة … سري وخطييير
نزار : ههههه ماتقوليش اغتيال
صﻻح : هههه ﻻﻻ سطو مصرف
نزار : سطوو !
صﻻح : اي خيرك مدهوش
نزار : انحس فيه صعب
صﻻح : يبي تخطيط واتكتيك
نزار : شن اللي خﻻك تفكر ف الموضوع
صﻻح : سمعت واحد من جميعا قال بيسطو على مصرف قلت خلي نسبقه
نزار : ياودي خطيرة خليها مرة تانية
صﻻح : ديناري !
نزار : نعممم
صﻻح : مش من طبعك تتردد هكي نزار : انشوف فيها خطوة كبيرة
صﻻح : غير توا وصل هادي اﻻمانة لواحد ف راس الشارع وتعال نتفاهموا
نزار : به تمام
صﻻح : فيسع ماتعطلش …. وعندي ليك مفجأة نقولك عليها بعد مااتجي
نزار : اوكي تمام
*وصل شكاب ويبيت من بعيد … وشاف نزار طلع …
صﻻح :ياحاتم ..حاتم
حاتم : نعم بتبعتني لمهمة زي نزار
صﻻح : ايه
حاتم : ها قول
صﻻح : هاك جيبلي كازوزة سعادة
حاتم :
صﻻح : هههههههههه هادي انسب مهمة ليك برا فيسع
طلع حاتم وهوا مزمجر وحاقد تمام الحقد على نزار
شاف اشكاب حاتم طلع فانتهز الفرصة
طق طق طق
صﻻح : ادخل
اشكاب :السﻻم عليكم
صﻻح : وعليكم السﻻم شن تبي ؟؟
اشكاب : جايك ف طلب
صﻻح : قول
اشكاب : خليني نخدم عندك …
صﻻح : مستحيل
اشكاب : اي حاجة حتى نعبي بنابليات الغاز لناس
صﻻح : انت عارف ان مستودعي تمويه وماعنديش غاز نعبيه
اشكاب : به اي حاجة
صﻻح : فيما فات غدرت بيا ومشيت للحيلوو توا جايني خﻻص … كرت واحد لكل شخص ﻻ مجال للخطأ
*ولع سيجارة صﻻح من النوع الفاخر بوﻻعته الانيقة ولف بالكرسي متعه ويدخن بمعنى الحديث انتهى
اشكاب : يعني نمشي
صﻻح : تفضل
*طلع موس اشكاب وقرب بخطوات تسلل ل صلاح
يتبع……
الجزء الرابع من رواية عاصفة الصمت
اشكاب : به اي حاجةصﻻح : فيما فات غدرت بيا ومشيت للحويلوو توا جايني خﻻص … كرت واحد لكل شخص ﻻ مجال للخطأ
*ولع سيجارة صﻻح من النوع الفاخر بوﻻعته الانيقة ولف بالكرسي متعه ويدخن بمعنى الحديث انتهى
اشكاب : يعني نمشي
صﻻح : تفضل
*طلع موس اشكاب وقرب بخطوات تسلل ل صﻻح … وكيف قام ايديه بش بيطعن القيافة.. تجيه مرتكة على دماغه يطيح من طوله
تلفت صﻻح بكرسيه وهوا مش فاهم شي
صﻻح : هدا شنو
نزار : كان بيقتلك وانت عاطي بالظهر
صﻻح : ﻻ ماتقولهاش
نزار : و**** زي مانقولك تو
صﻻح : هالتافه ^$@$& نسي خيره عليا نسي الايد اللي اتنمدتله لما كان جربان ماعنداش حتى حق سبسي … اتفيه
نزار : بصدفة وليت قلت استاد صﻻح ماقاليش شن مواصفاته الراجل موليلك قلت نسئله
صﻻح : سبحان **** جابك *** ليا الحمد*** …
نزار : معقولة مافقتش بيه
صﻻح : تي نحسابه طلع وانا سرحت نخطط ف سطو المصرف
نزار : اه ونتوقع باعته الحويلو
صﻻح : ﻻ جي يطلب مني يخدم عندي وانا قتله ﻻ …شوره اغتاض وبيقتلني
نزار : وراسك اﻻ باعته الحويلو هي
صﻻح : تي كيف صار
نزار : هوا اصﻻ كداب مايبيش يشتغل عندك …ايلهي فيك بش ينتهز فرصة مناسبة ويقتلك
صﻻح : زعما ؟؟
نزار : نوعية اشكاب مايتحركش من راسه ﻻزم حد يقوله برا برا تعال تعال
صﻻح : اقنعتني ….اربطه هال**&/# اربطه …
نزار : هي
صﻻح : انهاره ازرق كحلي كان يطلع الحويلو وراها
* ربط نزار شكاب بالحبل *
صﻻح : برا فيسع يا ديناري سلم البضاعة لراجل … طويل ومعبي وقمحي اسمه جﻻل
نزار : تم
صﻻح : وارجعلي اهنا فيسع ماتعطلش تلقاه ف راس الشارع
نزار : دقايق ونكون عندك
*على خشة حاتم جايب كازوزة السعادة *
حاتم : هاه اشكاب خيره مربوط
صﻻح : اشكاب دار عملة اكبر من راسه
حاتم : شن صار
صﻻح : حاول يقتلني غير ستر *** جي ديناري ف لحظة المناسبة
حاتم : ايييه علينا من الديناري
صﻻح :
خيرك ! تبيني انموت واﻻ كيفحاتم : ﻻﻻ و**** مش قصدي هكي
صﻻح : اماﻻ شن قصدك
حاتم : كل شي ديناري ديناري
صﻻح : اتبت نفسك اتولي زي الديناري …. يافار
نزار : اساويكم
راجل ف نهاية اﻻربعينات : وعليكم السﻻم
نزار : انت جﻻل
جﻻل : اي نعم وانت الديناري
نزار : ايه …. تفضل هادي بضاعتك امانتك من القيافة
جﻻل : وهادو فلوسك ..بس خلي نتاكد من البضاعة
نزار : عيب يا … القيافة مايتحققوش وراه بضاعتك تامة
واي نقص فيها ارجعلي
جﻻل : علم القيافة حابسينه قبل
نزار : ﻻ عﻻش تحكيلي ع ماضيه
جﻻل : كان عايش برا … ووقت رجع ماعجباش اللي صاير قعد يدوي ويتكلم عالقمع
المهم حبسوه … 15 العام
تحت الساحة الخضراء … ودهوروله حاله لين ولى هكي….
نزار : ماتحكيلي شي هادي بضاعتك هات الفلوس … تي هات
جﻻل : به بشوية … هاك فلوسك
نزار : سﻻم عليكم
*رجع نزار ل القيافة … وماباش يحكي وﻻ حرف عاللي قالهوله جﻻل *
نزار : منو جﻻل هدا يااستاد صﻻح
صﻻح : زميلي كان ايام الغفلة…. قرينا مع بعض برا ووقت رجعنا ليبيا تفارقنا بسبب ظروف
نزار : اها تماام … المهم هادو الفلوس
صﻻح : عارفه حكالك …
نزار : ﻻﻻ ماحكالي شي
صﻻح : عموما الي حكاه ماتحكيشي صفحة وانطوت … مسكين حاله ادهور بدي وين مايمشي يتكلم
نزار : اممم به مازال مافاقش اشكاب
صﻻح : صب عليه اميا صب
نزار : به
*صب نزار الميا ع اشكاب … بعد شوي فاق شدله شعره نزار وقامله راسه *
صﻻح : بتقتلني مرة واحدة ؟؟؟ القيافة مات ع ايد اشكاب اتشوف فيها حلوة انت الجملة هادي
اشكاب يبكي : سامحني ب**** عليك
صﻻح ايكشخ : اتشوف فيها حلوة مات على ايد اشكاب
اشكاب : ﻻﻻ و**** ماحلوة …و**** مامني و**** هدا الحويلو و**** ماانا ب**** عليك مادير فيا شي
صﻻح : حاااتم … ياحاتممم
حاتم : نعم نعم
صﻻح : زود خوده ف تركينة و علقه فلقة واعطيه طريحة هالحمار هدا عطيه لين معش يقدر يمشي ع رجليه
حاتم : من عيوني
اشكاب :ب**** عليك ﻻ … والنبي يالقيافة و**** معش نعاودها
صﻻح : تي ارفهه من عليا ياحاتم
حاتم : حاضر هي
نزار : قتلك الحويلو وراء الموضوع
صﻻح : صح قتلي …
*قام صﻻح سماعة الهاتف واتصل بالحويلو *
الحويلو : بونجوووغ
صﻻح : بنجوغ فعينك ياجربوع
الحويلو : تي منو
صﻻح : قضاك المستعجل ياعافن … بتقتلني مرة واحدة
الحويلو : منو القيافة ؟؟ عﻻش بنقتلك
صﻻح : داير روحك ماتندري ع شي باعتلي شكاب بش يقتلني !
الحويلو : تي معقولة نقتل ولد عمي ؟؟؟ يصير منه الكﻻم هداااا
صﻻح : تعرفه عمك انت حق … المرة هادي نفوتهالك يا احول المرة الجاية مامظل اﻻ قاتلك وبيديا
*رعش الحويلو ومن رعشته من صﻻح سكر الخط *
صﻻح : تافه …
نزار : ماتحرقش اعصابك فوته
صﻻح : فايته مش مدوره … قعمز قعمز فكرلي كسف نسطوا عالمصرف
نزار : هههههه
صﻻح : خيرك تضحك
نزار : فكرة راكبة راسك لدرجة ماتتصورهاش
صﻻح : هلباااا … هكي *** بونتوا ف عادل العافن
نزار : من عادل
صﻻح : واحد من العصابات ويعرف الحويلو
نزار : انت وياه مش ف صافي ؟؟
صﻻح : زمان خططت خطة وهوا خداها ونفدها وتوا بنردهاله …. غير هيا فكرررر
نزار : به غير قولي شن مفجاة
صﻻح : اها … استنى
*فتح الدرج متع مكتب وطلع موس بوخوصة سلس ف الفتح و حاد وانيق ومن الجناب مطلي بالفضة ومكتوب عليه Denare *
صﻻح : خود هي
نزار : محﻻاااااااه ماﻻخير يااستاد صﻻح مش عادي بكل عجبني و****
صﻻح : شوووف اسمك مكتوب
نزار : denare بجد مشكور
صﻻح : ومزال مفجاة التانية بنديرهاالك بعدسطو مصرف
*دس الخوصة ف جيبه نزار … وفاتت ساعة ساعتين من التخطيط العميق والحوار بين نزار وصﻻح وجي سفيان وفهمه نزار عالمخطط *
نزار : فهمت نزار
سفيان : فهمت …
نزار : بس يااستاد صﻻح راهو مايجيش احنا الزوز مزال *** طاقم تحتي
صﻻح : طاقم اممم تمام تو نبعت الفار ل ربحي و زهير
نزار : تمام … خلي نمشي اندير دورة غادي جولة استطﻻعية
صﻻح : به كويس … برا معاه ياسفيان …
سفيان : اوكي هي
نزار : نحتاج سيارة
صﻻح : هاك مفاتيح عقرب ريح
نزار : تمام …هيا سفيان
صﻻح : ياحاتم … جيب الكلب اشكاب جيبه
حاتم : هيا يااستاد هي
الحويلو : اشكاب الكلب
عادل : ب**** شن متوقع منه بيسكت عليك … اكيد بيقول على اول ضربة الحويلو : فضحني النهار المبارك
سفيان : هوا هدا المصرف واﻻ
نزار : ايه … انزل هي خلي نستكشفوا المكان
*نزلوا من سيارة ووقف نزار على راس الشارع … بعدين دار لفة تامة ع المصرف …
{الشارع اللي ورا المصرف بزبط فيه خيمة … خيمة شنو **** اعلم كان عزي مش حنستفيد كان عرس مية مية }
*زوز بنات صغيرات يلعبوا قدام الخيمة …. تقدم نزار سئلهم
نزار : شن اسمك ياحلوة
البنت : رشا
نزار : باهي يارشا شن تلعبي
رشا : فتاحي ياوردة
نزار : اها شنو الخيمة هادي شن فيها
رشا : عرث
نزار : عرس اممم شن بتلبسي
رشا : اممم تفثان حلووو
نزار : عروسة واﻻ عريس
رشا : عرث خالي اليوم نزمة
نزار : ايه انا صاحب خالك …خودي ربع اجنية هدا وبري اشري حلوة
*فرحت رشا ومشت تجري
ونزار رجع لجيهة واجهة المصرف ويتلفت يمين يسار ويفكر ويتخيل بزبط كيف بينفد الخطة وكانه يشوف ف فلم تخيلي باشخاص قدامه *
{حلوو بما ان اليوم نجمة معناها بيطلعوا قنديل معناها فيه دوشة وزازة معناها فرصتي كبيرة اليوم لما يبدى القنديل انفد خطتي }
سفيان : ها شنو نزار
نزار : تمام … خﻻص
سفيان : قولي شن بدير
نزار : تعال نرجعوا عند استاد صﻻح وغادي انقولك
سفيان : تم
*وعند القيافة*
صﻻح : خﻻص ارخيه ياحاتم … هاك شد الورقة هادي اعطيها لسيدك يا شكشوكة
اشكاب : ب ب به غغغير خليني نمشي ب**** عليك
صﻻح : انتلف ..
*طلع شكاب يجري حفيان حتى شبشه نساه *
حاتم : انروح انا يااستاد صﻻح
صﻻح : ﻻﻻ برا ل ربحي و زهير وكلمهم قلهم القيافة يبيكم ضروري اتخلوا اللي ف ايدكم واتجوا
حاتم : به تمام
بعد شوي خش نزار و سفيان*
صﻻح : شنووو منووو
نزار : اليوم تتنفد الخطة
سفيان : ياودي نحس فيها صعبة اليوم
صﻻح : واشمعنى اليوم بدات
نزار : فيه عرس جنب المصرف …
صﻻح : وبه شن بنرقصولهم او
نزار : ﻻﻻ وقت القنديل حيكون فيه دوشة متع النوبة وصوت المقرون
في هديك اللحظة انا بنضرب ضربتي ونفد الخطة
حط صﻻح ايده على دقنه يفكر رجع للخلف بكرسيه وقال : امممممم به شن ناقصك بش نأمنهولك
نزار : زوز ﻻسلكي على موجة امنة … والفار بش يفتحلي القفال ومزال *** زوز تانين معاي من غير سفيان وحاتم … وزوز ساكوات جيش الكبار … وسيارة لكن مش عقرب ريح… ومتفجر خفيف على هيئة عجينة … اه ونبي بدلة شرطي
صﻻح : منين بنلقهالك هادي
نزار : ضروري تامنها يااستاد صﻻح …ﻻن حنخلي واحد من للشباب يلبسها بش جيران المنطقة مايشكوش فينا
صﻻح : تم تم مع العشية يكون اللي تبيه كله موجود
نزار : تمام
صﻻح : ساعة كم بتطلع من اهنا
نزار : على ساعة 12:30 وساعة 1 نكونوا قدام المصرف ف الليل
صﻻح : خﻻص تو وقت ايجي ربحي وزهير انخليهم ايوتوا روحهم
نزار : تمام هي نستادن توا استاد صﻻح مع ساعة 11 ف الليل تو انجي
صﻻح : تمام به
*طلع نزار وهوا امروح ادكر نص الطعمية اللي تبيه لبنى… فخطم خدي لخواته و لبنى وخدالهم مشاريب وتيلجا وروح وخش للحوش وقعمز *
لبنى : نزنووووز
نزار : نعممم ياضرسي اللبني
لبنى : ياودي اسمي مايعنيش هكي نزار : ﻻﻻ يعني هكي … وين العويلة
لبنى : كلهم مقيليين
نزار : به قعمزي قعمزي اهو جبت نص الطعمية وشوي حاجات …
لبنى : اممم جايب حتى تيلجا حلوو
نزار : اي زي زمان … قاعدة تحبيهاا
لبنى : اي هلبا … تتفكر زمان لما كنا نقعمزوا فوق الحيط وناكلوا
فيها
نزار : اي ايام ب**** …
لبنى : هههه واﻻ لما ناخدوا ف زﻻبية من دكان عمي رجب ونقولوله غدوة نخلصوك …
نزار : هههههه شورك ماتنسيش
*ناضت مروة وطلعتلهم ع وسط الحوش *
مروة : خونة انت وياها ماتقولش عندي خوات بناخدلهم
نزار : تعالي قعمزي جايب للكل حد ينسى مرمورة وصفصوفة
مروة : هاتوا اهنا صفصوفة تشخر
*وكلوا وهدرزوا وقلبوها دوشة وكل مرة حد ينوض ويقعمز معاهم وصارت لمة حلوة مشت بضحكة ولعبة واخر شخص فاق من السبات ام لبنى … سميرة *
نزار : كيف حالك خالتي .. عاش من شافك و****
سميرة : الحمد*** كيف حالك انت نزار … تعيش وتشوف
نزار : اهو نبرزوا ف هالدنيا
*ناض نزار للمطبخ بيغسل ايديه *
نزار : ماقتيليش خيرها خالتي زيرتها غريبة
خ رقية : تو نحكيلك بعدين المهم سادكم من هاالطعمية … ماكلة الشارع والعفن
نزار : ﻻﻻ عمي جمعة نظيف يمى
خ رقية : كلهم عندك نظاف … معش تجيبلهم اهو ندير ف ابيسطي قنين
*وكيف صبت الباسطي ف طاجين وحطت المالقي خداه نزار وبدي ياكل فيه على خشت لبنى
لبنى : هههه اعطيني
نزار : فيش
لبنى : هات منه
نزار : ﻻ
لبنى : نزااار
خ رقية : تي عطيها اللطف قاعد ف عوايدك
لبنى : بﻻش هه كوله بروحك
نزار : تعالي
لبنى : ﻻ خﻻص
نزار : ههههههه قاعدة زي قبل بري عيطي ل امك هي
خ رقية : نزار خف عالبنت
نزار : تعالي ضرس لبني خﻻص و**** خﻻص تعالي كولي مزال فيه هلبا
لبنى : ما من اﻻول ﻻش تحرقلي ف دمي
*حطت الطاجين خ رقية ف الكوشة وطلعت *
نزار : متاكدة انا نحرقلك ف دمك ..
لبنى تاكل ف الباسطي
الني وقتله : ايه
تقدم نزار خطوات اتجاه لبنى وقالها : شوفي ف عيوني …
لبنى : اه شفت
نزار : انا نحرقلك ف اعصابك
*سرحت لبنى ف نزار ومعش اتحملت نظراته الساحرة … فحطت المالقي وطلعت جري
نزار : ههههه ريتي كيف خليتك اتسيبيه المالقي …
ومر الوقت والقيافة ايوتي ف اللي طلبه نزار … ومع ساعة 10 تعشى نزار … وبدل وخدي بوخوصة متعه وحطه ف جيبه … ومع 11 طلع
لبنى ل صفاء : تعرفي
صفاء : شنوو
لبنى : مش عارفة عﻻش معش نشبح لنزار زي قبل
صفاء : كيف
لبنى :مش عارفة قبل زي خوي بس توا مش عارفة
مروة : بالك هدا اللي يقولوله اعجاب ههههه
لبنى : ههههه زعماااااا
صفاء : يامعجبة انتي …طيحيه
مروة : ايواه ايواه بترسمي ع خونا
لبنى : هههه ﻻﻻ هكي نحكيلكم بس
القيافة : اصبروا اهو قريب ايجي ويفهم كل شخص شن دوره
زهير : باه
*بعد ربع وصل الديناري *
نزار : السﻻم عليكم
الكل : وعليكم السﻻم
*سلم نزار على زهير و ربحي … وفهم كل شخص دوره بتمام ولبس زهير لبسة الشرطي وطلعت عليه حاجة تحفة *
*ومع ساعة 1 كانوا قدام المصرف ف تركينة من التراكين *
نزار : سفيان برا قهمز بعيد ع حوش العرس من اول ماتشوف متع النوبة جو تعال جري
سفيان : تم
نزار : ربحي خود المنظار وخلي عيونك عالمصرف شوف هل فيه حد داخل واﻻ ﻻ
ربحي : تمام
*مع ساعة 3 جو جماعة النوبة وجي جري سفيان لنزار *
سفيان : جماعة النوبة ف راس الشارع
نزار : تمام الكل ينزل وزهير انت درس السيارة وراء خيمة العرس وانزل منها واوقف قدام المصرف وخلي اﻻسلكي شغال ونقصله صوته واي شاب يسئلك من الشارع دير الوعارة وقوله انا امن استخبارات باهي
زهير : تمام
نزار : والباقي وراي
*كيف بيتم سطو المصرف وشن هيا الخطة اللي حطها نزار وكيف بيتم التنفيذ وهل حتواجهم صعوبات وعراقيل ؟؟هدا اللي حنعرفوه ف الجزء القادم
يتبع…….
الجزء الخامس من رواية عاصفة الصمت
سفيان : جماعة النوبة ف راس الشارعنزار : تمام الكل ينزل وزهير انت درس السيارة وراء خيمة العرس وانزل منها واوقف قدام المصرف وخلي اﻻسلكي شغال ونقصله صوته واي شاب يسئلك من الشارع دير الوعارة وقوله انا امن استخبارات باهي
زهير : تمام
نزار : والباقي وراي … استنوا استنوا
الكل : شنووو
نزار : ساكوات الجيش ؟؟
سفيان : تمام
نزار : حاتم عدة فتح القفال
حاتم : تمام
نزار : المنظار وشنطة عجينة المتفجر
ربحي : تمام …
نزار : تمام … ربحي خود بينسة وخليك قدام الموزع الضي متع الشارع وقت تسمع تصفيرة اقطع خيوط الضي والحقنا ف سطح العمارة المقابلة
ربحي : اوكي هي
نزار : سفيان خش للعمارة اللي مقابلة وبدون صوت … اركب لين توصل لسطح فيسع
سفيان : تم
نزار : حاتم وراي .
* وركبوا بتسلل تام ووقت وصلوا لباب السطح … اشرلهم نزار البسوا قوانتيات وحطوا شخاشير ع وجوهكم … دارو زي مادار نزار وخشو لسطح *
نزار بالهمس : وراي وراكم ادير دوووشة بشوية ع روس صوابعكم
*الكل هز راسه تمام …
ونقزوا واحد تلوا اﻻخر ع سطح المصرف …. وقبل ماتبدى النوبة صفر نزار لربحي وقطع الضي وبدت النوبة ف الظﻻم الدامس*
نزار فتح المصباح وقال : ما توقعتش زوز بيبان لسطح.. فيسع ياحاتم حاول تفتحهم
حاتم : هي
نزار : سفيان تعال درق المصباح بالك يشوفنا حد
سفيان : اهو تو نفتح الساكوا وندرق بيه …يبدى حاتم بس يشوف ف الضي
نزار : به حلو
*وعاند حاتم ف الباب اﻻول فتحه وبدي في الباب التاني وقت فتحه تمت النوبة..
نزار عبر ﻻسلكي : زهير برا لمتع النوبة وقولهم ااضربوا شوط تاني وقت نقولك 00 اضرب رصاص باهي
زهير : تم
زهير مشي لمتع النوبة وقالهم : اليوم فرحاااان وعلى فرحتي بتضرب شوط تاني ياخونا
صاحب النوبة شاف زهير ﻻبس شرطي فخاف منه وقاله : ان شاء **** هي
نزار : هي خشوا خشوا …
* خشوا ونزلوا *
نزار بالهمس : صوت حركة …
غرفة الفلوس الدور التاني ع ايدكم اليمين … انا نازل لغرفة اﻻمن نشوف من فيها وحاتم افتح الباب متع دار الخزنة
حاتم : باه
*نزل نزار لدور اﻻول … ويدكر ف مكان دار اﻻمن … غير ان الشاب اللي في وسط المصرف شلع شمعة ف غرفته … مشاله نزار بشوية بشوية وجاه من وراه ضربه ع راسه … فافقد الوعي …و ربطه ودارله لصقة ع فمه … ونحى خيوط التلفوون … وركب جري لدور التاني وخش للغرفة متع الخزنة *
سفيان : من لقيت
نزار : لقيت واحد لوطى كتفته وجيت …. هات العجينة خلي نفتح الخزنة
*مدله سفيان المتفجر وخداه نزار وحطه على الخزنة *
نزار ف ﻻسلكي : صفر صفر
زهير طلع سﻻحه طاف طاف طاف
*وكبس نزار زر التفجير * بووم بسيطة مش ار بي جي هههه
نزار : العب العب ياولد
سفيان : ياحليلي
حاتم : بنرقص انا …
نزار : هيا فيسع لموا ف ساكوات فيسع
سفيان : ئه فيه بدالي جيش ف الساكوا
نزار : طلعهم وعبوا الفلوس …
*عبوا الساكوا بالفلوس وسبائك ذهب والساكوا الثاني نصه *
نزار : هي خلي نطلعوا من اهنا
فيسع
زهير عبر ﻻسلكي … نزار جماعة السينسا اهنا
نزار : من هما هادو
زهير : جماعة عادل
نزار : شن جيبهم هادو
زهير : مش عارف …
نزار : خش بين جماعة العرس ماتخليهمش يشوفوك
زهير : تم
سفيان : كيف بنطلعوا توا
ربحي : لو طلعنا حنشتبكوا مع بعض ويصير فيها دم
نزار : استنوا بس خلوني نفكر
زهير باﻻسلكي : جماعة العرس صلحوا العطل متع الضي …
نزار : اياح عاد كنا فمشكلة ولينا فمشكلتين
سفيان : كيف الدبارة
نزار : اه جري انت وياه البسوا بدالي الجيش ﻻﻻ استنى ربحي انت يعرفوك بشكل
ربحي : من هما
نزار : جماعة عادل يقولولهم السينسا
ربحي : ﻻﻻ مايعرفونيش
نزار : اماﻻ خليك مدني . . نلبس انا وحاتم .. سفيان حتى انت خليك مدني
*لبسوا بدالي الجيش و لموا كل شي وحطوا الساكوات ع ظهورهم وركبوا ل السطح ونقزو للعمارة التانية *
حاتم : هههههه
نزار : خيرك تضحك
حاتم : شوف مناظرنا بدالي عسكرية وشباشب صبع
نزار : غير راك اتشلك بيه بس
وتخليهم يفيقوا بينا
نزار باﻻسلكي : زهير شن يديروا جماعة عادل
زهير : هئ حم
سفيان : شنو شدوه يانزار ؟؟؟
نزار : حسهم زبطوه …
زهير : ها …
نزار : شنو في
زهير : خليكم فوق السطح .. جماعة السينسا واقفين قدام المصرف
نزار : برا لسيارة …وماتشوفلهمش
زهير : به
نزار : حاتم حط العدة ف ساكوا
وسفيان البس طاقية هادي ونزلها غطي وجهك
ربحي : هي
*نزل نزار و سفيان وربحي وحاتم ولما وصلوا لوطى لقوا جماعة السينسا واقفين طلعوا وعطوا بظهر طول ولما شافوهم ﻻبسين عسكري خافوا ومازبطوهمش*
ركب نزار سيارة هوا وجماعته وعطوها الشياط
نزار : باهي تمت ع خير المهمة اوووف
حاتم : توقعت اتصير مشكلة و****
سفيان : والنبي فكنا من توقعاتك
تره
وتمت المهمة ع خير ورجع
نزار ل صﻻح ..
صﻻح : خلعتوني خيركم متجيشين
*تقدم نزار ونحى الساكو من على ظهره وحطه ع الطاولة قدام صﻻح وفتحه *
صﻻح : ماعندي مانقووول منورين شباب … وبهالمناسبة الحلوة وقدام الكل الديناري ولى دراعي اليمين واللي ماينفدش كﻻمه ياويله
سفيان : اووو ديناري مبااارك ياراس
ربحي : اقوى ديناري
زهير : نبووو الزردة عاد
*وطبعا حاتم يرحي في الملح *
صﻻح : وغدوة بتمام اتجوني حنسلم كل شخص فيكم حقه تام اشبح كم يطلعلكم عشرة ﻻف خمسطاش الف **** اعلم
الكل : تمام
صﻻح : خﻻص روحوا توا …
*الكل روح ونزار من اول ماوصل الحوش خش رقد طووول *
وعلى تاني يوم …
خ رقية : نوض نوض يانزار
نزار : ناعس يمى خليني نرقد
خ رقية : اليوم ميلود
نزار : باهي بنرقد
خ رقية : ساعة 4 قريب العصر شنو بترقد ل الليل واﻻ شنو …نوض جيب لخواتك وبنت خالتك شميعات و خميسات ودريبيكات
نزار : تي كبروا راهو اما دريبيكات
خ رقية : به نوض هي فيسع قدامي
نزار : نضت نضت خﻻص …
خ رقية : طيب فيك
نزار : حقا يمى …. خيرها خالتي امس قتيلي تو نحكيلك
خ رقية : راجلها لخبطاته واحدة قد بنته وبيتجوزها
نزار : صلي عالنبي
خ رقية : عليه الصﻻة والسﻻم
نزار : مبرد جده على شيبته بيتجوز بنت قد بنته … و**** صدمتيني
خ رقية : و**** هداك النهار نتفرج فبرنامج مصري قالت مهارقة واﻻ مقاهرة متاخرة هدا وين فهمتها
نزار : ههههه مراهقة يمى مراهقة
خ رقية : ايه مهم فهمت
نزار : به وشنو بدير توا … بتطلق منه
خ رقية : قالت معاد قاعدة معاه يعاير فيها جبتيلي بنت واحدة وقمتي السقالة
نزار : وووه كﻻمه زي السم
خ رقية : زي العادة …. هي فيسع نوض اغسل طريفاتك وخود تغدى ووجهك عالسوق جيب شميعات
نزار : باهي هي
حاتم : تعرف يااستاد صﻻح … بما انك حطيته دراعك اليمين صدقني حيدير مافراسه ويدير جماعة ويولي عليك
صﻻح : تحسابه زيك
حاتم : به شن اتفسر عدم جيانه اليوم … وهوا عارف ان كل يوم فيه خدمة
صﻻح : مرات صارله ظرف
حاتم : امبكري خطمت قدام حوشهم مافي شي هدوء تام
صﻻح : خليه عدره معاه
حاتم : انا نقول ماتعطيش ف شخص تقة تامة اهو مش لدرجة تامنه ع كل شي
صﻻح : نوض فيسع جيبلي ارقيلة ماناقص غير تعلمني شن اندير وشن مانديرش
*خش عليهم سفيان *
سفيان : استاد صﻻح …. الشرطة شدو جماعة عادل … يحسابوهم هما اللي خنبوا المصرف امس
صﻻح : ههههههههههه دير روحك ماتندري ع شي حتى اللي يقولك سمعت قوله ﻻ سمعني
سفيان : به تمام … وين الديناري اليوم مش باين
حاتم : ولينا دراع اليمين نديروا مانبوا
سفيان : هههه ايه شوره … وربحي وزهير جو واﻻ ﻻ
صﻻح : جو امبكري عطيتهم حصتهم .. وهادي حصتك يا سفيان
سفيان : تمام شنو مافيش مهام اليوم .؟؟
صﻻح : ﻻﻻ اليوم ميلود … قلت مانيش بايع شي …
سفيان : به اماﻻ انروح
صﻻح : روحوا ايه
سفيان : تمام
صﻻح : اسمع وكان حصلت شخص تريس يبي يخدم جيبه ياسفيان
سفيان : باه تمام …سﻻم عليكم
صﻻح : نوض روح يافار امشي حتى اﻻرقيلة ماصارليش منها
حاتم : باه استاد زيدني الفين تانيات حتى عﻻوة
صﻻح : عطيتك عشرة اﻻف … سادينك برا اتزوز بيهم
حاتم : باهي باه سﻻم عليكم
صﻻح : سﻻم
*وكيف نزار وصل السوق لقي الفرراشة وكل شخص يبيع ف العاب ونبايل واللي يبيع ف شقاقات و اللي يبيع ف زير وصواني الفخار واللي يبيع ف كروسات البنات ومسدسات الرش …والعاب بنك الحظ وتركيب …السوق معبي رجالة واطفال وجوه حلوو وريحة الخط لوح والمفرقعات مالية الدنيا *
{امممم ﻻش الدرابيك و**** كبرو عليهم .. خلي ناخدلهم البنابل اهما ﻻبسين بودري هههه يشبهوا لبنى اايه هادو احﻻ ايه خير
نزار : بكم البنبلة
الفراش : بخمسطاش
نزار : اممم به عطيني تﻻتة
الفراش : باهي هي
نزار :وحطلي شمع وخميسات ماعنديش نية انلود عالسوق
الفراش : ههههه ان شاء **** الناس كلها زيك ماعندهاش نية اتلود
نزار : هههه كم مع بعضهم
الفراش : 60 دينار
نزار : تفضل هي
الفراش : *** يحفظك
* وخدي حاجاته وروح للحوش *
لبنى : شن جبتنااااا
نزار : مدايرتيني بابا نويل شورك
لبنى : ههههه هيا شن فيه ف الشكاير
نزار : حاجات لكن مش ليك …
لبنى : اماﻻ لمنووو
نزار : لخواتي بس انتي شفشة مافيش … صفصوفة مرمورة وييينكم تعالو جبتلكم حاجات
صفاء : حقووو
نزار : اي تعالي
صفاء : مروة نوضي نزار جابنا حاجات
وقفت طول مروة وجو هما الزوز ل نزار
فتح الشكارة نزار وطلع شمعة مزينة ل مروة ومدهالها وشمعة لصفاء
نزار : استنو … شوفوا البنبلة العروسة اهياه هادي ليك ياصفاء وهادي ليك يامروة
*اغتاضت لبنى وانفعلت وقتله : تاخد لخواتك بس ! به قتلي راهو عطاتك ماما فلوس كان انت هكي نوعيتك بخيل وقفاص و اناني..بﻻش مانبي منك شي
..ومشت لدار داخل واتلوحت ع المنادير وحطت وجها عالمخدة بتبكي … ونزار وجعه كﻻم لبنى اللي قالتهوله قعد ساكت *
مروة : عﻻش ماخديتش ل لبنى
نزار : خديتلها غير كنت بنديرهالها مفجاة في الليل بعد المغرب
جتهم خ رقية وقتله : شن جبتلهم
صفاء : شوفي يمى عرايس مش عاديات
خ رقية : خديت ل لبنى او
نزار : اي خديتلها … شوية بس خلي نشوفها
خ رقية : باه
*خشلها نزار ف الدار وحطلها البنبلة بحداها والشمعة و الخميسة وطلع من الدار ومن الحوش مرة واحدة *
صفاء : انتي ياغبية
*لبنى قاعدة حاطة وجها عالمخدة ردت عليها : شنو
صفاء : قيمي راسك شوفي شن فيه بحداك
*قامت راسها لبنى وشافت بالبنبلة والحاجات جنبها *
لبنى : خوديهم ياصفاء هادو حاجاتك
مروة : جابهملك نزار يادعوة
لبنى : تتسهوكوا
ضفاء : و**** بجديات
لبنى : به وعﻻش يقولي ماجبتلك شي
مروة : قال كان بيديرلك مفجأة بعد المغرب غير انتي تسرعتي
صفاء : احنين نزار تخيلي كان بيفرحك دبل فرحتنا لكن انتي غباء مركز
لبنى : حي عليا و**** مانتحشم قتله كﻻم ماينقالش … ياريته ايجي
مروة : مش حيجي توا ايروح ف الليل متاخر
صﻻح : وين لتوا
نزار : سامحني و**** راحت عليا نومة لساعة 4 وبعدين مشيت ناخد ف قضية للعويلة
صﻻح : اممم نحسابك شميت صنانك
نزار : ههههههه ﻻ و**** ماعاش اللي يشم ههههه صنانه عليك
صﻻح : اممم عموما فيه مهمة
نزار : انموت ونفهم عﻻش مهامك كلهم وراء بعض
صﻻح : ماه وقت تخطر فبالي فكرة مادابيا تتنفد طول
نزار : به شن هيا
صﻻح : خود الفكرة وخمخمها ع راحتك … فيه محل يبيع ف غدائية لكن في الليل يتحول ل محل حشيش.. طبعا مش توا لكن خمخمها وفكر كيف بتدهم عليه
نزار : يستر **** …
*طلع صﻻح شنطة فيها فلوس وحطها قدام نزار *
صﻻح : وهادي ليك ياديناري عشرين الف كاااش
نزار : عشرين الف ! ماشاء ****
صﻻح : اماﻻ كيف قداش عندنا ديناري … خودهم توا وروح … ميلودك مبروووك وعدوك مهلوك .. هاوينه غدوة مافيش خدمة اجازة كول عصيدة واتريح
نزار : هههه ب**** سؤال استاد
صﻻح : اسئل
نزار : كم عمرك
صﻻح : هههههه قداش تعطيني
نزار : اممم 40 عام هكي
صﻻح :كبرتني .. 35 عام يا غزيل
نزار : بطولت عمرك …
صﻻح : هي قريب المغرب نوض نوض خلي نروحوا
نزار : يﻻ تصبح ع خير …
*خدي شنطته نزار ومشي محل خدي زﻻبية و مشروب وحلوة شاكار وشري من وﻻد الشارع خط ولوح وروح …اجواء ميلود قنينة
وصل نزار للحوش *
نزار : السﻻم عليكم
خ رقية و سميرة : وعليكم السﻻم
نزار : جبت زﻻبية يمى
خ رقية : ياودي معش اتجيب شي من برا اﻻمراض كاثرة
نزار : ﻻﻻ هدا عمي اسماعيل نظيف
صفاء : نزااااار … نزار روحت
نزار : روحت ايه
صفاء : اركب احنا ف السطح
نزار : باهي شوي تاني
صفاء : باه
نزار : كيف حالك خالتي وشن مدايرة
خ سميرة : اهو الحمد*** كويسة
مروة : يانزاااار اركب
نزار : تي باهي يادعوة انتي وياها اصبروا خلي نهدرز مع خالتي
خ رقية : برا اركبلهم شيطلهم رقيهم نزار : شن بندير يمى فوق … اصﻻ شوي تاني وطالع ماشي للوﻻد
خ رقية : ﻻ قعمز هدرز معانا وانت كل ليلة طالع …
نزار : به شن بندير ف الحوش
خ رقية : زي قبل .. شن جد عليك يعني … وشن هالشنطة هادي
نزار : اه شنو ايه … شريتها قبل شوي …وخديت حوايج حطيتهم فيها … خلي نحطها ف دوﻻب ونركب للبنات فوق
خ رقية : باه
*خشش نزار لدار ودس الشنطة كويس ف الدوﻻب بين الحوايج وركب لخواته لعب معاهم وشلعوا شمع و طربقوا خط ولوح ومفرقعات وطول الوقت نزار متجاهل لبنى … لين نزلوا وتعشوا وهوا مزال متجاهلها *
*وكيف ايوتوا ف العشي مروة وصفاء ومعاهم امهم ف المطبخ مطيبين رشتة كسكاس … وسميرة ضاربتها الكئابة وراقدة ونزار يتفرج على تلفزيون ولبنى مقعمزة بحداه وساكتة … جت مروة لوحت المفرش وقتلهم : هاكم فرشوا ..
لبنى : ﻻ مامبيش
مد ايده نزار بياخد المفرش وعينه ف تلفزيون وفي نفس اللحظة مدت ايدها لبنى … وجت اﻻيد ع اﻻيد …
سرح نزار… اول مرة اتجي ايد بنت فوق ايده بطريقة هادي…
جبد نزار ايده وقالها : تو بش ماتبيش اتفرشيه
لبنى : كنت انبصر ع مروة
نزار : امان ياربي امان …
لبنى : نزنوز
نزار : نعم
لبنى : امبكري مش قصدي
نزار : باه
لبنى :و**** ماقصدي خيرك هكي نزار … نحسابك ماجبتلي شي
نزار : عادي مادوريش
لبنى : ﻻ بندور … ب**** عليك ماتزعلش مني
نزار : باهي
لبنى : نزنوز
نزار : باهي خﻻص معش تعاوديها كﻻمك وجعني …نحسب فيك زي خواتي اللي بناخدهولهم بناخدلك منه ﻻ *** فلوس وﻻ شي
لبنى : باهي خيرك اتكشخ عليا
نزار : مانكشخش نوضحلك بش معش تعاوديها …
لبنى : باه خﻻص … المهم اسفة
*عموما جابوا صفاء ومروة العشاء وتعشوا وضحكوا وهدرزوا زي كل يوم … بعد يومين شري نزار سيارة والكل كان فرحان … طلعوا زردات وتفسحوا وحياتهم تغيرت … خالته اطلقت وعاشت معاهم ولبنى بدت اتشوف في نزار حبها الوحيد برغم انه حب من طرف واحد … نزار كان كل وقته خطط نفذ اسطو بيع
وكل مرة القيافة يعطيه مهمة شكل وحاتم قريب ايموت من غيضه … ولى لنزار شهرة عالية في هالمجال واللي يسمع ب اسم الديناري يتجمد ف مكانه .. يعتبر اصغر مشهور في مجال سرقة واكتساب الصفقات… وفاتوا شهور وخششت سنة 1999 …
ويليها 2000 وولى نزار عمره 26 عام و عنده هلبا فلوس… وصﻻح ولى شخص دا نفوذ و معارف وزاد اتوغل ف الدولة.. .. وكدة مرة يصيرله نزار كمين من قبل مكافحة المخدرات بس مايشدوشي … وحتى لو يشدوه في نفس اللحظة يجيهم تلفون من القيافة فيطلقوه طول وفاتت سنة وراء سنة ونزار قاعد ف نفس مواضيعه لين مل من العداوات والعنترة والتخطيط والخنبة و قرر قرار حاسم في تاريخ
20*5*2007
نزار : القيافة
صﻻح : نعم ..
نزار : *** … *** نستقيل
صﻻح : صلي عالنبي
نزار : عليه الصﻻة والسﻻم … *** نشتغل بشهادتي .. انا مهندس لين نسيت الشي هدا … قعدت غير اخنب … اسطو… بيع … خطط .. نفد .. صفقة بضاعة معش تنفست
بكل
صﻻح : كنت كاتم ع نفسك يعني
نزار : وحق *** ﻻ بس *** انعيش شخص طبيعي … خدمة في الصبح ونتريح في الليل حالي حال الكل
صﻻح :صدمتني يانزار … راسك متع خطط مش متع هندسة
نزار : سامحني … سامحني ياالقيافة … نشهد ب**** انك احسن شخص قابلته ف حياتي …بس معش نقدر نستمر
صﻻح : متاكد انك بتسيب
نزار : بإذن ****
صﻻح : و**** ماعندي مانقول الحق كنت من خيرة رجالي وتاكد … تاكد يانزار بابي ديما مفتوح ليك سواء توا واﻻ حتى بعد اشبح قداش عام .
نزار : اصلي و**** عارفك ماتقصر وبجد عطيتني نصيحة قبل … هيا صح لصالحك بس فادتني هلبا
صﻻح : شن هيا
نزار : قتلي رد بالك تاخد منها البضاعة *** شخص صاحي …فقعدت طول الوقت صاحي وماقربتاش بكل
*وقف صﻻح ووقف نزار وتقدم صﻻح واضبط نزار وقاله :مطلوق سراحك ياطوير و*** يحفظك
نزار : ويحفظك ياطيب … اه قريب نسيت جبتلك معاي … الهدية هادي وان شاء **** تعجبك بس
صﻻح : دامها منك تعجبني ياديناري
نزار : ونتمنى … نتمنى كان فيه في ملفي عند الشرطة كﻻم هكي واﻻ هكي امسحه *** نبدى حياة جديدة
صﻻح : لك هدا … تم
نزار : شكرا …السﻻم عليكم
صﻻح : وعليكم السﻻم …
*خنقاته العبرة نزار وهو طالع من عند صﻻح … قعد يدكر ف كل عملية ف كل مهمة نفدها لصﻻح
ركب سيارته نزار … وهوا مروح ف طريق سيارته وقفت فنزل يشوف العطل … لقاها سيارته تحتاج اميا … فخش لأقرب سوق بيشري اميا
فخطمت من قدامه بنوتة حس روحه انه يعرفها مﻻمحها شايفها ف مكان ما
{وين شايفها ياديناري وين وين … زعما صاحبة صفاء ومروة … ﻻﻻ… اﻻ مانسئلها }
نزار : عفوا لو سمحتي
تلفتتله البنت وقتله : نعم
نزار : انتي فتحية
البنت : ﻻﻻ اعويشة
ادكر نزار وقالها : العزوزة واﻻه ؟؟
البنت : من انت وشن تبي
نزار : بنت عم حاتم انتي صح
البنت : ايه
نزار : غالية واﻻ غرور تقريبا
البنت : غادة
نزار : عاشت اﻻسامي … سجلي رقمي عندك … و**** بجد نكلم فيك
غادة : ماعنديش تلفون
نزار : به عندكم ارضي
غادة : به هات رقمك اﻻرضي وتو نتصل بيك
نزار : به تمام … خودي هي
02134013**
حفظتيه ؟؟
غادة : اي حفظته … لكن نخاف اتقول لحاتم اني كلمتك
نزار : ماتخافيش …قدامك تريس
غادة : امممبه ياتريس
نزار : استني
غادة : نعم
نزار : تره قوليه الرقم
غادة : حفظته خﻻص اطمن تو نكلمك يﻻ باي …
نزار : بايات ياغزيلة
{و**** كبرت واحلوت الفرخة طول وعرض هيواه هيواه وين ماشية بيه ماتقول اﻻ عارضة ازياء خلي انروح توا للحوش ونتمسمر بحدى اﻻرضي بالك تتصل واﻻ حاجة }
طلعت غادة من السوق وروحت للحوش
حاتم : وين كنتي ياهانم ..
غادة : كنت ف السوق
حاتم : هدا كله ف السوق
غادة : ايه … تي ارخيلي شعري ارخي
حاتم : معش اتعطلي نرة تانية
غادة : به غير حول حول …
*ركبت غادة لحوشهم … واتفكر ف نزار … زعما نتصل زعما ﻻ ..وخلت بوها يطلع وانتهزت الفرصة واتصلت *
غادة : الو …
نزار : اهلين ..
*كيف بتكون حياة نزار الجديدة ؟؟ هل حيستمر فيها كويس او ﻻ ؟؟ وشن حتكون ردة فعل حاتم لو عرف ؟؟؟
يتبع ……..
الجزء السادس من رواية عاصفة الصمت
*ركبت غادة لحوشهم … واتفكر ف نزار … زعما نتصل زعما ﻻ ..وخلت بوها يطلع وانتهزت الفرصة واتصلت *غادة : الو …
نزار : اهليييين
غادة : كيف الحال
نزار : تمام الحمد*** كيف حالك انتي
غادة : صح الرقم واﻻ انا غالطة
نزار : وصلتي وصلتي … نزار معاك
غادة : عاشت اﻻسامي
نزار : تعيشي … تعرفي عندي فضول تام نعرف مواليد كم
غادة : هههه 1991
نزار : واحد تسعين …
{تنينا وتسعين تﻻتة وتسعين اربعة وتسعين }
غادة : الووو
نزار : يعني 16 العام
غادة : اي
نزار : كتكوتة و**** زغنطوطة
غادة : ايه
نزار : بطولت عمرك…اممم بس انا شيباني عليك عاى هالحال
غادة : كم عمرك
نزار : 32 عام
غادة : ههه بطولت عمرك
*عموما مانبيش نخش ف تفاصيل التعارف اكيد الكل عارف شن اﻻسئلة بين اي طرفين كيف بيتعارفوا … نختصر الموضوع
بعد مرور شهرين … نزار انعجب ب غادة … وبدي يخاف عليها زي نفسه وتغيب عليه باليومين تﻻتة بحكم ماعندهاش نقال … ونزار يضايق في اليوم اللي ماتكلماش فيه … وفي خﻻل هالفترة تصير لنزار ضغوطات من صحاب عمله القديم ومن العداوات اللي دارها *
عادل : اووو او او او دددديناري اهنا …. وسعوا الممر خلوا الديناري ايمر …
نزار : مش فاضيلك بكل با ياسينسا حتى تشوفني دير روحك ماريتننيش
عادل : شنو حق اللي سمعناه … استقالة الديناري و**** خبر يستحق ينكتب ف الجرايد
نزار : خليك فحالك خيررر
عادل : تحساب بيخلوك فحالك هه مسكين راك غالط كل اللي درتله عملة قبل بيردهالك دبل ياحلوو راك طلعت من تحت جناح القيافة
نزار : فوتني ياراجل برا قيل واﻻ دبر على عمرك
عادل : اهو قتلك وخﻻص طال الزمان او قصر حيدوروك
*ركب نزار سيارته وتكى راسه على الستيرسو *
{اففف الواحد شن يدير يتنكر بش معش يزبطوني هالشكاﻻت واﻻ شنو }
بف بف بف >>> خبطات ع باب السيارة
شاب : خييير ديناري عاش من شافك ياوحش
*قام ديناري مرش الروشن وولع سيارته وعطاها الشياط لشركة اجنبية دار مقابلة عمل وروح *
مروة : نيزارووو اطلعنا اليوم
نزار : وين ؟
مروة : محﻻت الترسانة
نزار : شن فيه غادي
مروة : نزار ركز معاي محﻻت بناخدوا قفاطين مناسبة
نزار : تو نشريلكم انا
مروة : نزار !
نزار : نعم
مروة : معادش ولينا صغار تاخدنا انت
نزار : تو ناخدلك انا قولي اللون اللي تبيه ومقاسك واطلعي منها يامروة … ببش اما نقعد انلود بيك و 1000 من يشوفك ﻻ
مروة : وكان شافوني يعني … بلبسي مستورة ومتحجبة
نزار : الصبر
{تو شن بنقوللها هادي هي .. خوك عنده عدوات مع تجار حشيش…}
مروة : به نقولك
نزار : نعم
مروة : بﻻش مانبيش انت غير تقعد حابسنا
نزار : مش حابسكم بش نطلع فيكم زرادي وفي الصيف للبحر
*نزلت صفاء من السطح وسمعت الجملات اﻻخير *
صفاء : بترفعنا زردة نزار ايه و**** ياريت امتى ؟؟
نزار : غير افهمي الموضوع
مروة : مايبيش يرفعنا نشرو قفاطين لعرس بنت حليمة
نزار : تو نشريلكم يامروة خﻻص اكتبيلي ف ورقة اللون و المقاس وتو نجيبلكم زوز زوز كان ماعجبكمش هدا البسوا هدا
مروة : به به
نزار : مارنش اﻻرضي
صفاء : ﻻﻻ مارنش
نزار : باه … اي حد يجيني انا مهناش واﻻ نقولكم اللي ينادي عليا مادوروشي خلوه ينادي ويمشي
صفاء : باه
*مشي نزار من المربوعة وطلعت لبنى من الدوش سرحت شعرها وربطاته بتوكة ودارت فيوكة خضراء هافتة… وطلعت لوسط الحوش *
لبنى : جي نزار
مروة : جي ايه
لبنى : اممم به خلي نمشي نقوله حاجة
مروة : ماتعبتيش من محاوﻻتك الفاشلة …
لبنى : ماتعبتش واصﻻ بنهدرزله موضوع تاني
مروة : باه باه ياام مواضيع ورينا عرض كتوفك وديريلك همة خلي نجوزوكم بالك يخف علينا شوي
لبنى : *** يسمع منك ياوخيتي
*نزار مقعمز ويتفرج على التلفزيون *
لبنى : روحت نيزووو
نزار : روحت اهو مكسد على مسرحية العيال كبرت ههههه قعمزي قعمزي
لبنى : هههه
{خيرك هكي يانزار مش معبرني و**** نتمنى انك تفهم اني نبيك }
نزار : بديريلنا تورتة
لبنى : خاطرك فيها
نزار : اي و**** من هداك النهار اللي درتيها كليت طرف واحد وطلعت روحت لقيتها مهناش
لبنى : هههه كلتها صفاء … خﻻص تو نديرهالك اليوم ان شاء ****
نزار : ياوخيتي سلمها
*مع شد خدها بروس صوابعه*
لبنى : ههههه حقا امتى ترفعنا زردة و**** خلوقي ضايقات
نزار : حااااضررر من عيوني قداش عندنا ضرس لبني شاوري عاليوم اللي يعجبك ونرفعكم
لبنى : يوم الخميس كويس
نزار : كويس هلبا ههههههه شوفي مصح وجهه بكل هالسعيد صالح
لبنى : هههههههه
*تررررن تلفون يشرين *
نزار : ~_¤
* جت لبنى بترد *
نزار : تمام اهو تو انرد بالك حد من الشباب
لبنى : به اماﻻ خلي نديرلك التورتة
* طلعت لبنى ورد نزار : الوو
غادة : الوات كيف الحال
نزار : مش كويس
غادة : خيرك نزورة
نزار : قداش يوم ماتصلتيش تره قولي
غادة : عارفة و**** غير ظرف بس
نزار : شن ظرفك
غادة : بابا كان مريض والحوش معبي ناس ماشية وناس جاية ماحصلتش فرصة
نزار : ان شاء **** ﻻ باس عليه .. به قمتي حتى تلفون قلتي كلمتين وسكرتي
غادة : تاكد لو كان فيه فرصة راني كلمتك طووول
نزار : باه ناخدلك نقال وشفرة
غادة : ﻻﻻ
نزار : عﻻش ﻻ
غادة : لو سمع بيا بابا يدبحني وكان عرف حاتم يدير فيا حالة
نزار : باه كيف الراي نقعد هكي مانكلمكش
غادة : و**** ماعارفة
نزار : و**** اليوم ايفوت عليا زي الجبل من غير مانسمع صوتك
غادة : اممم معليش نزورة هدي اعصابك …
نزار : تبي تهدي اعصابي ؟؟
غادة : اكيد
نزار : غنيلي ..
غادة : شن تبيني انغنيلك
نزار : اللي يجي منك حلوو
لبنى : اول مرة اتحب يائلبي اول يوم اتهنى … ياما على نار الحب قالولي ولقيتهم من الجنة
صفاء : **** **** يابختك ياعم نزااار
لبنى : هههههه طلب نديرله تورتة
صفاء : حق او
لبنى : اي قالي طعمتها قاعدة في فمي لتوا
صفاء : ياحليلي
لبنى : خلي نمشي نسئله يبيها باللوز واﻻ واﻻ كاكاوية
صفاء : اه ياسبلة هههههه
لبنى : هههههه
نزار : و**** صوتك اتقولي سحر
*وصلت لبنى جنب المربوعة *
نزار : بجد و**** صوتك حلو مقايلهالك قبل …معش تغيبي عليا هكي باهي
*حطت ايدها لبنى ع فمها وخنقتها العبرة ونزلت دمعتها وتلفتت ومشت خشت للحمام بكت لين كبدها طابت *
غادة : انا توا طالعة لسوق امي تبي شوي حاجات
نزار : به اوكي تو تلقيني غادي هي
غادة : اوكي … باي
حنين (بنت خالت غادة ) : كملتي
غادة : ايه
حنين : به اوقفيلي خلي نكلم حسن
غادة : طالعة السوق توا … بنشري حاجات
حنين : ها به
غادة : اتجي معاي
حنين : اكيدة ﻻ بالك بنخليك تمشي بروحك
غادة : هههه به هيا بدلي فيسع
حنين : هي
صفاء : لبنى خيرك جوك مش عاجبني
لبنى : ﻻ شي خلوقي ضايقات بس
صفاء : من شنو
لبنى : هكي وخﻻص
صفاء : به كملي التورتة
لبنى : كمليها انتي و**** جوي منكد عﻻخير
خ رقية : من امحوس المطبخ هكي سمله اتقول متفجرة فيه قنبلة
لبنى : انا ياخالتي
خ سميرة : لبنى نوضي فيسع ديريه
*صفاء شافت لبنى خنقتها العبرة فقتلها : خليك تو انضمه ونكمل التورتة ووقت نطلع بتحكيلي شن فيه باهي
لبنى : باهي ياصفاء غير خليني توا
{امممم زعما شن ناخدلها خلي ناخدلها حلوة الصوف … و**** مانقاوم انا قدام حلوة الصوف }
نزار : تره اعطيني زوز ب**** عليك
الشاب : ان شاء **** هي
نزار : واﻻ نقولك خليهم تمانية شكاير ﻻﻻ تسعة
الشاب : هههه تمام … وهادو تسعة
نزار : تمام تفضل هي … *** يحفظك
{محﻻها الشاربة تخيلتها على غادة خلي ناخدهالها }
*شري الشاربة وطلع من السوق قعمز جنب السوق يستنى ف غادة … *
غادة : حول من الطريق ياحاتم
حاتم :ووووين ماشية
غادة : وين ينمشي يعني السوق وانت ع المشية والجية تحسبلي
حاتم : نحسبلك اماﻻ شنو … هاتي الفلوس تو نشريلكم من السوق
غادة : حول خير مانركب لبوي راه
حاتم : بوك بيجي معاي شن تحسابي كان نقوله عرضت عليها نمشي انا لسوق وهيا قالت ﻻ بيحط 100 احتمال ف راسه
غادة : فتان … حول مانيش معطلة
حاتم : اممم به عشرة دقايق عندك بس
غادة : باااهي
{هيا ياغدوووش هيا التانية انحس فيها ساعة }
*فجاة جاته مسج >> جاك قضاك ياديناري … خليك تتمتع بحياتك الجديدة والنظيفة … بعد ما ترتاح مزبوط وادير حاجات يبدى قلبك يرفرف عليها ساعتها ناخدو تارنا يا د ي ن ا ر ي << …
اتكنطى نزار وسكر تلفونه وحطه فجيبه ….
{محقرهم النهار المبارك … فددوني }
*وبينما نزار سارح وصلت غادة وقتله : غير وين سارح ياودي
وقف نزار ومد ايده يسلم وقالها : هههه سارح فيك اكيد
غادة : عطلت عليك
نزار : اممم ايه …شن حالك وشن مدايرة
غادة : اهو الحمد*** بخير
نزار : كويس ،شنو جاية معاك البنت اللي واقفة غادي
غادة : ايه بنت خالتي
نزار : اه قبل ماننسى جبتلك معاي هدية بسييطة و حلوة صوف
غادة : هههه به شكرا … يﻻ نتﻻقوا وقت تاني غير طلعت ومش معطلة
نزار : تمام ردي بالك ع روحك ..
غادة : ان شاء **** حتى انت رد بالك على روحك…باي
نزار : بايات … غدوووش
غادة : نعممم
نزار : بتكلميني اليوم
غادة : ان شاء **** بعد صﻻة المغرب باهي
نزار : تمام تشاو هي
*مشت غادة وحنين لسوق ونزار حاس روحه مغموم من التهديدات اللي توصله فقرر يرجع للحوش ومايطلعش لعدة ايام*
*سرت …الساعة 12 ظهرا *
طارق : انا نعتمد عليك في كل شي يا الشبح واكيد انت لكل مهامي
الشبح : ماتكون اﻻ راضي يااستاد طارق
طارق : بنبعتك لطرابلس …
الشبح : باه ..
طارق : خود معاك قداش ماتبي
من رجالة
طارق : نبيك تقتل شخص …….
الشبح : منو
طارق :شخص اسمه الديناري …
يتبع…..
الجزء السابع من رواية عاصفة الصمت
*سرت …الساعة 12 ظهرا *طارق : انا نعتمد عليك في كل شي يا الشبح واكيد انت لكل مهامي
الشبح : ماتكون اﻻ راضي يااستاد طارق
طارق : بنبعتك لطرابلس …
الشبح : باه ..
طارق : خود معاك قداش ماتبي
من رجالة
الشبح : لشنو
طارق : نبيك تقتل شخص ……. شخص اسمه الديناري
الشبح : شن مشكلته الدعوة
طارق : هكي واقفلي ف الحلق … الشبح : تم اعتبره ميت
طارق : زي مامتوقع منك يالشبح
الشبح : امتى تبيني نطلع طرابلس
طارق : توا ….
الشبح : تم ياراس
*روح نزار للحوش هوا وشكاير حلوات الصوف وخش للمربوعة وياكل
{تهبلي ياغادة…ياريت عندك نقال ونكلمك كل لحظة… مستاحش صوتك ياغدوشي الغالية …تعرفوه الشعور هداكا لما قلبك يبدى يدق بسرعة وتستنى غير تلفون ايرن ؟؟؟ ايوه انا هكي حاس توا }
*على خشت صفاء *
صفاء : خاطري نعرف امتى بتكبر عليها حلوة الصوف يانزار
نزار : بري ديرلي قهوة عارفك تبي منهم
صفاء : اسمه غزل بنات مش غزل رجالة
نزار : نحي ايدك من على الشكاير
صفاء : للبنات قلنا
نزار : هادي نوعية معينة خاصة برجالة فيهم بروتينات
صفاء : كيف ؟؟؟
نزار : كان كليتيها يطلعلك شناب هههههه اتولي اشنبو ههههه تمشي لعرس بنت حليمة اتسلمي عالنساوين وفجأة فففف يطلعلك شناب
صفاء : هههههههه تتسهوك واﻻه
نزار : نبصر نبصر … خودي شكارة ليك ولخواتك
صفاء : عندي اخت واحدة
نزار : هههه قصدي ضرس لبني نسيت
صفاء : اممم يعني تعتبر فيها اختك
نزار : ها اماﻻ امي.. حقا …دارت التورطة ؟؟
صفاء :ﻻﻻ دارت منها وكملتها انا
نزار : طابت
صفاء : طابت لكن كيف طلعتها من كوشة تبرد و نزينها
نزار : بكل الضرس لبني عﻻش ماكملتهاش هيا تعرف اديرها خير منك
صفاء : مش عارفة
نزار : باهي وتوا روحكم الخميس قالت تبي تمشي زردة
صفاء : بالحق ؟؟؟ اليوم شنو هوا
نزار : اممم التﻻت
صفاء : به خلي نمشي نقولهم
*فتح نزار نقاله وجاه مسج >> ياويلك ياقنين *
09246775**
نزار : الووو ها حاتم … تطلع توا تمشي تاخدلي شفرة …
حاتم : اعﻻش
نزار : من غير عﻻش
حاتم : باهي تو نمشي غدوة
نزار : توا قلت انا
حاتم : باهي هي اهو طالع سﻻم
نزار : سﻻم
حاتم : يحسابني خدام بوه
القيافة : منو
حاتم : هالديناري هدا
صﻻح : ديناري … خلى مكانه … كسرني باستقالته
حاتم : ماعاش اللي يكسرك انت القبافة ياجبل مايهزك ريح
صﻻح : على قد مادورت من تريس بش نحطه دراعي اليمين ماحصلتش
حاتم : اهو انا
صﻻح : هههههههه بنحط فار دراعي اليمين … ضحكتني
*ترررن …تررررن *
صﻻح : ايوه نعم … اهلين اهلين بحبايبنا السراتة … شن اﻻمور
الكيشي : اهلين بيك قيافة شن مداير
صﻻح : اهو ماشي الحال
الكيشي : شن جو طرابلس وشن امورها
صﻻح : مستاحشتكم ياطيب
الكيشي : منور و**** يالقيافة اصلي من يومك
صﻻح : تسلم تسلم غير شن دكرك فينا
الكيشي : و**** شن بنقولك تزبط طارق واﻻه
صﻻح : من طارق
الكيشي : اللي بعتله دراعك اليمين ايعلم عليه (اي بمعنى غلبه قدام رجالته ) عن طريق دراعك اليمين
صﻻح : طارق الكفتة ؟؟؟
الكيشي : بالزبط … باعت رجالة
صﻻح : وعﻻش
الكيشي : بش يقتلوا دراعك اليمين
صﻻح : انا ماعنديش دراع يمين
الكيشي : الديناري ياراجل
صﻻح : الديناري استقال ليه شهرين
الكيشي : اه استقال … لكن كان التريس متاعك … على قولت بنت معلقة اخطاء الماضي تﻻحقنا حتى وان تبنا
صﻻح : غريبة جاي اتقولي برغم انك من قروبه
الكيشي : الديناري دارلي مرة معروف واهو بنردهوله
صﻻح : شن دارلك
الكيشي : معروف وخﻻص… كان معاي تريس
صﻻح : امممم عموما الموضوع عندي يا الكيشي تم امتى بيقتلوه
الكيشي : هما في الطريق ف خﻻل مااحنا نتكلموا
صﻻح : اوك تم
الكيشي : هي سﻻم عليكم
صﻻح : سﻻم
صﻻح : حاتممممم
حاتم : انعمممم
صﻻح : ناديلي زهير وربحي وسفيان والشنشوبة والجماعة كلها
حاتم : شن فيه
صﻻح : بيقتلوا الديناري
حاتم : وبه معش ولى من رجالتك
صﻻح : حتى ولو … حمايته مسؤليتي الراجل يبي ايولي نظيف وطلع من هالضيج كله
حاتم : به تو ناديهم هي
صﻻح : توصل كلمة لنزار رلسك ينفصل على جثك فاهم
حاتم : اه بباهي هي ….
نزار : لبينووو عﻻش ماكملتيش التورتة
لبنى : كملتها صفاء اهو شوية وتو تعطيك
نزار : اممم هاك حلوة صوف
لبنى : صحة
نزار : سلمك ،، بنسئلك
لبنى : نعم
نزار : بتمشي للعرس؟
لبنى : اما عرس
نزار : عرس بنت حليمة ..
لبنى : مش عارفة
نزار : كان بتمشي قوليلي بش ناخدلك قفطان
لبنى : مش عارفة
نزار : خيرك ﻻوية عنكوشك على غير عادة … وكله مش عارفة مش عارفة
لبنى : ﻻ شي جوي معكر بس
نزار : امممم قتلك صفاء ع زردة الخميس بنرفعكم صبراتة نصيفوا غادي يومين
لبنى : مش خاطري ف المشي
نزار : كيف صار انتي امبكري قتيلي ارفعنا والطلعة ع خاطرك وخاطر صفاء ومروة توسعوا خاطركم خير من قعدت الحوش
لبنى : مش خاطري وخﻻص
*ناضت لبنى وخلت نزار ف وسط الحوش مش فاهم شي *
مروة : خاطري انحب وننحب ياصفاء
صفاء : حتى انا …عمرك حبيتي واحد حتى من طرف واحد زي لبنى هكي
مروة : ﻻﻻ لكن اتقول عداب
صفاء : امممم كان يخلينا نشتغلوا نزار … اقلها بالك نلتقوا بفارس احﻻم
مروة : اه اه اه حتى العيلة مافيهاش وﻻد كلهم بنوت … ﻻ فيه من تعاكسي وﻻ واحدة
صفاء : تعالي نعاكسوا بتلفون اﻻرضي
مروة : عينك
صفاء : خوافة … خاطري نتعرف بجد عمارنا 25 عام وماطقطق ع بابنا حد
مروة : تي غير هاتيه حتى خطوبة تقليدية راضية انا …. زعما نزار امتى بيتجوز ولى عمره 32 عام
صفاء : خليه مازال …شن تبي كنة اتجيك ترفسلك كبدك او
مروة : هههههه حيوانة مافكرتش فيها وانتي عقلك ديما يشتغل
خ رقية : نوضي انتي وياها حطوا الغدي شن مقعمزات تفترشوا زي العزايز
صفاء : مازال بكري يمى
خ رقية : هوا داك ساعة 2 شن مازال
حاتم : الوو ها نزار طلعتلك شفرة جديدة نجيك للحوش واﻻ تجيني
نزار : تعال
حاتم : به افتح الحوش افتح زابطك بتقولي تعالى انت …
نزار : قدام الحوش انتا
حاتم : ايه
* سكر الخط نزار و طلع لحاتم *
نزار : مرحب شن الجو
حاتم : اهو ماشية …شن سر الشفرة الجديدة
نزار : هكي تغيير
حاتم : شنو ماشية معاك النظافة
نزار : تبي للحق واﻻه … كساد والخلوق ف تل لكن اهو تو نتعود … هي خش خش
حاتم : ﻻﻻ مستعجل عندي مهمة
نزار : هههه باهي يابو المهام انشوفك على خير
حاتم : وانت طيب هي سﻻمات
نزار : سﻻمات
الشبح عبر النقال : انعم استاد طارق … ايه كيف خشيت طرابلس … ايه … مسئلة ساعة بالكثير ويجيك خبره… تم تم كون هاني
سفيان ل صﻻح : باه كيف بنعرفوا مكانه واﻻ نقعدوا نراقبوا في الديناري
زهير : اممم مشكلة
صﻻح : هيا فكروا معش وقت توا ساعة 3 مايحتاجش هلبا بش يوصل وربما وصل اصﻻ
سفيان : خلي الشنشوبة ايجي ويفكر معانا
صﻻح : استنوا استنوا
*فتح درج مكتبه القيافة وطلع دليل الهاتف .. ويدور ف رقم شخص ما *
سفيان : شنو منو
صﻻح : ندور في شخص مالقدادفة في سرت
سفيان : اي و**** اﻻ فكرة
صﻻح : السﻻم عليكم …مساء الخير فﻻن القدافي : وعليكم السﻻم منو
صﻻح : انا .. صﻻح القيافة
فﻻن : اهﻻ وسهﻻ ليك زمان معش تكلمت
صﻻح : و**** انشغاﻻت بس لكن في البال و****
فﻻن : كويس
صﻻح : قاصدك في خدمة يااستادي
فﻻن : خير ؟؟؟
صﻻح : فيه شخص اسمه طارق الكفتة
فﻻن : اها عرفته
صﻻح : باعت رجالة بش يقتلوا شاب يشتغل عندي دراعي اليمين … مدابيا اديرله هاتف وماتخليشي يدير شي
فﻻن : باهي باهي يالقيافة تو ندبر الموضوع …. وتوا عندي مؤتمر لجان شعبية …
صﻻح : *** ايعاونك ب**** ماتنساناش
فﻻن : باهي تلفون واحد ويتم الموضوع
*توووت توووت سكر الخط *
سفيان : ها شنو
صﻻح : اهو نستنوا قال تلفون واحد ويتم الموضوع … لكن هوا مشغول انحس فيه باله مش حيدورني .. نوض انت وياه فيسع درسوا بعيد قدام حوش الديناري كان جوه دونكم ليهم
سفيان : بس عﻻش انت مهتم بالموضوع برغم انه معش يشتغل عندك
صﻻح سرح ويفكر …وجعني بخبر استقالته مانبيش نتوجع بخبر موته
وقال ل سفيان : غير بروا توا مش وقتها اﻻسئلة ….
بعد ربع ساعة بالتتمام
الشبح : انا في جيهته توا وين مكانه الديناري … ايه ايه زبطه جيهة محل غدائية ؟؟؟ باه باه اهو ماشيله هي
خ رقية : نزار
نزار : نعم يمى
خ رقية : نوض جيب صابون
نزار : وقت الصوابين توا
خ رقية : باش بنغسلوا الماعين … نوض
نزار : اهو نايض هي
يتبع ……….
الجزء الثامن من رواية عاصفة الصمت
الشبح : ايه زبطه بحدى محل الغدائية … تم تم
خ رقية : نزار نوض جيبينا صويبينة
نزار : وقت الصوابين توا
خ رقية : باش بنغسلوا الماعين اماﻻ نوض فيسع
نزار : باهي اهو نايض
زهير : و**** مامعقولة نعرضوا انفسنا للخطر على خاطر شخص كان يخدم معانا
سفيان : به لو انت ف مكان الديناري كان حيخليك ؟؟؟ اكيد ﻻ
* تنحنح زهير ومش عاجبه كﻻم سفيان بكل *
سفيان : اما زنقة ياحاتم
حاتم : خش يمينك .. ايوه تمام درس اهنا
سفيان : شن السيارة اللي مدرسة غادي شكلها مريب
زهير : بالك هما جماعة الكفتة
حاتم : ايه طارقة السيارة متع سرت
شنشوبة : شنو سفيان ننزلوا
سفيان : ﻻﻻ اصبروا شوي
نزار : صفاء صفاااء
صفاء : نعم نعم
نزار : وين الشبشب
ضفاء : ستنى نجيبهولك من السطح
نزار : مية مرة نقولك معش تركبي بيه اونه شباشب النايلو متعكم
صفاء : ماه شبشبك خفيف اتقول اطير طيارة
نزار : به بري بري جيبيه
صفاء : به
نزار : اسمعي
صفاء : انعم
نزار : احدفيهولي من فوق اهو قدام الحوش انا
صفاء : به
*طلع نزار قدام الحوش وحط يديه ف جيوب سروال التوتة *
الشبح : هو هدا الديناري والاه
مجدي : ايه اهو زي في الصور
حاتم : اهو نزار قدام الباب
سفيان : استعداد
الشبح : هات البلجيكي (مسدس)
مجدي : هاك اه
سفيان : انزلوا فيسع
مجدي : بالك برصاص اتجي الشرطة
الشبح : اتجي واﻻ اتزمر
مجدي : احنا مش في سرت راه الغلطة بورطة
نزار : تي هيا
صفاء : هاك اه
*لوحتله الشبشب صفاء وقعدت مادة راسها وشافت شاب بيصوب السﻻح عليه *
صفاء : نزااااااار تلفت ورااااااااك
*تلفت نزار وطلق رصاصة الشبح وطبس نزار وماجتش فيه *
جي سفيان وجماعته وشافهم الشبح ونزار مدهوش معش فهم شي من شي و صفاء تلعلع من فوق وووه وووه
قام راسه نزار وقالها : تي خشي ياهمي انا خشي
صفاء : وووه عليا وخييي
نزار : تي خشي و**** نركبلك راهو
*طبست صفاء وقعدت تشوف من المشربيات *
خ رقية : شن هالصوت هدا ؟؟؟ من اللي اتعيط ؟؟؟ نوضي شوفي اختك يامروة
مروة : هي
*ركبت مروة وشافت الشوفة ونزلت قالت ل امها فيه عركة قدام الحوش وولت ركبت فوق
خش معاهم نزار ف العركة ويضرب مع جماعته القديمة ومش فاهم شي *
طلعت خ رقية قدام الباب وتنادي : يانزار …يانزار … فكك من المشاكل ياوليدي … بناقص علينا الصابون ياكبدي
*طلعت خ سميرة وقالت : شن فيه
خ رقية : ماندري ياوخيتي طلعت لقيتهم همي الدنيا تتعارك …
*تلفتت لولد الجار وقتله : تربح ياوليدي حز عليهم
ولد الجار : عندهم سﻻح ياخالتي رقية
خ رقية : ياووووه عليا وووه
* في اﻻخييير جي تلفون لشبح خدي تركينة ورد *
الشبح : الو انا توا جماعتي تضري فيهم جايب جماعة الديناري
الكفتة : تاخد جماعتك وتطلع من غادي فيسع
الشبح : عﻻش
الكفتة : طلع مدعوم من فوق فيسع تاخد جماعتك وتطلع من غادي بسرعة
الشبح : تم تم
*سكر الخط الشبح وركب السيارة وولعها وقال : انسحاااب ياجماعة
*فجاة جماعته رجعوا وركبوا السيارة وهربوا *
خ رقية : شن فيه يانزار ﻻش هالعراك
نزار : ماترعشيش روحك يمى
خ رقية : كيف مانرعشش روحي
نزار : غير خشي تو نحكيلك بعدين يمى
نزار داهش وقالهم : ت توا اتفهموني هدا شنو …
سفيان : هادو جماعة جايين بيقتلوك
نزار : وعﻻش ماقتوليش من قبل
ومن بعتكم
سفيان : بعتنا القيافة
زهير : برغم انك استقلت من عنده
نزار : ومن باعتهم هادو
سفيان : الكفتة متع سرت
نزار : $#!#* مزال ماشعفش هدا
سفيان : بياخد بثاره
نزار : ثار عينه هالعافن تي و**** كان نشده نخليه طابونة مش غير كفتة
سفيان : هههه
نزار : عموما …هي تفضلوا خشوا الغدي عندي اليوم
سفيان : خليها مرة تانية في اﻻفراح
*قام راسه سفيان ولقي صفاء ومروة ولبنى بشعرهم الطويل
ابتسم سفيان ومرة يشوف لهادي ومرة يشوف لهادي ومرة يشوف لهادي *
تلفت نزار وقام راسه وقال : تي خشوا و**** اﻻ مانوريكم
*خشوا جري هما الزوز *
نزار شد سفيان من تيشرته وقاله : وانت يلي ماتتحشمش اتكحل بدل ماتغض البصر
حاتم : استهدي ب**** يانزار
سفيان : ماشفتلهمش انا
نزار : اماﻻ وين كنت اتشوف
سفيان : راسي داخ فجاة فقمت راسي من غير قصد
حاتم : تي ارخيه يانزار ماكانش يكحل
*طلقه نزار مع شبحة نص نص *
سفيان : هيا ياجماعة خﻻص اللي جينا ع خاطره تم
نزار : سامحنا ياسفيان ومنورين شباب *** يحفظكم وتو نديرلكم زيارة ان شاء **** وسلمونا عالقيافة
حاتم : يوصل …
*روحوا وخش نزار للحوش ولقي امه وراء الباب *
خ رقية : هدا شنو شن فيه يانزار
*حط نزار ايده ع كتف امه وخداها معاه وقاله : غير هدي اعصابك بس وتعالي نقعمزوا
جاته لبنى وامها : شنو فيه
نزار : عركة بين جماعتين فخشيت فيها
خ رقية : وﻻش خاش فيها مالك ومالهم
نزار : ماه جماعة نعرفها يمى شن بنخليهم بروحهم ماتجيش
خ رقية : معش تخش ف عرايك برا تحت الحيط وقول ياربي الستر
نزار : ان شاء **** …. وين الكلبات
خ رقية : منو
*وقف نزار وقال : الصوفة واختها
وخشلهم ف الدار :ﻻبدات واﻻه ياكلبة انتي وياها …
*قرب منهم وشدلهم ودانهم
صفاء : ب**** عليك ﻻ خﻻص و**** اخر مرة
مروة : سامحني سامحني و**** مانعاودها
نزار : ياكلبا انتي وياها لما تلقوا تريس واقفين ابتحترموا روحكم وتخشوا وماتطلعوش
صفاء : به به غبر ارخيلي ودني خﻻص
جتهم لبنى وشافتهم وقالت : خليهم يانزار حرام عليك
نزار : استني يالبنى … ومرة تانية ياانتي وياها لما بتركبو
ا فوق حطوا شاربة على شفاشيفكم
صفاء تبكي : و**** انخلعت عليك يانزار معش نندري حتى على روحي خيرك هكي …. شن توا قاصدة بنعاكس واﻻ شنو … خفت عليك بس يخي قريب طحت من فوق لما شفت الراجل بيضربك برصاص
سخف عليها نزار ورخالهم ودانهم وقالها : خﻻص اسكتي … باهي معش تبكي امسحي دموعك
قعمزت صفاء وهي حرجانة … وقعمزت بحداها مروة …
*طلع نزار من دار البنات ولحقاته لبنى وقتله : ماتحسش انت اه ماتحسش
نزار : عﻻش مانحسش شن درتيني طرف اسفنجة واﻻ كيف
لبنى : حد يضرب خواته
نزار :ماضربتهمش انا
لبنى :وجعتهم … انت ديما هكي تتصرف وماتحس بحد … اللي فراسك اديره … مايهمكش اللي حواليك … مايهمك شي
نزار : تي خيرك انتي ؟؟ شن درنا باه عاجبك التريس يتفرجوا عليهم وهما مش متحجبات كان ماغرتش على خواتي على من بنغار
لبنى : شوف خليتهم يبكوا
نزار : ﻻ اله اﻻ **** نبكيهم ونرضيهم انمون عليهم ويمونوا عليا
لبنى : به به معناها اطلعي منها يالبنى
نزار : تصرفاتك مش عاجبتني يالبنى راه شوفي روحك وزبطي امورك
لبنى : تصرفاتك انت اللي مش عاجبتني
نزار : شن درتلك انا … ب**** يالبنى اللي فيا كافيني ماتزيديهاش عليا
لبنى : ﻻ مش حنزيد عليك شي سليمتك
نزار : سلمك
مشي نزار لمربوعة خش وطربق الباب ….
{جابتهالي صفار هالبنى هادي … به صار اللي يبعت في المسجات الكفتة خلي نفتح نقالي بما ان الخطر اتنحى ….مصح وجهه الحقير… لكن و**** القيافة طلع راجل بكل معنى الكلمة … ايتقلت وقاعد يحمي فيا … }
*وبمجرد مافتح النقال جاه مسج
>>ديناري مات … جملة حيرددوها التجار في القريب العاجل …
{حسبي **** ونعم الوكيل … معناها هدا حد تاني ايهدد فيا … و**** درهولي كبدي …اه وخﻻص خلي انوض نشري الصابون }
*طلع نزار من الحوش وشري صابون وشري حافظات جيﻻتي نوع الكبير لكل شخص في الحوش كله كله بش يرضي خواته الزوز *
ساعة 7 بعد المغرب
{تي هياااا ياغدوش اهو المغرب وفات … مش معقولة بنقعد مطمور بحدا الارضي زي البدالة.. الصبر ياربي الصبر … }
*تررررن تررررن *
نزار : الووو
غادة : اهلين
نزار : عطلتي عليا عندك علم
غادة : هههه قلت اكيدة نيزوو يستنى فيا
نزار : به ومدامك عارفة ﻻش عطلتي
غادة : كانوا عندنا ضيوف
نزار : اي حق كيف حاله بوك
غادة : الحمد*** اليوم حاله احسن
نزار : الحمد *** … نقولك حاجة
غادة : قول
نزار : لكن ماتضحكيش عليا
غادة : اممم ﻻﻻ مش حنضحك
نزار : مانعرفش كيف بنقولهم هالكلمات … لكن بنقول وخﻻص … اكيد تعرفي انك اول بنت كلمتها وان حياتي كانت جافة بكل معنى الكلمة … والحق احلوت من قبل شهرين من وقت عرفتك اممم وليتي هكي تعنيلي حاجة … نفكر فيك في كل وقت وماتزعليش مني نشتاحش فيك في كل وقت ونتمنى تهدرزي معاي كل الوقت
غادة : و**** مش عارفة شن بنرد عليك
نزار : انا قلتلك شن انحس وشن فيه فبالي …وانتي عارف فيه كﻻم فبالك بس ماتبيش تتكلمي
غادة : اممم تبي الحق ايه
نزار : هههه زابطك … خﻻص مش حنضغط عليك حيجي يوم و تتكلمي بروحك بروحك
غادة : نيزوو نيزوو بابا جي تو نكلمك غدوة في الظهرية
نزار : مازال ماشبعتش منك
غادة : ماه و**** جي معش نقدر نتكلم
نزار : به اسمعي غدوة نستناك مع ساعة 11 جنب السوق باهي
غادة : باهي باي باي …
نزار : باي .
{ماتهنيتش بمكالمتي معاها دقيقة دقيقتين على تﻻتة ايام
شن يصبرني تو هي …وفوق منها مليت من قعدت الحوش مليييت … استاحشت ايام المغامرات والمهمات والجو …ان شاء **** يردوا عليا الشركة بالموافقة …خلي انوض نمشي للقيافة نهدرز معاه ونشكره على وقفته معاي }
*بدل نزار حوايجه وطلع ماشي للقيافة
صﻻح : مهما كان مانضغطش عليه بش يرجع يشتغل عندي واﻻ يشتغل عندك هدا قراره خﻻص
العارف (شخص خمسيني واصل في الدولة) : اغصب عليه يالقيافة
صﻻح : تي شن نغصب عليه تحسابه اصغير
العارف : الكﻻم هدا كله مايهمنيش
اللي ايهمني الديناري متاعك ايولي
صﻻح : الراجل ولى نظيف خليه فحاله
العارف : نظيف ؟؟؟ تلفون واحد مني بس وتشوف النظافة كيف شكلها …
صﻻح : ب**** عليك يالعارف خليه فحاله … و**** الولد هدا اكثر شخص انعزه سبحان **** هكي مش عارف عﻻش … لكن مدايره زي ولدي
العارف : تي وينهم الوﻻد اللي عندك بش حتى اتقول زي ولدي
صﻻح : عارف ماعنديش وﻻد عارف . .. بس هدا اللي انحس بيه
العارف : يرجع يشتغل عندك مليت من اﻻغبياء اللي حاطهم تحتك … كل مرة نقول اهو القيافة تو ينظم الموضوع … انمد فيك باسامي العصابات و وين ايدسوا ف بضاعتهم وانت تبعت اﻻغبياء متاعك ويفسد الموضوع
صﻻح : خﻻص تو فيه شاب جديد جاي بالك يطلع دكي
العارف : كلمة ووقلتها يايرجع عندك ياتلفون واحد مني ويجو ايطبوه
صﻻح : اتهدد فيا يالعارف
العارف : انت خليتنا نوصلوا لمواصيل مانبوهاش
صﻻح : اسمعني وكلمتين باهيات بنقولهم …. الولد مش حيرجع يشتغل تاني خليه فحاله… وانا حنتكفل بالموضوع …
العارف : به به يالقيافة
عالعملية الجاية اللي بديرها لو نجحت واتبتت ان اﻻغبياء اللي تحتك امورهم طيبة تمام حنخليه الديناري فحاله ابتفشل بتطلع منها يالقيافة حنبعت رجالة لحوشه… يطبوه من غادي وبيبدى يشتغل اجبااااري ..
هاه شن قولك
صﻻح : باهي به
* وصل نزار درس سيارته ونزل وخش عالقيافة … العارف عاطي بظهر … قام راسه صﻻح وشاف نزار واشرله بعيونه >_ > امشي امشي
نزار
صﻻح
نزار : ~_~
العارف : خيرك ترقص ف عيونك وحزاجبك اتقول صاكك ضي
*وكيف بيتلفت العارف لبد نزار *
صﻻح : عيوني وجعوني قعدت نفتح ونسكر فيهم
العارف : باهي انا ماشي توا … المهمة متاعي نبيها اتم بشكل كويس وانت ماﻻهي غير ف مهامك بس
صﻻح : ان شاء **** ان شاء ****
العارف : هي خلي نمشي توا عندي ماندير
صﻻح : تفضل تفضل
*طلع العارف … وبعد مامشي خش نزار ل صﻻح *
نزار : السﻻاااااام عليكمممم
وقف صﻻح وتقدم جيهة نزار وسلم عليه بحرارة وقاله : زارتنا البركة ياودي نورتنا و****
نزار : النور نورك ياطيب
صﻻح : و**** واخد على خاطري منك هلبا
نزار : عﻻش
صﻻح : قعمز قعمز
نزار : وهادي تقعميزة
صﻻح : تي وين ﻻ اتجي وﻻ تسلم وﻻ تكلم وﻻ اتقول خلي نسئل عالقيافة شن مداير شي شي فايتنا
نزار : هههه و**** كل يوم بنقول بنجي ومايسخرش ***
صﻻح : كل شي بتساخير
نزار : وبجد مشكور عالمعروف اللي درتهولي اليوم مش حننساه بكل
صﻻح : العشرة ماتهونش اﻻ على وﻻد الحرام صح واﻻ ﻻ
نزار : صح وصح الصح … فهمني شن قصة الراجل والغمزات
صﻻح : ايه شن جو حياتك الجديدة وشن مداير فيها
نزار : اهو قدمت في شركة اجنبية ودرت مقابلة عمل واهو نستنى
صﻻح : اها موفق
نزار : شن قصة الراجل
صﻻح : ايه شن جو العويلة
نزار : كويسين بخير …خيره الراجل
صﻻح : صار امورك طيبة
نزار : خيرك تتجاهل ف سؤالي
صﻻح : ماﻻخير ماﻻخير عندك مهمة غدوة
نزار …
كيف بتكون ردة فعل نزار ؟؟ وهل حيوافق او ﻻ هدا شنووو اللي حنعرفوه ف الجزء القادم …
يتبع ..
الجزء التاسع من رواية عاصفة الصمت
صﻻح : ماﻻخير ماﻻخير عندك مهمة غدوةنزار :
*وقف نزار من شدة صدمة الخبر وقال : شنووو استقلنا مهام شنو هادوا
صﻻح : غير قعمز
نزار : توا كنت نقولك *** انولي نظيف وبنتأقلم فحياتي الجديدة
فجاة اتقولي مهمة
صﻻح : عارف عارف لكن افهمني انا مانبيش نكون معاك وسخ متع اللي نبيه بتنفدهولي ومن غير كﻻم اعتبره طلب
نزار : اطلب مني عيوني يالقيافة نعطيك شهادة ب**** انعزك وماتغلى عليك حاجة لكن الطلب هدا ﻻ
*طفى سيجارته صﻻح وحط ايده على دقنه بروس صوابعه ويفكر … به كيف ندير يا نزار كان بنقول مهددينك حتهرب وحيجيبوك يجيبوك وكان بنسايسك مش حتقتنع
{كنت نتمنى يقولي كﻻم غير هدا …انا معش *** نرجع للمهام *** نعيش حياتي زي الناس … زي الناس بس … مش طالب اكثر من هكي … وانت يالقيافة كنت نحسابك فاهمني بس طلعت مش فاهمني}
*صﻻح قاعد ايفكر (خخايف عليك يانزار العارف شخص ماعنداش رحمة فقلبه ومايهمه اﻻ نفسه لو طحت في ايده مش حتتهنى بحياتك بكل … )
نزار : تصبح على خير يا القيافة
صﻻح : هدا اخر كﻻم عندك
نزار : سامحني بجد مانقدرش
صﻻح : اجباري ياديناري اجباري
نزار : بتجبرني ؟؟؟
صﻻح : عهدك بيا انديرها ؟؟؟
نزار : اماﻻ شن جبره
صﻻح : شخص مافيش في قلبه رحمة… وماينقالاش ﻻ
نزار : من هوا هدا خلي نجبدله لسانه
صﻻح : اوتحساب لو انا نقدر حنتاخر في تنفيد الشي هدا ؟؟؟ بما ان انا ماقدرتش فافي اﻻكيد انت ماتقدرش
نزار : نقدر يالقيافة
صﻻح : تي قلنا شخص واصل بﻻ تسكير راس …
نزار : كيف ادير فيا هكي كيف وانت عارفني نبس اندير حياة جديدة
صﻻح : عارف
نزار : باهي يااستاد صﻻح عارف ومازال تتكلم عليا قدام الواصلين وبتبعتني
صﻻح : ماتكلمتش ومعش تدوي معاي بطريقة هادي احترم نفسك وماتنساش انا منو … انا لو انت مش هامني ماكنتش بعتت رجالتي اليوم
*مع خبطة صﻻح بايده عالطاولة وكمل كﻻمه واﻻ تحسابني بنرضى فيك…. ليه ساعة يهدد ويوعد فيا وانا نقوله فوته خليه فحاله قريب بستله ايده ع خاطرك وانت شوف شن اتقول ….
نزار : سامحني … سامحني يااستاد بس و**** كﻻمك عفلقتي الحق
صﻻح : كﻻمه ايعفلق اكتر … قال كان ماوﻻش يخدم زي قبل تلفون واحد مني ويولي مش نظيف بكل يعني يحبسوك
فتح نزار عيونه واندهش لهلكﻻم وقال : اياه
صﻻح : وطبعا بعد مايمرمطك ف الحبس سنة سنتين يطلعك و يخدمك عنده اجباري … شوف جوك كان خدمت عنده تحسابه زيني ﻻ ياغزيل يقتلك حتى القتل هدا
*خنقاته العبرة نزار وحس الدنيا لفت بيه فقعمز عالكرسي ويشوف ل الوطى *
صﻻح : بس اطمن انا ناقشته وقالي كلن نجحت المهمة الجاية حيفوت موضوعك ولهسبب انا طلبت منك اتنفدها
نزار : لهده الدرجة نعنيلك يااستاد صﻻح
صﻻح : عموما انا حناجلها العملية يومين تانيات لين تهدي نفسك وتتقبل هالمهمة
نزار : بس واعد العيلة نطلعهم للبحر
صﻻح : معليشي اجلها ومني ليهم شالي عالبحر صيفوا فيه سبوع بحاله
نزار : باهي يستر **** … شن هيا المهمة
صﻻح : شخص ملقب ب الميلن
الميلن : فيسع كل كشيكين في كيسة …
عماد : استادي … العامﻻت يبوا زيادة ف رواتبهم
الميلن : يبوا عينهم سادهم اللي ياخدوا فيه غدي وعشي مننا
عماد : اوكي . . غدوة ناجي بيجي كم نعطيه كيلو
الميلن : اعطيه 50 كيلو واقبض منه وقتي
عماد : تم
صﻻح : عنده مصنع حشيش
نزار : ﻻ عاد
صﻻح : ايه زي مانقولك تو
نزار : وشن تبيني ندير
صﻻح : واضحة العملية خطط على راحة راحتك بعد يومين التنفيذ
نزار : الصبر **** الصبر …. باهي خلي انروح توا وغدوة ماحد يدورني بنرفع العويلة يغيرو جو وبعد مانروح ساهل
صﻻح : تي خليهم السبوع الجاي
*سكت نزار يفكر في خواته كيف بيصير فيهم لو قالهم تأجلت وهما حاطين امالهم في الطلعة بش ايغيروا جو … ورد عليه : ﻻﻻ ضروري نطلع بيهم سادهم من غمة الحوش
صﻻح : به دير رايك وبما انك مصرر خليه بعد تﻻتة ايام التنفيد …
نزار : يستر **** خلي انروح توا غمتلي رسمي
صﻻح : تفضل ..
نزار : سﻻم …
*وقف ومطلع من مستودع القيافة وراسه يلعب خماس سداس ف الموضوع ولع سيارته ومروح *
{خلي نخطم على الجزار ناخد كيلوين لحم وعوالة الزردة و**** اتنحت بنتها حسني بناجلها وخﻻص انروح للحوش وخﻻص }
صفاء : نزار من بكري اﻻرضي يشرين وقت نرد الراجل يسكر ههههه شوره يتحشم يتكلم
نزار : استغفر **** العلي العظيم
صفاء : خيرك و**** ماقلت اكثر من كلمة الو
نزار : عارف عارف متكنطي بس … ماحد يجيني ف المربوعة واسمعي ماصارش من الزردة
صفاء : عﻻش نزار
نزار : هكي وخﻻص
صفاء : ب**** عليك
نزار : اخ اخ اخ غير بري توا ياصفاء يستر ****
{الصبررررر خيرها هكي اتشكبنت ف بعضها ياريتني ماطلعت ماتوقعتش غادة تتصل **** ان شاء **** تتصل بيا .. }
صفاء : راهو ماصارش من الزردة ..
لبنى : احسن
مروة : عﻻش
صفاء : مانعرفش شوره متكنطي من حاجة
لبنى : هه شورهم متعاركين
مروة : من هما
لبنى : حد حد
صفاء : بري كلميه لبنى يسمع كﻻمك
لبنى : ﻻ مش ماشية
مروة : خخيرك وليتس منكدية قبل اتحبي موضوع فيه نزار
صفاء : ايه حتى انا ﻻحظتها
مروة : معش اتحبيه واﻻ شنو ؟؟
لبنى : خوكم ايكلم في واحدة في تلفون وباين عليه ايحبها
صفاء : اياح ؟؟
مروة : بجديات
لبنى : سمعته هداك النهار ايكلم فيها ويتغزل فيها
صفاء : وانتي يامسكسكة بتخليهولها واﻻه
لبنى : شن بنقوله نبيك
مروة : بري ديري جهدك امشي الوﻻد ايكلموا 100 وياخدوا واحدة
صفاء : ايه ماتستسلميش بريله امشي
لبنى : ﻻﻻ مانحبش هكي مدامه مش شايفني خﻻص … براحته
غادة : نزار مايردش ياحنين
حنين : عﻻش
غادة : مش عارفة اترد عليا اخته
حنين : ها معناها مش في الحوش
غادة :امبكري قالي استحشتك ونفكر فيك في كل وقت
حنين : حبك قصدك ؟؟
غادة : هكي انحس …
حنين : وانتي ؟؟
غادة : تعلقت بيه وحبيته … حبيته من قلبي يا حنين برغم ان شهرين نعرفوا بعض …
حنين : صارحيه … خير مايطفش منك
غادة : الحق مش قادرة اندسها اكثر من هكي…*** نقوله بس مش قادرة ..ﻻزم هوا ايقول
حنين : تي عادي قوليله ياغبية تعرفي انا حسن قتله انحبك ياحسن
غادة : بجديات وشن قالك
حنين : قالي و**** انت جريئة وانا انحب البنت اللي هكي وطار بيا طيران
غادة : ههههه و**** حسك شيشتيني بري بري خلي نتصل بيه
حنين : به تمام
(طبعا هدا حب ايام قبل كان صادق نوعا ما… مش زي توا الشباب اﻻغلبية يلعبوا عالبنات والعكس صحيح )
*تررررن تررررن *
نزار : ياالووو
غادة : اهلين نيزوو
نزار : اهلين بيك يانور العين
غادة : انا نور العين
نزار : انتي العين ونورها انتي السؤال الصعب وانتي حله انتي الورد وانتي عطره
غادة : كﻻمك عسل
نزار : العسل للعسل و**** ماتعرفيش قداش اتكنطيت لما روحت وقالولي التلفون يشرين … حسيت الدنيا ظلمت عليا …
غادة : من مكالمة امبكري وانا نفكر فيك وفي كﻻمك اللي قلته … نزار انا … انا
نزار : ايه انتي شنو
غادة :اللي عاجبني فيك … شخصيتك وكﻻمك الحلو واهتمامك بيا … وخوفك عليا … انا …
نزار : انتي شنوووو
غادة : انا نفرح لما نكلمك ونفرح لما نكون معاك *** ايخليك ليا نيزوو
نزار : ويخليك ليا سنفورتي … انتي فرحتي في هالدنيا … اسمعي غدوة ضروري نقابلك
غادة : به خﻻص ساعة 11:30 نمشي لسوق
نزار : به تمام نستناك غادي
غادة : يﻻ نيزووو توا ﻻزم انسكر
نزار : غدوش
غادة : نعم
نزار : انحبك …سﻻم
غادة : حتى انا
نزار : بجديات … بجديات غادة ؟؟؟ تكلمي … غادة
*توووت توووت توووت من الحشمة سكرت الخط *
{ياحليلي ياحليلي اتحبني هههه اقريب نرقص على راس الشارع .. احسن شي نتصل بالقيافة نخليه يأجل موضوع المهمة حتى اسبوع القدام على اﻻقل نتنفس }
نزار : الو … قيافة شن الاخبار … ﻻ باهي … شن بنقولك . .. نحتاج سبوع القدام هكي … ايه ماعملية زي هادي تحتاج تكتيك عالي المستوى … بزبط بزبط ايواااه وماتنساش اكيييد عنده حراسة هلبا … ايه فلهدا ﻻزم ناخدوا وقت هكي …
صﻻح : امممم اقنعتني لكن مرفوض
عﻻش انقولك عﻻش لان انا اقتنعت العارف مش حيقتنع … قدامك اربعة ايام كحد اقصى
نزار : باهي اوكي هي سﻻم
صﻻح : سﻻمات
*طق طق طق *
نزار : خشي
*خشت لبنى وجايبة معاها طاسة شاهي كاكاوية *
نزار : ضرس لبني
لبنى : شن الجو
نزار : اهو ماشية
لبنى : هاك جايبتلك شاهي بالكاكاوية
نزار : اووو و**** جت ف وقتها
لبنى : صحتين عليك
نزار : ايسلمك
لبنى : نزار … البنات خاطرهم في المشية لصبراتة … وحتى انا خاطري فيها المشية
نزار : باهي تم غدوة بعد الظهر نرفعكم
لبنى : باه
نزار : خيرك قاعدة منكدة … احكيلي شن فيه …
لبنى : ﻻ شي هكي وخﻻص
نزار : خاطرك في حاجة … قولي عادي نجيبهالك مهما يكون حقها
لبنى : ﻻﻻ
نزار : و**** بجد ادللي ياضرس لبني …
لبنى : اصﻻ اللي نبيه صعب اتجيبهولي
نزار : عيب عاد … بش قتلك مهما يكون حقه …
*هبت نسمة ريح على شعر لبنى ونزلت خصلتها على عينها فمد ايده نزار وبروس صوابعه نحاله الخصلة من على عينها ..جتها قشعريرة لبنى و شبحت في عيونه ونزلت راسها *
نزار : به ﻻش نظرة الحزن هادي … قوليلي هي شن تبي وانا حاضر
لبنى : قتلك اللي نبيه صعب انك اتجيبه … شئ خاص ماينحابش غصب …. ينجاب بطيب وطيبة الخاطر
نزار : اممم حيرتيني … تكلمي بدون الغاز
لبنى : مانقدرش
نزار : به وقت تقدري قوليلي وحتلقيني جاهز لاي طلب تطلبيه
لبنى : ان شاء ****
نزار : عموما قوليلهم غدوة صار ان شاء **** واكتبولي ورقة شن تبوا انجيبلكم من السوق باهي
لبنى : به
*لبنى تسحن حبيبها جنبها وقلبه لواحدة تانية … اللي تمناته من كان عمرها 15 العام وحباته حب كبير في النهاية مش ليها … اي تصرف منه او كلمة او نظرة كانت اتفسرها انه يبيها … واي حاجة تطلبها منه يديرها … هدا وين اكتشفت ان نزار هكي طبعه طيب وايحب ايشوف الكل فرحان … ومن كثر السحن لبنى بدت تبكي *
نزار : لبنى لبنى عﻻش تبكي ؟؟ يالبنى كلميني …
*قاملها راسها وكان راسها بين ايديه بتمام … *
نزار : لبنى … خيرك رردي …
*فلتت راسها لبنى من يدين نزار وارتمت على المندار تبكي *
ياصفااااء صفااااااااء
صفاء : نعم نعم
نزار : تعالي فيسع لبنى تبكي
صفاء : خيرها
نزار : مش عارف
صفاء : به نوض انت يانزار نوض تو نعرف خيرها
نزار : به به …هي
*طلع وسكر الباب بعدين فتحه وقال : بالك مريضة نرفعها نعاينها
صفاء : غير استنى يانزار خلي نعرف خيرها
نزار : به به
*طلع وسكر باب المربوعة … لبنى اضبططت صفاء وقتلها : انحبه ياصفاء انحبه … كل حاجة فيه تخليني نحبه اكثر واكثر … عﻻش مش شايفني يا صفاء عﻻش و**** بنموت
صفاء : غير هدي بالك وامسحي دموعك يالبنى معليشي
*قعمزت لبنى وهي ﻻزالت تبكي وقالت : به خيرني انا مش بنت ؟؟ ماننحبش ماننشافش ؟؟ اهو شعري طويل وقنينة ؟؟؟ واﻻ واﻻ شينة انا ياضفاء ب**** قوليلي و**** بنمزت راني بنموووووت
صفاء : القلب ومايريد … ماتقدريش تجبريه على حبك وحتى او صارحتيه ثقي وتاكدي انه حيغير معاملته معاك ويبدى يتحاشى فيك
لبنى : مقهورة يا صفاء مقهورة في كل لحظة نتمناه ليا يكون بحداي ياربي بنهبل و**** بنهببببلللل
صفاء : امسحي دموعك فيسع اكيدة ماشي بيقول ل امك لبنى تبكي
لبنى : اه ياقلبي اه يصبرني **** وخﻻص ومشكلة معاملته … معاملته ياناس ايعاملك اتقول اميرة تي كان مافيش حب ويعامل هكي اماﻻ بالحب كيف ووووووه عليا وووه
*خشت عليهم خ سميرة و خ رقبة ومروة
خ سميرة : شن فيه خيرك لبنى بنيتي
لبنى : سن العقل توجع فيا مبهدلتني
خ سميرة : خلعتينا عليك جانا نزار يفرفش يحساب اشبح شن فيه
*بدت لبنى تبكي تاني *
خ رقية : امسحي دميعاتك … بري يامروة جيبيلها قرنفل فيسع
مروة : هي
نزار مقعمز وسط الحوش خطمت مروة فقالها : مروة مؤوة …خيرها لبنى
مروة : سن العقل توجع فيها
نزار : ها به …
*والتم الموضوع وتعشوا وفاتت الليلة على خير والكل رقد اﻻ شخصين… نيزووو فرحان ب ان غادة بادلاته الشعور … ولبنى تبكي ﻻن نزار مش مبادلها الشعور *
ثاني يوم …. الساعة 11 صباحا ..
نزار شري كل اللي مكتوب في الورقة وحطهم في سيارة وقعد يستنى في غادة
غادة : وشن تبي تاني ماما
امها : هوا هدا وراك تنسي الملح
غادة : به انا ماشية
امها : ماتعطليش
غادة : ان شاء ****… باي
*نزلت من الدروج وهيا فرحانة قريب بطير انها حتشوف نزار وتعترت ف اخر درجة وطلعت ع الشارع مندفعة بدون قصد وانضربت في حاتم*
حاتم : تي بشوية
غادة : عترت ف الدروج
حاتم : ووين ماشية مشيكة وﻻبسة هكي
غادة : ماشية السوق
*سرح حاتم للحظات في غادة و برائتها … وقعد يفكر … ياحليلي ياغادة امتى بنسكر عليك حوش ونتهنى بيك *
حاتم : تي تعالي وين ماشية
غادة : بش قتلك لسوق …
حاتم : ماسمعتكش
غادة : انت امبلم تشبحلي وخﻻص
حاتم : نسايرك
غادة : السوق مش بعيد مانحتاجش مسايرة
حاتم : به به ماتعطليش
يفكر حااتم … هادي شن عندها ف سوق … شوي شوي سوق … ﻻقية ماعندهاش خوت وﻻد يحكموا والبو شيباني … ﻻﻻﻻ يا حاتم ﻻزم تعرف شن الموضوع …بالك فيه حاجة هكي واﻻ هكي
* مشت غادة دبة دبة وحاتم يلحق فيها لييين وصلت السوق *
#اه شن يدير الديناري اهنا …. وعﻻش غادة ماشية وكانها ماشيتله وعﻻش الديناري يبتسم فيه ان و**** كان بتوقف عليه انوريهم النجوم في عز الظهر #
نزار ل غادة : و**** كلتني الشمس وانا نستنى فيك سنفورتي …
غادة : هههه اللي يبي الورد يتحمل شوكه
*وفجأة يطب عليهم حاتم *
يتبع……..
الجزء العاشر من رواية عاصفة الصمت
نزار ل غادة : و**** كلتني الشمس وانا نستنى فيك سنفورتي …غادة : هههه اللي يبي الورد يتحمل شوكه
*وفجأة يطب عليهم حاتم *
حاتم : ماشاء ****
* تلفتت غادة وشافت حاتم وخافت ونزار انصدم *
نزار : ماتفهمنيش غلط ياحاتم … نيتي صافية وشريفة و****
حاتم : روحي ياكلبة فيسع
نزار : ستني غادة ..
*وقفت غادة مكانها
تلفت نزار ل حاتم وقاله : معش تقولها كلبة
حاتم : دخلك انت
*بيمد ايده حاتم بيضرب غادة فشدله نزار ايده وعوجهاله وقاله : بتضربها قدامي
حاتم يكشخ : تي دايرة الغلط وتبيني نضحكلها
نزار : ماغلطتش …. تي قتلك نبيها بالحﻻل ومستعد من اللحظة هادي نبعت اماليا
حاتم : ماعندناش بنات لجواز … تي روحي و**** اﻻ مانقتلك غير اصبري بس خلي ناخد حقي منه هدا
*شد نزار حاتم من سوريته
وقاله : وحق **** ومن طاف ببيت **** اتمسها واﻻ اتمس شعرة من راسها مامظل اﻻ قاتلك قتل… و*** و*** ياحاتم حتى انكان قضيت عمري كله في الحبس وانت تعرف الديناري انديرها عادي
*خاف حاتم طبعا تعرفوه فار … وقال : ارخيني ارخيني ياديناري
نزار : البنت هادي ليا … فاهم ليا انا
حاتم : تي انت بنتجوزها مامسكر عليها حد باب غيري
اغتاظ نزار وضرب حاتم بونية وقال : افهم الكﻻم ليا انا ماتكترش الرغوة….لو انك تبيها كنت خديتها واﻻ خطبتها من بوها من قبل
حاتم : اتمد ايدك عليا يانزار
نزار : ونقتلك لو قربت منها … وجرب ودير الوعارة وبرا لبوها وقول نبيها حنخليك ف جحيم اكحل تتمنى امك ماولداتكش بكل
حاتم : روحي ياغادة
*مشت غادة وحاتم ضرب نزار بونية ف بطنها… وولوا زي الفار والقطوس هدا يضرب وهدا ينتش وصارت عركة طبعا اغلب ضربات حاتم ف الهواء ﻻن نزار يخوا فيهم*
نزار : تركب تنزل اتجنح غادة ليا … وانت عارف الديناري
حاتم : كان نقوللها ع خدمتك تو اتعيفك
نزار : من منطلق ﻻ ناخدها وﻻ تاخدها واﻻه
حاتم : سميه كيف ماتبي تسميه حنقوللها
نزار : تي باه حتى ولو …ماعمريش حطيته ف فمي بعكسك انت خليني ساكت …. واهو قتلك بتضربها البنت واﻻ بتقول ل امها وبوها حسابك عندي نقطعك بطرف وانت حي
حاتم : تي باهي ياديناري
نزار : وماتفكرش تبعتلي حد يقتلني اهو قتلك حنكتب ورقة لو صارتلي اي حاجة فحاتم هوا المسؤل
حاتم : فهمنا
نزار : خﻻص روح… نزعتنا النهار **** ﻻ تربحك
ام غادة : خيرك روحتي
غادة : السوق مسكر … قلت شوي تاني ونمشيله
*روح حاتم مكمود من اللي شافه وصل الحوش غير رايه ومشي للقيافة وقعد عنده *
*نزار روح للحوش ويستنى ف اتصال من غادة قاعد ع اعصابه *
ترررررن
نزار : الووو ….الووو
غادة : الووو
نزار : شن دار فيك ضربك
قولي الو غادة
غادة : ﻻﻻ ماضربنيش وماروحش للحوش بكل
نزار : باهي الحمد***
غادة : اتهبل يانزار كيف ادافع عليا … من اﻻول خفت بعدين حسيت بالأمان
نزار : انتي اللي اتهبلي و**** مانتحمل فيك حاجة …
غادة : وﻻ انا
نزار : اسمعي توا بنكلم اماليا و نجوا نخطبوا
غادة : ياريت بس عارفة ماما مش حتوافق
نزار : عﻻش
غادة : ﻻن عمري 16 العام و قريب امتحانات الشهادة
نزار : اه كاسبة سنة
غادة : ايه
نزار : اممم به انتي شنو موافقة
غادة : و**** نتمنى اليوم قبل غدوة … لكن صدقنيي بخطوبتك انحس فيها مش حتخليني نطلع زي قبل
نزار : به انقولك … نعطي فيك كلمة لين تطلعي من الثانوي شن رايك
غادة : به موافقة
نزار : امتى نقدر انجيكم
غادة : امتى ماتبي
نزار : كانك عليا مدابيا من توا
غادة : هههههه
نزار : اممم به غدوة الصبح نبعت امي وخالتي باهي
غادة : هههه باه.. نيزووو بابا جي باي باي
نزار : باي عسولتي
حاتم : صار مزال ملحقنا الديناري
القيافة : بينفذ هالعملية زي ماقتلك
حاتم : كبدي عليه دم دم يااستاد صﻻح
القيافة : شن دارلك
حاتم : دار اكبر غلطة في حياته مستهين بيا ومش معبرني وﻻ حاسبلي حساب
صﻻح : اممم باين عليك شايل منه
حاتم : هلبا مش شوية
صﻻح : تو تتراضو الديناري قلبه طيب
حاتم يتمتم : نتراضى معاه في كل شي اﻻ هادي كان ماقلبتهاش على راسه مانتسماش حاتم
صﻻح : شن ااتقول مانسمعش فيك
حاتم : ﻻﻻ شي … من وراه التنفيذ هدا
صﻻح : شن تبي فيه انت ؟؟
حاتم : ﻻ هكي فضول بس
صﻻح : مش ﻻزمك تعرف … نوض نوض روح انا طالع لمكان
حاتم : باهي به
* طلع حاتم وهوا يفكر كيف بيوقع نزار في عملة مقومة …. *
نزار : كيف حال سنك اليوم
لبنى : الحمد*** باهية
نزار : شنو اتبلي في اللحم
لبنى : ايه طريقة جديدة خديتها من اسامة السيد
نزار : ماتقوليليش اللباز متع ام بي سي
لبنى : ههههه ايه
نزار : ياوخيتي عااضرس اللبني اللي يضحك ….
خ رقية : نزار نسيت المشروب
نزار : باهي تو نجيب يمى نبيك في موضوع
خ رقية : اه قول
نزار : تعالي نقعمزوا وسط الحوش
خ رقية : به هي
نزار : ضرسي ديرينا شاهي تربحي لبنى : باه
خ رقية : اهو قعمزنا شغلتني شن فيه
نزار : هدا احم هدا … *** نخطب
خ رقية : و**** هادي الساعة المبروكة
نزار : ههههه
*لبنى كيف طالعة من المطبخ جايبة الشاهي *
خ رقية : ومن هياا هادي اللي تبيني نخطبهالك عيلة منو
نزار : عيلة فﻻن
*وتسمع هالكلمات واطيح منها لبنى السفرة اللي فيها الشاهي *
نزار : سمله
خ رقية : خيرك يالبنى
*لبنى بين خنقة العبرة وبين شدة الصدمة وبين الصفرة اللي طاحت قالت : شي غير دخت بس ياخالتي
خ رقية : به خليهم تو اتجي مروة اديره … بري اتكي امشي ….يامرررروة مررروة
مروة : نعم يمى …
خ رقية : زودي فيسع خودي نشافة ونشفي الشاهي
مروة : من صبه اهنا
خ رقية : لبنى داخت وطاح منها
مروة : ها به دقيقة بس
لبنى واقفة في المطبخ وتبكي وقريب تاكل صبعها من الغيض
مروة : خيرك لبنى
لبنى : بيخطب يامروة بيخطب
مروة : منو ؟؟؟ نزار ؟؟؟ تتسهوكي
لبنى : وهيا فيها تسهويك هادي
مروة : امسحي دموعك وبري لدار مابين نشفت الشاهي وجيتك تو نهدرزوا
لبنى : باهي به
* مسحت دموعها ومشت لدار تبكي وتغرد *
نزار : خالتي سميرة تعالي قعمزي فيه موضوع
خ سميرة : اه ان شاء **** خير
نزار : اهو تو اتفهمك امي على كل شي … غدوة يمى باهي عالصبح قبل مانمشوا لصبراتة
خ رقية : باهي به
نزار : هي انا طالع توا
خ رقية : فمان ****
حاتم : يامرت عمي اتوقعي اﻻيام الجاية ايجوا ناس يخطبوا غادة ..
امها (عايشة) : ﻻ خطاب وﻻ واحدة بنتي مازال صغيرة نبيها اتكمل قرايتها وتطلع محامية
حاتم : اها به مليح … ومعش تخليها تطلع هلبا هلبا خﻻص كبرت
عايشة : عﻻش شن شايف عليها
حاتم : اح ﻻ مش شايف عليها شي لكن معاكسات وشباب واقفين بس
عايشة : ها باهي يستر ****
..وهكي ياحاتم جسيت نبض مرت العم بش يرتاح خاطرك … ايوه ﻻ جواز وﻻ واحدة خليك هكي ياديناري مازال مازالماريت شي … حتى النظافة اللي تبيها تو نخليهالك مستنقع بضفادع متعه غير اصبر بس ….
ساعة 8 مساء ….
حنين : فهميني والقراية كيف يصير فيها ليك اسبوع غايبة بسبلة بوك مريض واﻻمتحانات عالابواب
غادة : يستر **** المهم توا خطوبتي مع نوار
حنين : امتحانات قريب وتفكر في الخطوبة
غادة : انا *** نكون مع نزار وبس ﻻ انفكر في قراية ﻻ علقم
حنين : وامك ؟؟؟
غادة : خيرها
حنين : بتوافق ؟؟
غادة : مانعرفش بزبط انحس فيها ﻻ تبيني نكمل قرايتي ونخش جامعة
حنين : تي اماﻻ ﻻش مخليا الولد يجي وبيخطب
غادة : تو بش قتلك امبكري بيعطي كلمة خيرك مش مركزة معاي
حنين : امممم باه نشوفوا اخرتها معاكم انتو الزوز … هيا صوت سيارة بابا جي … نتﻻقوا غدوة
غادة : اوكي به باي
صفاء : يالبنى ماديريش في روحك هكي نوضي كولي لقمة
لبنى : مانبيش مش خاطري
مروة : باهي شن بديري بتقعدي هكي من غير ماكلة اضري روحك راهو
لبنى : ان شاء **** انموت
صفاء : حرام معش اتقولي هكي..
لبنى : اصﻻ انا ميتة من غير نزار … انا جسد بﻻ روح … نزار روحي
صفاء : نوضي نوضي هيا عايشة حياتها وفرحانة وانتي مخليا روحك منكدة … انسيه نزار … ابدي صفحة جديدة مع نفسك وشوي شوي تو تلقي الحب اللي يعوضك عن كل لحظة
لبنى : مش متخيلة روحي من غير نزار …. 9 سنين حب من طرف واحد وتوا يصير هكي
طق طق طق
صفاء : ادخل
نزار : شفشات شن اديرو
مروة : شي مكسدات
نزار : ﻻﻻﻻ باين عليكم اتخططوا في مخطط شرير باين من عيونكم خصوصا ضرس لبني ههههه
صفاء : هههه فرقت حالنا اما مخططات هادي
نزار : اممم به نوضوا هي جبتلكم حاجة حتفرحكم ماﻻخير
صفاء : شن جبتنا
نزار : نوضوا هيا
* ناضوا صفاء ومروة وقفوا قدام الباب اﻻ لبنى *
نزار : ضرس لبني هيا نوضي فيسع مدايرلكم مفجاة
لبنى : باهي تو انجي
نزار : ﻻﻻ نوضي توا
* وتقدم نزار وشدها من ايدها ويجبد فيها ويقول : هياااا يالبنة
لبنى كشخت عليه : خليني ! ارخيني مانبي انشوف شي
* مروة وصفاء فتحوا عيونهم عﻻخير من ردة فعل لبنى …
انصدم نزار من كﻻمها كيف نطت فيه هكي بطريقة هادي . . فقالها : به اسف …
وطلع وسكر الباب …
نزار : استغفر **** العلي العظيم
هي تعالوا معاي
مروة و صفاء : هي
* خداهم نزار للمربوعة ولقوا فيها قفاطين مناسبات 6 قفاطين بكنادرهم و اكسسوراتهم …
نزار : هادو ليك ياصفاء … وهادو ليك يامروة .. وهادو لهديكا
مروة : مش معقولة
صفاء : رووووعة نزار مش عاديااات
نزار : عجبوكم
صفاء : هلباااااا شكرا نيزو
نزار : العفو
مروة : هادو قفاطين لبنى
نزار : ايه … اتفكرت وانا مروح قلت يبوا قفاطين لعرس بنت حليمة فمشيت وشريتهم
صفاء : خلي نمشي انقيس
مروة : حتى انا
* قاموا قفاطينهم وحاجات لبنة ومشوا خشوا لدار *
مروة : و**** حمارة هي باهي … كيف اتكشخي عليه هكي
لبنى تبكي : ب**** ماتزيدينيش من بكري نبكي على اللقطة ماندريش على روحي
صفاء : ماك حمارة و**** صدقت مروة شوفي شن جايبلك قفاطين حلوات بكنادرهم … درتيله نفس اللقطة متع قبل 7 سنين
صفاء : ايه متع البنبلة
لبنى : ووووه عليا و**** انا غبية
صفاء : غبية حق بدل ماتجبديه ليك وتثقولي كﻻم معسول… اتكشخي عليه تحسابيه صغير
مروة : شيباني راه 32 عام مش شوية و**** وجعني الحق
صفاء : نوضي راضيه نوضي
لبنى : صعب
صفاء : مش صعب
مروة : نووووضي
*وبينما صفاء ومروة يقنعوا في لبنى انها تمشي تصالح نزار *
ترررررن تررن
نزار : ياالو
غادة : اهلين نيزووو
نزار : هﻻ بيك ياعيون نيزووو … توا كيف كنت انفكر فيك
غادة : هههه القلوب عند بعضها
نزار : حق ماكالمكش حاتم
غادة : ابدا
نزار : باه تمام اسمعي غدوة حاولي اتجي بحدا السوق مع ساعة 11 ضروري جدا بنعطيك حاجة
غادة : ان شاء **** به حنحاول
يﻻ توا ﻻزم انسكر
نزار : خليك شوية ياروحي
غادة : ماه مانقدرش بابا خش الحمام فقلت نكلمك نسمع صوتك ﻻني استحشتك هلبا يانيزو
نزار : ياحليلي من اللي مستاحشني حتى انا مستاحشك
*جت لبنى وطقطقت عالباب طق طق طق *
نزار : شوية بس
غادة : من جاك
نزار : اكيدة واحدة من خواتي
غادة : بالك بنت خالتك اللي حكيتلي عليها بداية تعارفنا
نزار : ايه مرات
غادة : تهدرز معاها
نزار : ايه عادي لبنى معتبرها زي صفاء ومروة اختي يعني
* وطاحوا هالكلمات في ودن لبنى وتألمت وتحسرت لنفسها *
غادة : اممبه يﻻ باي باي حبيبي
*توووت توووت تووت *
{اتهببببل قالت حبيبي محﻻهااااا كيف قالتها وووك عليا شعور ﻻ يوصف حسيت فلبي ايدق ف 200 خلي انشوف من كان ايطقطق }
*فتح نزار باب المربوعة ومالقي حد *
مروة : شن صار
لبنى : عنده مكالمة
مروة : اها
* يوم الخميس ساعة 10 صباحا مشي نزار لشارع المدار خدي نقال لغادة و حط شفرته الجديدة فيه ومع 11 كان قدام السوق … احتالت غادة على امها من هنا وهناك وطلعت لسوق *
غادة : صباح الخير
نزار : صباح الورد ياوردة .. كيف حالك
غادة : الحمد *** وانت
نزار : الحمد *** استاحشتك هلبا
غادة : حتى انا
نزار : مش حنعطل عليك خودي الكيسة هادي ﻻﻻﻻﻻ ماتفتحيهاش توا … بعد مانروح باهي
غادة : باه تمام
نزار : اهو توا بنروح و ناخد اماليا بش يعطوا فيك الكلمة ماتعطليش في السوق باهي
غادة : حاضر
نزار : ردي بالك ع روحك … سﻻم
غادة : سﻻم
*روح نزار للحوش *
نزار : ها شنو واتيين
خ سميرة : ايه واتية نلبس جبتي بس
خ رقية : وانا نلبس فريريشيتي وخﻻص واتية
نزار : اماﻻ هيا … وصفاء ومرة وضرس لبني وتوا رواحكم مع ساعة 12:30 بنطلعوا صبراتة
ضفاء : به
لبنى : مش ماشية انا
*اتفكر نزار موقف امس وكشر وقالها : براحتك يالبنى .
خ سميرة : راحت عينها شن بتقعد ف الحوش بروحها او … هدا ماناقص
نزار : اه نحسابك بتقعدي معاها
سميرة : ﻻ ياود خلوقي ضاسقات *** انشم هواء
نزار : اماﻻ قولها توتي روحها بنتك بﻻ تزعبين زايد
لبنى : مانيش ماشية مش بسيف
خ سميرة : سكري فمك هيا عاد بﻻ دلع ولد خالتك اكبر منك تحشمي اللطف
*ناضت لبنى وخشت لدار *
خ رقية : هيا هيا خلي نمشوا توا وبعدين ساهل اتقول هكي غير تلقى صفاء ومروة يوتوا فرواحهم تو اتنوض حتى هيا
* روحت غادة للحوش وفتحت الشكاؤة ولقت فيه باكو مرسوم عليه نقال فتحاته لقت رقم مسجل باسم حنين … بربشت لين اتصلت بيه
غادة : الو حنين
نزار : ههههه تي هدا انا اما حنين
غادة : ههههههههه و**** من الصدمة لين لخبطني نحسابه ايجي مسجل بارقام صحاب الشخص
نزار : ههههه مغباك يابنت … اسمعي انا توا جايينكم اهو كيف بنركب السيارة
غادة : تمام به
نزار : النقال دايرهولك صامت ماتبربشيشي هلبا بش معش تلغي الصامت وتنكشفي باهي
غادة : به
نزار : والباكو مزقيه طرف طرف وحطيه ف شكارة ولوحيه ف قعر الكناسة حشاك
غادة : لهدرجة تخاف عليا نيزو
نزار : كان ماخفتش على سنفورتي عسولتي على من بنخاف … يﻻ المهم سﻻم امي وخالتي جايين لسيارة
غادة : سﻻم
*بعد ربع ساعة وصل نزار قدام حوش غادة … ونزلوا رقية واختها وخشوا ….بعد كيف حالك والسﻻم وجو النساوين *
خ رقية : دلوني عليكم عويلة وجاية نخطب بنتكم لولدي احنا من عيلة فﻻن الفوﻻني
خ عايشة : اهلين بيكم … لكن و**** شن بنقولك بنتي صغيرة حتى التانوي ماكمﻻتاش
خ رقية : اي بتعطوا فيها كليمة لحين تطلع من المدرسة
خ عايشة : ﻻ نبيها اتكمل الجامعة الحق
خ سميرة : البنت ماليهاش اﻻ حةش راجبها واحنا جيناكم من الباب وولد اختي و**** مايتعيب ماشاء **** مهندس وبخديمته ومعيشه
خ رقية : وكان تبي نستنوها لين تطلع من الجامعة
خ عايشة : كم عمره
خ رقية : و**** ماعارفة الحق كم ياسميرة ؟؟
خ سميرة : تقريبا 31 يا 32 عام حاجة زي هكي ماتشديش عليا
خ عايشة : نعم ! كبير عليها هلبا فرق بينهم قريب 16 العام
.*غادة تتسنط عليهم وقريب اتموت من ردود امها *
خ سميرة : اللطف شن درتيه شيباني قاعد ف عز شبايه
خ رقية : باهي اماﻻ… نستادونك وخﻻص
خ عايشة : سامحوني
خ سميرة : الزواج قشمة ونصيب واحنا مابنجبروك علينا … بسﻻمة ..
*طلعوا هما الزوز يتكركبوا ونزار قاعد ع اعصابه ف السيارة ركبوا لسيارة *
نزار : هاه شنو صار
*شنو بتكون ردة فعل نزار ؟؟
ولبنى شن حتكون ردة فعلها لهلخبر وحاتم … شن بيصير فيه لو سمع بديناري جي خطب … وشن داسله من دسائس ومؤمرات… هدا اللي حنعرفوه في الجزء القادم
يتبع……..
الجزء الحادي عشر من رواية عاصفة الصمت
خ عايشة : سامحونيخ سميرة : الزواج قسمة ونصيب واحنا مابنجبروك علينا … بسﻻمة ..
*طلعوا هما الزوز يتكركبوا ونزار قاعد ع اعصابه ف السيارة ركبوا لسيارة *
نزار : هاه شنو صار
خ رقية : سوق سوق تو نهدرزوا ف الحوش
نزار : مﻻمحك هكي ماتقولش ان فيه خبر سار
خ سميرة : ماوافقتش امها
نزار : صلي عالنبي
خ سميرة : عليه الصﻻة والسﻻم
نزار : عﻻش … عﻻش يمى
خ رقية : قالت بنتي مازال صغيرة … ونبيها اتكمل قرايتها
نزار : باهي حتى كلمة بس
خ رقية : مابتش ياولدي عيينا فيها انا وخالتك
*بدون وﻻ كلمة ولع نزار سيارته ويسوق بسرعة رهيبة وفراشية خ رقية ترفرف *
خ رقية : تي غير بشوية
خ سميرة : راك ترزينا ف عمرنا ياولد
لبنى : اكيدة القردة هديكا بتموت من الفرحة
صفاء : فوتيها ونوضي وتي روحك
مروة : نوضي خير مايروحوا ويلقوك مش واتية
لبنى : زعما كيف شكلها هاللي حبها نزار
صفاء : اكيدة احلى منك ههههه
لبنى : ايه ممكن
مروة : غير نوضي يالبنى خودي دوش و بدلي راهو ريحتك زي البصل وقت اول مايطيبوه
صفاء : هههههههه
لبنى : بليدة انتي وياها ماتحسوش مشاعركم نحاس
*انفتح الحوش وخش نزار زي الطلقة للمربوعة وطربق الباب *
صفاء : خيره هدا
مروة : شوره ماصارش
*لبنى ابتسامة عريضة *
خ رقية : اي ركيباتي اه … وووك عليا ظهري
خ سميرة : ماﻻ رعشة حصلناها قريب طرنا
صفاء : شنو صار يمى
خ رقية : غير خلي نقعمز وناخد نفس اللطف …
لبنى : خيرك يمى داهشة شن فيه
خ سميرة : بناقص علينا المشي السيارة مدايرها طيارة
مروة : احكينا يمى
خ رقية : امها اللفعة مابتش تعطي بنتها
*لبنى من الفرحة قريب زغرطت *
صفاء : هما الخاسرين
{خيرها ماتردش هادي اتصلت فوق من عشرة مرات … عﻻش هكي ياربي و**** هادي اول بنت في حياتي وﻻ عمري حبيت قبلها ورايدها بالحﻻل الصبر
ياربي الصبر }
*فاتت ساعة ساعتين ونزار قاعد ف المربوعة يرحي ويبكبك *
صفاء : ﻻﻻ ساعة 2 في الشك ايصير من المشية
مروة : ايه
*طلع نزار من المربوعة وهوا متنرفز وقال : هيا … تلقوني ف سيارة
قانوا الكل قشاشهم وحاجاتهم وخدو معاهم حوايج لنزار …وطلعوا طول الطريق نزار يبرطم وخلوقه في تل بعد ساعة ونص وصلوا صبراتة …
ومشوا للبحر واجر دار فيها ودارلهم كل شي وخدي تركينة وراء الدار وقعمز وعينه عالتلفون
صفاء : اطلعي يالبنى من الدار تعالي شمي هواء
لبنى : ﻻ خليني توا
* وقعمزت تحت الروشن من الدار من داخل في نفس البقعة اللي مقعمز فيها نزار وطبعا ماتندريش
لبنى :اعتبرو قلب وراح اعتبرو قصر جراح واتهد عاللي بانيه
*سمعها نزار وكمل عليها
نزار : غلطة شربنا منها ﻻزم ندفع ثمنها نصيبنا حنعمل ايه
لبنى : قسمتنا وبختنا الجرح ابزلنا خليك طيوب ياقلبي وسيرها لربنا
نزار : اه واللي فاتك اوعى ادور عليه احمد *** ياقلبي انك مابقتش ليه
لبنى : كان حتنا منا بس اتخلى عنا
نزار : مبردك ضرسي ﻻش اﻻغاني هادي
لبنى : ماحسبتكش ف نفس الجيهة سامحني
* رن تلفون نزار غادة تتصل بك … سكر عليها ووقف مشي جيهة البحر واتصل بيها
نزار : الو
غادة : نزار … عارفة انك زعﻻن
نزار : ايه
غادة : سامحني و**** ما بإيدي
نزار : عارف زعﻻن من حظي
غادة : ماتعصبش روحك … هدي اعصابك
نزار : يستر **** وخﻻص …
غادة : نيزو
نزار : نعم
غادة : انت اغلى شئ في حياتي .. وحتى لو امي ماوافقتش انا حنظل نبيك وشارياتك ماتندريش مرات *** ايسخر الحال
نزار : يعني تحسابي انا اللي حنخليك
غادة : هاه
نزار : ﻻ مش حنخليك انتي ليا … كملي قرايتك وانا معاك وجامعة تو نسجلك فيها خطوة بخطوة لين اتكملي وبعدها حنخطبك تاني
غادة : الحمد *** ياربي … الحمد*** المهم انك اظل معاي
نزار : من امبكري متنكد على خاطر ماكلمتنيش اتصلت بيك كدة اتصال وانتي شي
غادة : ماقدرتش نكلمك كل مانخش لدار ونسكرها اتجي امي تفتحها عليا …
نزار : اماﻻ وين تتكلمي توا
غادة : في دار السطح … اهو نسمع فيها راكبة باي باي
نزار : باي
{و**** ردت فيا الروح بعد ماكلمتها}
القيافة : من بكري نتصل بيه ويعطي خارج التغطية
سفيان : كيف الراي توا
القيافة : اهو بعتت حاتم لحوشهم
سفيان : انت ع اساس عاطيه مدة اربعة ايام شن خﻻك تتراجع
صﻻح : مش مني ياسفيان… لو العملية ماتنفدتش بعد غدوة
حتنقلب هلبا امور
سفيان : اماﻻ من منو
صﻻح : مش مهم … من منو
*خش عليهم حاتم وقال : مهناش يااستادي
صﻻح : كلمت عيلته وسئلتهم وينه
نزار : طقطقت لين فديت وطلعلي جارهم قالي العيلة كلها مسافرة
صﻻح : سافرو ؟؟
حاتم : ايه دارها فيك الديناري
صﻻح : مايديرهاش … مايطعنيش ف ظهري الديناري … في اﻻكيد امشو لصبراتة …
سفيان : من عنده غادي
صﻻح : قال بنرفع العويلة للبحر لكن مانحساباش اليوم
حاتم : بالك هرب لصبراتة واﻻ اي منطقة تانية وقالك طالع بنصيف
صﻻح : خيرك انت اتحط ف احتماﻻت زي وجهك … تشبح فيا ناقص احتماﻻت زي هادو
حاتم : ماه نقولك مرات هكي دار بش تاخد احتياطك
*ضم صﻻح ايديه لبعض وحطهم عطاولة وسند راسه يفكر … زعما يديرها فيا نزار ؟؟ معقولة هوا من النوعية هادي زي ماقال حاتم ؟؟ انا الشي اللي بنديره ف مصلحته كيف براحتك يا ديناري … حنفد العملية فشلت العارف حيوصل فيك مهما كلفه الموضوع … نجحت فهو من حسن حظه …
خ رقية : و**** نسمة ياسﻻم
خ سميرة : ايه عالكيف
نزار : وين الشاهي ياصفاء
صفاء : هي هيا شوية قريب ايطيب
نزار : به وماتنسيش اللوز
صفاء : اكيييد
نزار : خيره ضرس لبني حابس روحه ف الدار
خ سميرة : عييت فيها هالبنت من بكري نقولها اطلعي اطلعي شيطتلي ريقي
نزار : ضرسي … ياضرسي
لبنى : انعم ياريتها سوسة فضرسك
نزار : ريتي بنتك وكﻻمها واﻻه
خ سميرة : ياوالله كان انجيك يافرخة لبنى ماحد حازك عليا
نزار : اقعدي قبل بنقولك تعالي معاي بنمشي نشري حلوة صوف
لبنى : هاااا دقيقة نحط شاربة ونجي
* واست شعرها لبنى وحطت وشاح لفاته عسريع ولبست شبشبها وطلعت وقتله : هي
نزار : يا و**** القمر طل علينا .. حارمتينا من نظرة وجهك الصبوح من بكري
* لبنى فرحت لكﻻمه وزعلت ف نفس الوقت وقتله : هيا نوض نمشوا
نزار : قعمزي خلي ناخدوا طاسة شاهي باللوز من تحت ايد الصوفة قبل
صفاء : هههه معش اتقولي صوفة خﻻص كبرت
نزار : ههههه حتقعدي صوفة ع مر الزمان
* شربوا الشاهي ومشي بيهم نزار لمحل قريب هو مش محل بزبط عريشة فيها شاب يبيع المهم خدالهم حاجات وحلوة صوف ورجع بيهم لدار *
وائل 30 عام : ماحﻻه الجو اهنا خير من بحر تاجوراء
خالد 29 عام : ايه مش عادي … برا اجر دار اهو الجماعة قريب يوصلوا …
وائل : باهي هي
نزار : التغطية اهنا ميتة يالله جاني اتصال واحد بس .
مروة : احسن انعزل عااعالم طشة واقعد معانا وانت ديما بتلفوناتك
نزار : امتى اللطف .. المدة اﻻخيرة ديما ف الحوش
لبنى : قصدك في المربوعة
نزار : باهي لكن نطلع ونهدرز معاكم …. حقا جبتوا الكورة
مروة : حي نسيتها
صفاء : بش مديتهالك ياحمارة وقتيلي اهو بنرفعها سيارة
مروة : ماهو وليت بناخد حاجة فنسيت الكورة
نزار : يﻻ معليشي على مرة تانية…ماتبعدوش من جيهة الدار بنتمشى قريب مش نباعد
مروة : باه
نزار : لبنة مديلي الطاقية متاعي تره ونظاراتي
لبنى : ستنى هي ……. هاك اه
نزار : تمام
*تمشى نزار ووقف عالبحر وشم هواء ولف من خلف الديار وخشت في رجله طرف شريبة ( لوحة صغيرونة ) فقعمز اينحي فيها
وبينما هوا اينحي فيها يسمع ف حديث من الدار اللي مقعمز جنبها
شاب : قصدكك بتقتلوه
شاب 2 : ﻻﻻ نخنبوا اللي عنده
صوت رجل خمسيني غليظ (الراس متعهم ) : اممم بالك ماعنده شي
شاب : ﻻ عنده وبما ان دراعه اليمين معادش اهناك فالخنبة اسهل نوعا ما
الراس : ليا وقت *** نخنبه القيافة ومدابيا نخششه فمشكلة مع العارف وبهكي يتنحى من طريقب القيافة كش ملك … برا ياخالد امشي اتصل ب الشيباني ف طرابلس وقوله يبعت حد ل القيافة زعميته يشري وياخد تفاصيل وين ايدس ف بضاعته …. بش نخنبوه ونتصلوا بالعارف … نقولوله قيافة خنبلك بضاعتك كلها
خالد : لكن نسيت حاجة دراعه اليمين الديناري … واحد واعر وضربته ماتغلطش بكل
الراس : بش قتلي استقال يا وائل ؟؟؟
وائل : ايه استقال قداش ليه غير خالد مايندريش
خالد : اها اوكي به وهكي عصفورين بحجر نخنبوا القيافة ونلفقوله تهمة عند العارف
الراس : ونولي انا مكان القيافة عند العارف
خالد : حلووو بس مافيش تغطية اهنا …
الراس : عارف … اتصل بالمدار هاك تلفون … قوله ع صفقة الشاشي
خالد : تمام
* ناض نزار يعرج ولبد عالجنب
خالد : الوو ها ياشباني … بعد المغرب برا ل القيافة وركز وين ايدس ف بضاعته ايه شوف المخزن وين… وقوله ع اساس انك من طرف الشاشي ايه ايه مادورش الشاشي عنده معاه صفقة المهم خليه يطلعلك عينة ولحقه دير روحم بدوقها وشوفه منين طلعها خﻻص المهم ﻻزم تمشي قبل ساعة 8 ﻻن ساعة 8 الشاشي حيبعت المندوب متعه فاهم …
الشيباني : باهي شن اسمه المندوب
خالد : عوني
الشيباني : تمام اوكي
هي سﻻم
* كمل نزار طريقه ل دار متعه وقالهم : فيسع لموا كل شي
خ رقية والكل : عﻻش
نزار : نقصوا صواتكم وفيسع لموا كل شي نوضوا … تي نوضوا
* خطم خالد فتلفت نزار ونزل طاقيته وخش لدار *
صفاء : خيرك نزار عﻻش بش قتلنا بنباتو
نزار : ماحد يناقشني خير مانكشخ وانكد عليكم قيموا حاجتكم من سكات شميتوا هواء نص نهار ساد
خ رقية : ان شاء **** بلطف وخﻻص
{ساعة 6:30 نحتاج وقت من صبراتة لطرابلس ساعة اﻻ ربع واو زدت السرعة ممكن نوصل في نص ساعة …و مابين وصلت العيلة للحوش ونتصل انحدر القيافة اتكون ساعة 7:20 وهوا قال قبل ساعة 8 معناها عالسبعة ونص }
نزار : تي فيسع
خ رقية :باهي وانت بصلتك محروقة
*ولموا حاجتهم ومشوا ركبوا سيارة و طلع بيهم نزار بأقصى سرعة وصل لطرابلس وحط العيلة وماشي للقيافة كيف بيتصل بيه فصل شحن *
{ياعليك حظ ساعة 7:30 }
الشيباني : السﻻم عليكم
القيافة : وعليكم السﻻم
الشيباني : كيف الحال
صﻻح : الحمد ***
الشيباني : انا باعتني الشاشي
صﻻح : اها انت المندوب التاني
الشيباني : اي اسمي عوني
صﻻح : تمام
{مش وقتها الزحمة بكل فيسع يانزار فييييسع }
صﻻح : تمام
الشيباني : اه شنو البضاعة … نستلمها توا …. ﻻزم نضوقها عاد انا نمشي بأوامر
صﻻح : اي تمام من حقك … لحظة هي
* خش نزار وقال : السﻻم عليكم ..
صﻻح : وعليكم السﻻم ئه غريبة
*الشيباني شاف ديناري اتلكمس والديناري مش حاط فباله ان الشيباني يعرفه *
نزار : شن اﻻخبار
صﻻح : باهي … مليح…شنو اماﻻ ماصارلكش مالهربة
نزار : هربة شنو …
صﻻح : الهربة متاعك
نزار : غير خليك من الدوة هادي … نبيك ف كلمتين برا
صﻻح : هي دقيقة خلي انوري الراجل بضاعته
نزار : غيير نبيك ضروري شوية بس
صﻻح : باهي مدامك مصرر
*طلع صﻻح ووراه نزار برا *
نزار : الشاب اللي داخل كمين راهو
صﻻح : كيف صار
نزار : تو نحكيلك هوا المهم بيشوفك منين بطلع بضاعتك ووين المخزن بزبط
صﻻح : لمصلحة من الكﻻم هضا ؟؟
نزار : تو انقولك … غير وزعه توا بدون ماتفهمه شي
صﻻح : باهي هي
شاف الشيباني لساعة لقاها 8 اﻻ ربع … فطلع وتﻻقي مع صﻻح برا
صﻻح : على وين
الشيباني : شوية نجيب نقالي من سيارة وجاي هي
صﻻح : تمام
*خشوا نزار وصﻻح للمستودع وقعمزوا يستنوا ف الشيباني *
صﻻح :بما انه عطل نتوقع انه هرب
نزار : ايه ﻻن عوني مندوب الشاشي قريب يوصل
صﻻح : فهمني شن فيه
نزار : (حكاله بتفصيل )
صﻻح : ايواه ايواه ايواه يعني الراس يبي يفتك مني
نزار : اي نعم
صﻻح : بعيدة على سنونه هالعافن … تو نبعتله سفيان وزهير يعرفوا شغله معاهم
نزار : باهي تمام
صﻻح : شن بنقولك
نزار : نعم
صﻻح : العملية مدابيا اتم فبسع… يعني عندك اليوم بش اتفكر … وماتقوليش كيف ﻻن الموضوع مش بإيدي
نزار : استغفر **** العلي العظيم
الشيباني : الووو ايواه خالد مشيتله القيافة …والصدمة الصدمة الديناري خش علينا …
خالد : تي الديناري استقال ياراجل
الشيباني : حناك اللي استقالت شفته بعيوني .. وتسنطت عليهم سمعته يقول هدا كمين
خالد : تي كيف عرف
الشيباني : مش عارف سطايله دولة وكله يعرفه
خالد : به سكر سكر تو انقول ل الراس … وخلي نقالك ف تغطية مرات الراس يئومرك بحاجة
شيباني : اوكي تمام
صﻻح : خش ف الدار الدخﻻنية… المندوب قريب يوصل نسلمه البضاعة وانت فكر ع راحتك
نزار : اوكي هي …
حنين : قصدك مع هدا مازال يبيك
غادة : ايه ياوخيتي و**** قريب نهبل عليه … كله من ماما كان هدا راني خطيبته …. ايهبل ماتلوحي منه شي
حنين : ﻻش مستعجلة صدقت خالتي كملي قرايتك…. وبعدين اهبلي فيه براحتك ههههه
غادة : ههههه
صﻻح : اطلع ياديناري مشي عوني
نزار : هي
صﻻح : ها شنو فكرت
نزار : ﻻ مازال
صﻻح : شن تستنى
نزار : قولي بس … وين المصنع وكيف طبيعة عمله
صﻻح : المصنع هدا تحت مطعم … في منطقة كدا …
نزار : مصنع حشيش تحت مطعم كيف اتجي هادي
صﻻح : عند الميلن اتجي
نزار : امممم
صﻻح : هاه الفكرة وصلت الباين
نزار : لكن فكرتي تحتاج يوم تكتيك واليوم اللي بعده تنفيد
صﻻح : ماه قتلك بعد غدوة
نزار : ها حاط فبالي غدوة
صﻻح : ﻻﻻ ها شن فكرت
نزار : غدوة نمشي اندير دورة ف المطعم ونتغدى فيه وتو نفكر غادي صﻻح : بالك يزبطك الميﻻن
نزار : ﻻﻻ كون هاني حنتنكر
صﻻح : تمام واي شي قولي وتو نوفرهولك
نزار : تم …
تررررررن
لبنى : الو
شخص بصوت رزين وحليو : مساء الخير
لبنى : مساء النور …
شخص : كيف الحال وشن اﻻمور العيلة
لبنى : الحمد*** بخير
شخص : الوالدة بخير
لبنى : بخير من معاي
شخص : انا … شن بنقولك نزار قاعد
لبنى : ﻻﻻ مهناش
شخص : باهي شكرا
لبنى : ععفوا بسﻻمة
اعجب الشخص بصوت فقرر اعادة اﻻتصال
لبنى : الو
شخص : اهلين
لبنى : اهلين بيك
شخص : ب**** وقت ايجي قوليله ربحي اتصل بيك
لبنى : نو حبحي ؟؟؟
ربحي : ههههه ربحي لقبي هكي بس اسمي عﻻء
لبنى : حاضر
*خشت مروة وقالت لبنى ماريتيش وين حطت صفاء المشطة
لبنى : ﻻﻻ …
ربحي : عاشت اﻻسامي يالبنى
لبنى : سلمك خﻻص وقت ايجي نزار تو نقوله يبيك حبحي ههههه اسفة و**** ماقصدي
ربحي : ﻻﻻ عادي خودي راحتك
*وفجاة خش نزار للمربوعة ولبنى شافاته لوحت السماعة… ونزار حس بحاجة مش مزبوطة على غير عادة قرن حواجبه وقالها : من اتكلمي
يتبع ……….
الجزء الثاني عشر من رواية عاصفة الصمت
*خشت مروة وقالت لبنى ماريتيش وين حطت صفاء المشطةلبنى : ﻻﻻ …
ربحي : عاشت اﻻسامي يالبنى
لبنى : سلمك خﻻص وقت ايجي نزار تو نقوله يبيك حبحي ههههه اسفة و**** ماقصدي
ربحي : ﻻﻻ عادي خودي راحتك
*وفجاة خش نزار للمربوعة ولبنى شافاته لوحت السماعة… ونزار حس بحاجة مش مزبوطة على غير عادة وقالها : من اتكلمي
لبنى : ا ا ان انكلم ف صاحبتي
نزار :وع ش وقت خشيت لوحتي السماعة
لبنى : م م ماهو انخلعت
ربحي : قولي لبنى قاعدة … وع اساس صاحبتها انتي …
فرح(اخته ) : به
نزار يشوفلها نظرة شك ولبنى متوترة
ترررررررن تررررررن
الزوز مدو ايديهم بيردو … ورد نزار : الو
فرح : مساء الخير
نزار : مساء النور
فرح : لبنى قاعدة؟؟
نزار : ايه قاعدة من انتي
فرح : انا صاحبتها
نزار : باهي لحظة
*مدلها التلفون نزار وقعد مقعمز
لبنى : الو اهلين
فرح : اسمعي انا اخت عﻻء ديري روحك عادية
لبنى : ايه غير ولد خالتي خش عليا مشي انخلعت
فرح : ههههه
*اطمن نزار نوعا ما وطلع من المربوعة *
لبنى : هههه المهم امورك طيبة
فرح : الحمد*** … يسلم عليك علاء قالك راك تفضحينا
لبنى : سلمه وقوليه اطمن
فرح : اهو معاك
لبنى : ﻻﻻﻻ
ربحي : قصدك ماتبيش تكلميني
لبنى : مش هكي بس انا مانعرفكش …. وعموما شكرا ﻻنك غطيت عليا .. لو عرف نزار كان حيقتلني
ربحي : هههه عارفه يقتلك ويقتلني معاك
لبنى : هههههه المهم سﻻم توا
ربحي : قلتي سﻻم توا معناها فيه مكالمة مرة تانية
لبنى : ﻻﻻ مانقصدش هكي
ربحي : هههه باهي مانضغطش عليك …*** يحفظك … سﻻم
لبنى : سﻻم
*سكرت الخط لبنى وهيا مبتسمة وسارحة تلعب بشعرها ع خشت صفاء *
صفاء : منظرك زي اللي عندهم عاهة هههه تضحكي وتشوفي لسقف
لبنى : حي عليك يا صفصف صارت حاجة وﻻ ف اﻻحﻻاااام
صفاء : شنووو
لبنى : ﻻﻻ مش اهنا تعالي نمشو ل دار
مروة : خيركم خاشين هجوم
صفاء : لبنى عندها حاجة بتحكيها
لبنى : سكري باب ياصفاء …
صفاء :هي
لبنى : كلمت شخص بتلفون
مروة : تتسهوكي
صفاء : تكدبي
لبنة : و**** بجد
صفاء : منو احكي
لبنى : ثاحب نزار
مروة : حيه ع سميرة حيه
صفاء : احكينا
*وحكتلهم لبنى بتفصيل *
مروة : عطاك ***
صفاء : حي عالجووو لكن واعرة صاحب نزار كان عرف ايبهدلك
لبنى : اعجبني اسلوبه
مروة : ماعجبكش اسلوبه … ياام ﻻن نزار مش معدل عليك ياام ﻻنك تبي تنتقمي من نزار عن طريق صاحبه
لبنى : مافكرتش هكي
صفاء : فكك معش اتكلميه
لبنى : غير اسمعي … بري لنزار وقوليله ..اتصل بيك صاحبك ربحي بري
صفاء : ﻻﻻ بدبسيني
لبنى : ﻻﻻ مش تدبيسة … بش معش ايشك بس
صفاء : ها به تو انقوله ….
عايشة : نوضي فزي يابنت
غادة : نعم ياماما
عايشة : نوضي جيبيلي شيشة زيت من حوش عمك
غادة : باهي هي …
*نزلت غادة وطقطقت ع
حوش جدها اللي ساكن فيه عمهل فتحلها حاتم عيونه حمر عاميها حشيش
غادة : وين مرت عمي
حاتم : مهناش
غادة : باه هات شيشة زيت
حاتم : خشي خودي بروحك
* خشت غادة وشعرها مشفشف
وحاتم يشوف فيها طرف طيار كيف تتمايل بخطواتها … فخشت للمطبخ سكر الباب حاتم …وخش وراها وهجم عليها شدلها يدها
صيحت غادة وضرباته بسبات الخبزة ع راسه وهوا شي مافلتهاش شادلها يدها ….
غادة : و**** انقول ل امي …. يمااااااا يا يماااا
حاتم : شن بتقوليلها عﻻقة مع ديناري
غادة : و**** انقوله راه انقوله انك تهجمت عليا
حاتم :نقتلك ونقول قضية شرف
* بربشت غادة لين وصلت لجرة عزقتها ع راسه فداخ وترنح وقامت شيشة الزيت وهربت وهيا تبكي …وصلت قدام حوشهم مسحت دموعها وخشت اعطت شيشة الزيت ل امها وخشت دارها تبكي …وتسحن .. عﻻش هكي دار حاتم … يبي يقتلني واﻻ يبي يضربني … حيه واﻻ قصده حاجة تانية … و**** ماعارفة كيف اندير … انقول ل ماما ..لكن نخاف كان قتلها ايقولها ع عﻻقتي مع نزار وتطين ع دماغي
تاني يوم … يوم السبت … ساعة 12 ظهرا
القيافة : به فهمني شن حدير
نزار : نكدب عليك لو نقولك فبالي فكرة
حاتم : غدوة التنفيد ومازال ماعندكش فكرة
نزار : تطلع الفكرة ف المكان المحدد المهم وين اللحية اللي قتلك جيبها
حاتم : اهو ف سيارة ستنى نجيبها
*طلع حاتم لسيارته بيجيب اللحية التنكرية ويفكر… ههههه مش حيقدر يقعد ربع ساعة بيها حطيتلها بودرة حكة هههه بعد مايلبسها بشوي حيبدى ايحك ومش حيتحملها وحينحيها في المطعم وهوب ايشده الميلن ههههههههه و**** تاريتك راس واتفكر يا حاتم
صﻻح : اهو سفيان جي
نزار : هههههت ماشي معاك الكاسكو اللي فوق راسك
سفيان : اماﻻ كيف لوازم الشغل
نزار : تي وينه هالحاتم هو واللحية
سفيان : جبتلك لحية
نزار : تره وريني
سفيان : هاك اه
*نبت نزار اللحية وطلعت عليه تحفة وغيراته هلبا وحط نظاراته وكان تنكر فظيع …
نزار : شنو منو
صﻻح : لين ماعرفتكش
نزار : وهو المطلوب
*خش حاتم جايب اللحية وشاف نزار ملتحي فقال : منين جاتك هادي
نزار : جابها سفيان
حاتم : مش طالعة عليك خود هادي
نزار : تره …. ﻻﻻ مدعولة رايحة وخفيفة خلي هادي متع سفيان خير
*حاتم اغتاض ومخططه فشل *
صﻻح : go go go
نزار : هي هي هي هههههه
سفيان : هههه شنو استاد صﻻح بدينا باﻻجنبي
صﻻح : هههه وخيرنا نواكبو التطور تشيشة
نزار : هههه هيا سفيان … اه حقا *** سيارة مش معروفة
* فتح القجر صﻻح وطلع مفتاح وحدفه لنزار مع غمزة
نزار : شن الغمزة هادي يااستاد صﻻح شن السر اليوم
صﻻح : تو تعرف عﻻش الغمزة .. برا للقراج امشي
نزار : اوك
*طلع نزار للقراج وفتحه ولقي سيارة بورش رياضية مش عادية *
نزار : هدا باش يغمز هوا ههههه واخد بورش اﻻخيرة ايواه ايواه
سفيان : ريته واﻻه هههه مايطلع منه
نزار : اركب اركب خلي نتمتعوا شوية ههههه
* ركبوا هما الزوز وساق نزار ووصل للمطعم سكر السيارة ونزل *
نزار : البس نظاراتك طبية
سفيان : هي …
*خشوا وجاهم القرسون وراهم طاولة وعطاهم المينيو ومشي …. مطعم انيق واغلبيته عايﻻت ورجال اعمال بدالي وجو *
سفيان : و**** عيب عليه مطعم زي هدا تحته …
نزار : نقص صوتك … شن بتطلب
سفيان : وجبة لحم وانت ؟؟
نزار : اطلب وجبة حوت
سفيان : مش خاطري فيها
نزار : لتدكير مش جاي موعد معاك انا … جاي خدمة اطلب وجبة حوت
سفيان : به …
نزار : واطلبيلي وجبة لحم
سفيان : اشبح هي … ااح…
*اشر ب ايده سفيان للمتر وجاه .. وبينما سفيان يقول ف طلبات … شاف نزار وركز ف القرسون ولقي مسدس عيار 9 ملقم محطوط ف خسره وطرفه مش واضح هلبا بس ﻻن نزار نوعيته ايركز *
القرسون : اي طلب تاني
سفيان : ﻻﻻ مشكور
نزار : توا خليني انفكر ماتقاطعنيش
سفيان :تم
{باب يؤدي للمطبخ وقت ينفتح يبانلي باب تاني متع شنو **** اعلم … }
نزار : استنى اهنا … ماشي بندير دورة
سفيان : راهم يكشفوك
*اكتفى نزار بنظرة تهكم ردا ع كﻻم سفيان … ومشي نزار بخطوات سريعة وخش لباب المطبخ ودار مسح شامل بعيونه للمكان وانفتح الباب اللي كان يشوفله وشاف دروج
القرسون : تفضل ياخونا
نزار : اسف اسف نحسابه باب الحمام
القرسون تعال معاي
نزار : ان شاء **** هي
* وصله القرسون للحمام ومشي ….خش نزار للحمام ويشوف اي مخرج اي فتحة تهوئة تؤدي الى المكان المطلوب … بس مالقاش
طلع من الحمام ورجع مكانه *
{اذا كان الحمام مافيشي باب تاني او مخرج … معناها فيه باب براني في الشارع وهالباب ايوصل مابين للمكان اللي شفته ف المطبخ معناها الباب البراني ايخشوا منه العاملين ويطلعوا منه ويطلعوا ف البضائع …. ام باب اللي ف مطبخ داخل خاص بالميلن يخش ويطلع منه }
سفيان : كول يانزار حتى بالكدب
نزار : هي .
سفيان : عﻻش طلبت مني ناخد وجبة حوت
نزار : قبل فيه خطة فبالي لكن ماصارش عرفت كل اللي *** نعرفه
سفيان : القرسون مركز فيك كول
نزار : معش تشبحله … حط راسك ف ماكلتك القراسين كلهم مسلحين راه
سفيان : باهي باه …
* كملو وجبتهم وطلعوا من المطعم ركبوا سيارتهم ساق نزار درسها بعيد ورجع من خلف المطعم *
{زي ماتوقعت باب خلفي … وهو المطلوب … }
* انفتح الباب وطلع عامل ﻻبس لبس قرسون لكن واضح انه عامل متع تعبئة حشيش زبطه نزار بحكم خبرة ،،،،رجع نزار لسيارة ومشي للقيافة *
صﻻح : بشرني
نزار : تمام …
صﻻح : غير فهمني
نزار : حنمشوا للمطعم ع اساس شخص واصل… وغدوة حنزيد نفهمكم مع بعض غير نزيد نتكتكها ف راسي
صﻻح : امممم حلووو … شن تحتاج
نزار : نحتاج ﻻموزين واشبيب انظيف ماعنداش سوابق نهائي
صﻻح : اممم ان شاء **** انحصل
نزار : *** 6 بدالي كحل …
صﻻح : وشن تاني …
نزار : وسماعات بلوتوث اتصال ﻻسلكي
صﻻح : كم واحدة تبي
نزار : 4
صﻻح : تمام
نزار : خﻻص شوف امورك وكلم الجماعة غدوة ساعة 5 عشية نكون عندك بش نفهم الكل دوره وكيف بنفذ العملية
صﻻح : تمام
نزار : هي السﻻم عليكم …
{خلي نمشي انروح راسي صداع معش نفرز ف شي }
* روح نيزو للحوش على اتصال غادة *
غادة : نيزووووو
نزار : ياقلب نيزوو
غادة : تعال قدام بلكونة و**** خاطري نشوفك
نزار : غدوش بالك حاتم غادي
غادة : ﻻﻻ
نزار : به نقولك خليهاا غدوة اوكي
غادة : اوكي ياغﻻي نوم العوافي
نزار : تسلمي … انحبك .. هلبا
غادة : وانا انحبك … ياروحي باي
نزار : بايات
على ثاني يوم …يوم تنفيذ الخطة …مع ساعة 3 ظهرا ..
ريجينا (لبنانية ) : حبيبي النا زمان ماتعشينا بمطعم مثل ابل
خﻻفو ( شخص واصل ) : ماهو مشغول اﻻيام هادي
ريجينا : بكرة عيد ميﻻدي ياعمراي
خﻻفو : خﻻص غدوة نفضيلك روحي انتي اختاري المطعم اللي تبيه بس ونمشوا
ريجينا : اييييي لك تسلملي
فيه ريستورنت جديد اسمو ديليشز
خﻻفو : مالقيتيش اﻻ هدا
ريجينا : يي مالو مطعم اكثير مرتب وادمي وحلو
خﻻفو : ههههه ماهو مشبوه شوية
ريجينا : ليش ماشبوه
خﻻفو : هههه وﻻ حاجة خﻻص تو نمشوله
ريجينا : بس ماتنسى هديتاي
خﻻفو : في حد ينسى هدية القمر … هي انا طالع توا عندي اجتماع
ريجينا : **** معك ياروحاي …
*طلع خﻻفو بسيارته الفخمة وماشي ل اجتماعه *
القيافة : ياحاتم خليك اهنا كل طلبات اللي وصة عليها نزار بتوصل خﻻل نص ساعة
حاتم : اوك تمام
صﻻح : وبعد ماتستلم الحاجات سكر اامكتب وباب المستودع الخارجي عندي اجتماع توا مع حتﻻت القوم هههه قصدي الواصلين
حاتم : ههههه
صﻻح : راك اتعاودها تمشي ف ستين داهية راهو
حاتم : هههه عيب عاد
*بعد اﻻجتماع … فر ردهة الفندق *
القيافة : خﻻفوو وين نعاش اتبان ياراجل
خﻻفو : و**** خدمة وعالق واهو قريب نولي وزير
صﻻح : اووو عاد مش اتولي وزير تنسانا
خﻻفو : حد ينسى الغوالي
صﻻح : اماﻻ تعرف كيف او
خﻻفو : انعم
صﻻح : غدوة عازمك ياغدي ياعشي وانت اختار
خﻻفو : غدي مانقدرش معزوم عند الوزير اﻻول … وعشي طالع مع العويلة مطعم متخوش منه
صﻻح : اما مطعم
خﻻفو : هالديليشز متع الميلن …
* صﻻح قعد راسه يرفع ويجيب وقاله : فوته فوته
خﻻفو : ﻻ وين انفوته المرا شدت في الموضوع … ناخد معاي حرسي الشخصي وخﻻص
صﻻح : عالساعة كم بتمشي انت
خﻻفو : عشي ديما مع ال9
صﻻح : تبي انزودك بحرس ماعندكش مشكلة ادلل … صديقي واتعز عليا وانت عارف
خﻻفو : هههههه عارفك ماتقصرش يا لقيافة اصلي من يومك … يﻻ نستادنك تو
صﻻح : سﻻمات
* لبس نظارته القيافة وطلع لبرا وركب سيارته وطلع من جيهة الفندق وطلع نقاله
09260612**
نزار : ايواه …. انا ف دوش توا
صﻻح : وقت دوشك حق
نزار : تو انكلمك خليني مستمخ توا
صﻻح : تسمع
نزار : نعم
صﻻح : الخطة متاعك فشلت
نزار : تي …..
* طاحت منه الصابونة نزار وزلق برغوة وطاح جي راسه على جيهة البانيو وطاحت عليه سلة متع الحاجات متع المعاجين وفرش اﻻسنان… *
شن صار لنزار بعد هالطيحة … وهل هيا خطيرة ؟؟؟وحتى ولو كيف بيتصرف القيافة بعد فشل المخطط وهل العارف حيرحمهم ؟؟؟هدا اللي نعرفوه في الجزء القادم….
يتبع……..
الجزء الثالث عشر من رواية عاصفة الصمت
نزار : ايواه …. انا ف دوش تواصﻻح : وقت دوشك حق
نزار : تو انكلمك خليني مستمخ توا
صﻻح : تسمع
نزار : نعم
صﻻح : الخطة متاعك فشلت
نزار : تي …..
* طاحت منه الصابونة نزار وزلق برغوة وطاح جي راسه على جيهة البانيو وطاحت عليه سلة متع الحاجات متع المعاجين وفرش اﻻسنان… *
نزار : اييي احيييه سحيقة … ستر *** محطوطة اسفنجة اييي ياراسي
* فتح الميا نزار نحى الصابون وحط فوطة ع نصه وطلع دايخ قعمز عالكرسي وسط الحوش يستجمع قواه ع خطمة لبنى
لبنى : هاااه نزار خيرك طالع هكي
نزار : تي بري واﻻ غضي بصر امشي
هربت لبنى ومشت لصفاء
صفاء : خيرك مسموطة
لبنى : خوك ليشو مداير فوطة ف نصه بس
صفاء : اللطف … خلي نقول ل امي
خ رقية : ريتي ياسميرة او كنة حوش الضاوي قالت ماتعرفش ادير بازين
خ سميرة : ب**** بنات هاليومين بايرات
جتها صفاء : يمى … يمى
خ رقية : خير بﻻك
صفاء : نزار طالع ليشوو من الحمام
خ رقية : اللطف خيره هبل
واﻻ شنو خلي انوض نشوفه …
*طلعت خ رقية وقتله : نزار ئه خيرك طالع بفوطة … معاك صبايا ف الحوش
نزار : طحت ف الحمام ع راسي وانحس ف دوخة
خ رقية : اللطف … اتصل بواحد من صحابك ياخدك اتعاين ويكشف عليك الطبيب
نزار : ﻻﻻ مش ﻻزم دوخة بسيطة هيا
خ رقية : ﻻ ياود ﻻزم تمشي
نزار : ياودي مش ﻻزم
خ رقية : و**** اﻻ ماتمشي عاد حلفت
نزار : باهي باهي غير نلبس حوايجي … ب**** جيبيلي تلفوني طاح ف الحمام
خ رقية : باهي به … شنو نساعدك تقدر تمشي واﻻ تمشي
نزار : ﻻﻻ نقدر نمشي
*خش نزار لداره ولبس حوايجه وقعمز ع سريره … خشتله خ رقية وعطاته تلفون .. اتصل ب حاتم ماردش … اتصل بسفيان خارج التغطية … فتصل بربحي
نزار : اه ربحي انت وين
ربحي : في اربعة شوارع سيمافرو وﻻد الحاج
نزار : باهي ب**** تعالالي ضروري
ربحي : للحوش
نزار : ايه
ربحي : اوكي دقايق ونكون عندك
نزار : باهي هي سﻻم
* سكر الخط نزار واتكى *
بعد دقايق شرين الحوش … ولبنى كانت خاطمة ففتحت الباب
ربحي : السﻻم عليكم
لبنى : وعليكم السﻻم
ربحي يفكر زعما هيا هادي لبنى … زعما ﻻ … خلي نجرب ندير حيلة : ب**** ناديلي نزار قوليله يبيك حبحي
لبنى : ههههههه
ربحي : لبنى صح
لبنى : هههه صح دقيقة ناديهولك
خشت لبنى وفيقت نزار ومشت تجري ل صفاء ومروة
لبنى : شفت ربحي يابنات طرف طرفففف
صفاء : وينه
لبنى : برو اركبو لسطح وشوفوه
نزار : اه خير ربحي
ربحي : خيرات شن اﻻمور
نزار : ماشية … ب**** نبيك تاخدني للعيادة
ربحي : ادلل … اركب هي
*مشوا للعيادة وخدي رقم وخش لصحة عامة وطلب عليه الدكتور صورة … دار الصورة ورجع لدكتور *
الدكتور يشوف لصورة اﻻشاعة : اممم … الجمجمة سليمة
نزار : الحمد ***
الدكتور : عندك كدمة بسيطة ف جيهة الرقبة من الخلف هيا اللي اديرلك في الدوخة
نزار : معناها مافيش خطورة
الدكتور : ﻻﻻ يسﻻمتك كبيرة … الطيحة هادي فيه حتى اللي يصيرلهم ارتجاج منها لكن الحمد***
نزار : الحمد*** … مشكور دكتور
الدكتور : الشكر *** … حنعطيك حبوب هادو تاخد منهم مرتين ف اليوم اينحوا الدوخة ان شاء ****
نزار : تمام
*طلع نزار وصرف دواء من صيدلية وطلع لربحي برا العيادة *
ربحي : اه ان شاء **** ﻻ باس
نزار : اﻻمور طيبة قالي …
ربحي :اتصل القيافة قالي وين نزار ساعة 4:30 ومش امبين مشي قتله عاللي صار
نزار :به حطني ف الحوش نطمن العويلة وناخد سيارتي ونمشيله
ربحي : تمام
ريجينا : الوووه … حبايبي … حجزت بالريستورنت … ايلأ انا مابروح بﻻ حجز … مشاني خوخة طيب .. اكيد راح تحجوز ؟؟
خﻻفو : ان شاء ****
ريجينا : اموووه باي ياروحااااي
نزار : بارك **** فيك ربحي…منور
ربحي : النور نورك ياطيب
بتجي غادي واﻻه
نزار : ايه غير نطمن العويلة ونلحقك
ربحي : تمام سﻻمات
*خش نزار للحوش طمن عيلته وخدي حبة كﻻها وخدي مفاتيحه وطلع ماشي للقيافة *
سفيان : سبحان **** كلها جت مع بعضها فضل المخطط و طيحة الديناري مشكبنة
القيافة : وماعنديش خطة بديلة واهو لتوا مازال ماجاش
*خش عليهم ربحي : السﻻم عليكم
الكل : وعليكم السﻻم
القيافة : ها شن صار
ربحي : الدكتور قاله حالك باهي ومافيك شي
صﻻح : الحمد*** … وينه هوا
ربحي : حطيته ف حوشه قال بيطمن العويلة وبيلحقني
الشنشوبة : باهي مليح نص الهم وﻻ الهم كله
صﻻح : مشكلة ياجماعة دبرولي حل فكروا ف فكرة
زهير : راسي مايفكرش يعرف دير كدا دير كدا بس
سفيان : وانا راسي واخد اجازة نعرف نضرب نقتحم مكان نقتل بس
الشنشوبة : وانا زي سفيان
ربحي : وانا مالياش في هالمواضيع نعرف نساند بس
حاتم : وانا ..
قاطعه صﻻح وقال : انت بدات حتى كلمة .. قالك دبارة الفار على اهل الدار
حاتم : نعرف انفكر
صﻻح : هنينا تره انت وافكارك
*على خشت الديناري : السﻻم عليكم
الكل : وعليكم السﻻم
صﻻح : **** اكبر فوووق كيييد المعتدي
نزار : هههه
صﻻح : تي هكي تشغلنا عليك
نزار : و**** كنت اندوش ﻻ بيا ﻻ عليا انت اتصلت وفركستني نحساب العارف دار حاجة
صﻻح : ﻻ … قعمز تو نفهمك
نزار : تمام فهمني هي
صﻻح : عندي شخص نعرغه المهم واصل هوا من القناقل
نزار : به
صﻻح : ايه بيمشي يتعشى هوا والمدام ف هداك المطعم
نزار : به وشن مشكلة
صﻻح : تي بيفشل مخطط هكي .. الراجل ﻻزم يمشي بالحجز للمطاعم معروف هكي … ووقت يحجز ﻻزم المطعم ايكون فاضي مافيشي حد اﻻ هوا ومرته … يعني خدمات خاصة من صاحب المطعم ويدير موسيقى هادية وجو اجانب
نزار : ساعة كم عادتا يمشي
صﻻح : قال ساعة 9
نزار : الميلن يعرف شكل الشخص الواصل هدا
صﻻح : ﻻ
نزار : عادتا يمشي بروحه واﻻ امن
صﻻح : بالحرس متعه
نزار : اماﻻ مليح بكل
صﻻح : كيف
نزار : نمشي انا ساعة 7:30 ع اساس ان احنا الواصل باﻻمن متعنا نمشوا بنفس خطتنا اﻻولى فرق تغير ان المطعم عنده علم بان شخص واصل وصل
صﻻح : وكان شك فيا
نزار : امممم عندك كروت واﻻ لبسة لعصابة معروفة
صﻻح : ايه ايه عندي لبسة لعصابة الراس
نزار : خﻻص ننسوها غادي بش الميلن ايشك في الراس … والشخص الواصل اييشد عصابة الراس على اساس انه انتحل شخصيته
*ارتخى صﻻح في كرسيه وابتسم ابتسامة فخر بالديناري وبدي ايصفق … وصفقوله الجماعة كلها *
صﻻح : اﻻفكار اللي عندك ماعند حد نزار : اه نسيت نقولك *** طانطا كبيرة متع نقل القزة … و25 عامل
صﻻح : اه لنقل البضاعة تمام
نزار : عرفت العمارة اللي مقابلة المطعم
صﻻح : ايه
نزار : خﻻص خلي صاحب الطانطا ايدرس وراها وتو نتﻻقى بيه غادي
صﻻح : تمام وتوا فهم بزبط واعطي لكل شخص دوره
نزار : امنت اﻻموزين و البدالي الكحل وسماعات بلوتوت
صﻻح : كل اللي قلت عليه ويخي جبتلكم بخاخ كان تبخه ع خشم الشخص ايدوخ
نزار : 100% والشاب النظيف
صﻻح : جبتلك زوز واحد عمره 36 والتاني 29
نزار : اعطينا 36 … لكن نحتاجو مراة
صﻻح : مراة ؟؟؟
نزار : ايه بش تاخد دور مرت الواصل …
صﻻح : منين بنجيبهالك هادي … اه عندي تونسية في الفيﻻ طيابة
نزار : حلوة
صﻻح : اطلع طول
نزار : خﻻص جيبها
صﻻح : حاتم … برا للفيﻻ متاعي وتو نكلمها بش تطلعلك تمام
حاتم : تمام
صﻻح : ووقت اتجيبها برا خودلها لبس حلو قفطان طويل هكي وبكمام وعباية وكندرة
حاتم : تمام نص ساعة ونكون اهنا
نزار : ووين زوز الشباب الي حيكونوا اﻻمن متع الواصل
صﻻح : قاعدين برا ف سيارة
…الووو فاتيحة… خلي كل شي في ايدك واطلعي قدام الفيﻻ حيجيك شاب سيارته رصاصية اركبي معاه … ايه ايه بيجيبك عندي ..سﻻم
* مشي حاتم وخدي فاتيحة وخدالها قفطان انيق مستور وعباية قنينة وكندرة وجابها للقيافة *
نزار : شن اسمك انت
الشاب : طﻻل
نزار : تمام ياطﻻل البس البدلة اﻻزرق كحلي و اسي شعرك والبس كندرة هادي
طﻻل : اوكي …
*بعد شوي *
نزار : حلوو … توا نبيك تتصرف بتعالي و تكون متكبر هكي حتى ف كﻻمك وتصرفاتك وتقعميزتك واكلك وشربك تقدر ؟؟
صﻻح : يقدر يقدر واخد دورة في اﻻتيكيت
طﻻل : صح واخدها ف مصر
نزار : مليح بكل … طبعا دورك هوا ان وقت نقولك عبر السماعة صفر صفر … دير زوبعة طلع الشعرة هادي من جيبك وحطها ف الماكلة وقول من امطيب الماكلة هادي وبهدل القرسون ان الماكلة بايخة وان فيها شعرة … وخلي كبير الطباخين وكل اللي ف المطبخ ايجو لعندك … و خلي المدير المطعم ايجي ويرضيك زماترضاش بسهولة بهدله وهدده انك حتسكر هالمطعم … فهمت
طﻻل : فهمت
صﻻح : وانت ف خﻻل هالزوبعة بتخش للمصنع اللي تحت
نزار : بالزبط ….فاتيحة حتكون زوجتك …. اتصرف معاها ع هالأساس
طﻻل : تم
نزار : فاتيحة انسي روحك انك طيابة…. اليوم انتي سندريلا
فاتيحة : هههه ايعيشك
نزار : ماتتكلميش بكل ابتسمي بس ووقت مايكونش فيه قراسين جنبك حركي شواربك زعميتك تهدرزي مع راجلك
فاتيحة : تمام
نزار : انس وانيس البسوا بدالي الكحل متاعكم وزبطوا اموركم وحتكون حرس شخصي ل طﻻل وراه بزبط فاهمين
انس وانيس : فاهمين
نزار : خود انيس … سماعة بلوتوت ماتتكلمش اﻻ لما نكلمك
انيس : تم
نزار : زهير ربحي و شنشوبة وسفيان وحاتم انتو معاي … حرس اللي قدام المطعم … البسوا البدالي … و سفيان هاك سماعة ﻻسلكي حطها ف ودنك
* لبسوا كلهم واستعدوا وحطوا نظاراتهم *
صﻻح : ردوا بالكم تفشلوا … المهمة حساية نوعا ما
نزار : ساعة سبعة توا … دقايق بس اندير اتصال وانجي
* طلع برا نزار واتصل بغادة
غادة : الو
نزار :اهلين حبيبتي
غادة : اهلين بيك
نزار : غدوش … ردي بالك ع روحك باهي …
غادة : عﻻش اتقول هكي شن فيه
نزار : ﻻ شي بس حبيت نسمع صوتك ونقولك ردي بالك ع روحك ماندريش ماحدش ضامن عمره
غادة : شن فيه نزار
نزار : مافي شي بس كان صارت حاجة تاكدي ان نزار ايحبك موت .. يﻻ سﻻم
*سكر الخط ودار تلفونه صامت ورجعلهم داخل ومشي لجيهة القيافة ووشوشله : شن اسمه الواصل صاحبك
صﻻح : خﻻفو
نزار : ومرته ؟؟
صﻻح : مش عارف راجينا حاجة زي هكي
نزار : راجينا روجينا رجينا ريجينا
صﻻح : ايوه ريجينا
نزار : تمام ….
تلفت وقال : الكل تلفونه صامت … وهي طﻻل وفاتيحة اركبوا ف سيارة ﻻموزين … انيس ايسوق وانس يركب جنبه .. والباقي كلهم معاي ف سيارة اللبوة
صﻻح : نسيتوا حاجة
نزار : شنو
*ناض صﻻح وفتح دوﻻب وطلعلهم مسدسات وقالهم : انسيتوا اتسلحوا روحكم
نزار : هههه فاتتني و**** … وردوا بالكم القراسين ف المطعم مسلحين
* خدي معاه كيسة نزار فيها لبسة طياب و لبسة متع عصابة الراس وطلعوا كلهم حسب مارتبهم نزار ومشوا للمطعم
نزار عبر السماعة : طﻻل اسمك خﻻفو تكلم بكل ثقة وقول عندي حجز
* وقت وصلوا للمطعم درست اللموزين وانزل انيس يفتح ف الباب واني يفتح من جيهة تانية …
ونزل نزار وجماعته متنكرين طبعا وﻻبسين بدالي اتسطروا قدام المطعم وبجنبه … خش طﻻل وفاتيحة والقرسون صدقهم وخششهم واي زبون ايجي يبي ايخش جماعة نزار اتوزعه … جي الميلن ايبيبي و فضى المطعم من زوز زباين ورحب بخﻻفو المزيف *
ربحي : بديت نتوتر انحس ان حنتكشفوا
نزار : ان شاء **** خير
* بعد ربع ساعة
نزار : طﻻل جابولكم اﻻكل واﻻ ﻻ
طﻻل : ﻻ
سفيان ل نزار : … ساعة 8:05
يستر : يستر ****
طﻻل : جابوها
نزار : انا حننسحب لسيارة ناخد الكيسة و نرجع … استنوني
* مشي عالسريع ورجع *
نزار : سفيان والشنشوبة وزهير تعالو معاي …. حاتم وربحي خليكم قدام المطعم
ربحي : اوكي
*مشوا وراء المطعم وبدلوا لبسوا لبس قراسين وخدوا مسدساتهم وحطوهم ف خسرهم وخشوا من الباب الخلفي … الشاب اللي واقف عالباب من داخل استغربهم وشك فيهم وكيف بيكلمهم طلعله نزار بخاخ وبخه ع خشمه فطاح الشاب وحطه ف تركينة ….
خش نزار ولقي عالم حايس من كميات المخدارات وجميع اﻻصناف
الميلن : ايه ايه اهو واتيات زوز طانطات …. بزبط ايه اهو ايعبوا فيهم في كياس ملح … تمام سﻻمات
نزار عبر سماعة : صفر صفر
* دار الزوبعة طﻻل ف المطعم وجو نادو الميلن
الميلن : غير استهدى ب**** … شن المشكلة
طﻻل : طباخينك كلهم ماعندهمش اسلوب كيف ايكلموني بطريقة هادي كيف
*خش نزار للمكان وكلم الشاب
نزار : شنو واتيات طانطات
الشاب : ايه
نزار : باهي تمام هي خلي نطلع بيهم
الشاب : قالك الميلن ؟؟
نزار : اماﻻ عﻻش جاي بنرفعها …هوا حد يقدر ايدير حاجة من وراء الميلن
الشاب : اممم به وين المكان
نزار : تعال نقولك ع انفرد مش قدام باقي الشباب
* خداه نزار وراء الطانطا وطلع البخاخ وبخه ف وجه الشاب وشده وحطه ف طانطا … جي شاب تاني وشاف عملة نزار كيف بيتكلم عطاه سفيان خبطة على دماغه وبخله ف خشمه البخاخ وحطه جنب صاحبه …شافهم شاب من بعيد فصيح … طلع نزار مسدسه وركبله كاتم الصوت .. وعطاه رصاصتين ف رجليه …
العامﻻت فلبينيات خافو
سفيان : اقعدو ف تركينة مش حتصيرلكم حاجة
* ركب نزار الطانطا وركب وسفيا ف طانطا التانية وشنشوبة قعد بحدى العامﻻت …ش
وطلع نزار و سفيان من الباب
ومشوا لشارع اللي بعده ولقوا الطانطا كبيرة و25 عامل اللي باعتها ااقبافة فرغوهم في غضون 8 دقايق ….
نزار : فيسع البسوا البدالي متاعكم
انيس : نزار ساعة 8:35
نزار : اوكي
* لبسوا بداليهم فوق لبسة القرسون ولوح نزار ف طانطا متع الميلن لبسة عصابة الراس … مشت الطانطا و25 عامل بالدرقة من جيهة التانية ورجع نزار وسفيان لمكانهم
نزار : شنشوبة خليك ع استعداد من اول مانقولك اطلع اطلع طول ولف عالمطعم وبرا لشارع التاني تو نجو ناخدوك
شنشوبة : تم
نزار : ماتنساش ادير حريقة ف المصنع
شنشوبة : اوكي
طﻻل : تي كيف اتقدموا ماكلة بشعر متعها درهتولي مبدي
الميلن : حاضر يااستاد تو نغيره الطاقم
طﻻل : حنسكره حنسكره هالمطعم
نزار : طﻻل نوض زعميتك اضايقت
طﻻل : خﻻص معش *** منك شي حول …
ناضت ريجينا مع طﻻل وركبوا سيارات كلهم ومشوا ونزار وجماعته لفوا عالمطعم وخدي شنشوبة واشتعل حريقة في المصنع تحت العامﻻت كلهم هربوا والحشيش كله فسد … طفو الحريقة والمطعم فوق ماصارله شي
القيافة : و**** يا ديناري انت 100 %
سفيان : و**** كله صار زي الحلم ههههه
شنشوبة : انا قريب متت قلت كما يخش عليا الميلن وانا ف المصنع لوطا
نزار : ههههه حظك طﻻل عرف كيف يماطله
* وقف صﻻح وطلع شنطة فيها فلوس من دوﻻب وحطها على الطاولة وفرق لكل شخص 3000 دينار عالمهمة … ونزار عطاه 6000 تخطيط وتنفيذ
نزار ردهمله وقاله : ﻻﻻ مانبيش فلوس انت عارف وانا عارف عﻻش وافقت بيها المهمة هادي
صﻻح : اه اوكي على راحتك
ترررررن تررررن
صﻻح : الوو
صوت غريب : انت نفدت العملية عن طريق دراعك اليمين … الديناري واﻻه
صﻻح : منو … منو معاي
صوت غريب : مش مهم منو المهم بتنفدلي مهمة انت وياه يا نبلغ الميلن انك وراء هدا كله
شن بيصير ف القيافة وشن بيرد على الشخص المتصل وكيف بيتصرف معاه؟؟ وهل يرفض او يقبل ؟؟ وشنننن بيصير في الديناري لو سمع هالكلام ؟؟ اجابة على هالتساؤﻻت هدا اللي حنعرفوه ف الجزء القادم …
يتبع…….
الجزء الرابع عشر من رواية عاصفة الصمت
ترررررن تررررن
صﻻح : الوو
صوت غريب : انت نفدت العملية عن طريق دراعك اليمين … الديناري واﻻه
صﻻح : منو … منو معاي
صوت غريب : مش مهم منو المهم بتنفدلي مهمة انت وياه يا نبلغ الميلن انك وراء هدا كله
صﻻح : منو معاي قلت
الغريب : بلقاسم الحبيب
*فتح عيونه صﻻح عﻻخير ماتوقعش شخص واصل وراس وقنقول ايكلمه ويقوله نفدلي مهمة *
صﻻح : ان شاء **** … مهمة شنو
بلقاسم : تعالالي ف المكتب في ليل عساعة 12:30 وتو نفهمك
*توت توووت توت *
شنشوبة : خيرك يااستاد صﻻح
صﻻح :ﻻ شي … روحوا خﻻص لحياشكم ارتاحوا وشوفوا اموركم ..
الكل : اوكي هي السﻻم عليكم
صﻻح : ديناري خليك
نزار : اوكي …
صﻻح :قعمز قعمز
نزار : تمام .
صﻻح : انا عارف انك تبي اتولي نظيف … بس مرات حاجات درناها في ماضينا تقعد اتلحق فينا … وماننكرش اني نبيك معاي بس وهادي اكيد رغبتك لكن تاتي الرياح بما ﻻ تشتهي السفن
نزار : القصد من هالكﻻم
صﻻح : مش حيخلوك في حالك يا نزار … اتصل شخص وقالك نبيك تنفدلي مهمة
نزار : انت قتلي اخر مرة شن اتقولي شخص ومهمة
صﻻح : هدا اللي صار
نزار : مش حنفد شي
صﻻح : ياديناري
نزار : ﻻ ديناري وﻻ عاشور مانيش داير شي
صﻻح : هدا ماينقالاش ﻻ
نزار : انا بنقوله ﻻ
صﻻح : ماكش قده
نزار : اعلى مافي خيله يركبه … سﻻم عليكم .
صﻻح : يقتلوك حتى القتل هادو
* وقف نزار ومتجه للباب ومايبيش يرد على القيافة *
صﻻح : اسمع مني… نزار خايف عليك ياولدي …
* طلع ركب سيارته نزار وهوا متغلغل ضرب عالستيرسو ويقول : عﻻش عﻻااااش تعبت و**** تعبت منهم قريب انولع ف روحي ونرتاح.
*روح للحوش خلوقه في تل اتصل ب غادة ماردتش عليه فخش للمربوعة وكل حد يبي يخشله مايخليشي لييين جت ساعة 12:30 في الليل *
صفاء : طفي الضي يالبنى
لبنى : به خيره نزار
صفاء : مانعرفش بري شوفيه كان تبي سكري عليا الضي خلي ننخمد
لبنى : به شن فيه
مروة : بﻻ تزنزين يا لبنى خلينا نرقدوا
لبنى : باهي باهي اهو سكرته انخمدوا
*طلعت لبنى للمطبخ خدت عصير برتقال ومشت طقطقت عليه
لبنى : نزار .. نزار
نزار : بري يالبنى
لبنى : جبتلك عصير
*خشت لبنى عليه ولقاته مقعمز *
نزار : شن تبي
لبنى :خيرك نزار
نزار : شي … تره خليني فحالي
لبنى : باهي جبتلك طاية عصير
نزار : مش خاطري في شي
*قعمزت لبنى بكل تطفل وحطتله العصير قدامه وقتله : ماعمري ريتك مضايق بشكل هدا..
نزار : شي ايضايق …
لبنى : سامحني مش قصدي نتطفل عليك
نزار : مش عليك … بس هكي فبالي حاجات اضايق …
لبنى : فضفض …
نزار : و**** شن بنقول ياضرسي خليها في القلب وخﻻص
لبنى : *** ايهدي سرك …
نزار : اخ اخ اخ وخﻻص … انفكر ننتقل بيكم لجيهة تانية
لبنى : اللطف
نزار : قلت انفكر
لبنى : وين بننتقلوا
نزار : مش عارف و**** ماعارف المشكلة وين مابنمشي بيلحقوني
لبنى : من بيلحقك
نزار : ناس تافهة …
لبنى : ماتحرقش دمك عليهم
نزار : يستر **** … راك اتقولي للعيلة اني بننتقل بيهم
لبنى : ﻻﻻ مش حنقول …
نزار : قوليلي لبنى … الشخص لما يدير غلط ويبي يتخلص منه عﻻش ﻻزم يقعد يﻻحق فيه الشي اللي داره … عﻻش مايفوتوش الموضوع ويديروا الحولة … تعبت و**** تعبت
*** نشتغل شغل نظيف ع راحتي
* وفي هده الجملة نسي ان لبنى بحداه *
لبنى : هﻻش انت شغلك مش نظيف واﻻ شنو
نزار : اه ﻻ قصدي في العمل الواسطة والمحسوبية والجو هدا مايدوروش عالكفاءة فهمتي
لبنى : كلها هكي يانزار عندك من فظهرك شخص اتعيش امير … ماعندكش هاوينه زيك زي اي مواطن ليبي تلقاه خامر ماهنداش شهادة اعدادي وحاطينه مدير
ركز نزار ل لبنى وقالها : شن مدايرة ف شعرك
لبنى : تصفيفة جديدة عجباتك
نزار : ههه هه هههههههههههه وووك عليا جنابي ههههههههههه
لبنى : قصدك مش حلوة
نزار : ههههه رايحة زي الديك الطلياني
* حرجت لبنى وولى وجها احمررر *
نزار : حرجتي ؟؟؟
لبنى : ﻻ عادي
مد اييه نزار فوق شعر لبنى ووقف ع ركبيه وقالها : ياحراجة اصبري هاه لو هادي التوكة اتنحيها خيرها علقت هيا
* علقت توكة لبنى في شعرها وهيا كانت قريبة من نزار تمنت لو ان التوكة اتزيد اتعنكش ف راسها بش اتكون قريبة منه لفترة *
نزار : خير جدها توكتك
لبنى : اي اي راك اتقطعلي شعري
نزار : معش بت تتنحى
* قامت يديها لبنى وصادفت جت فوق ايد نزار … والتقت اﻻعين عن قرب … لبنى سارحة ف نزار ونزار سرح ومش عارف روحه فاش سرح
نزل ايديه نوار وقالها : مابتش تتنحى
لبنى : تو نقصه بالمقص اصﻻ *** نقصه شعري
نزار : ﻻ ماتقصيشي
لبنى : عﻻش
نزار : هكي … مش حلو شعر قصير … خلي صفاء اتنحيهالك وخﻻص
لبنى : به … حق نبوا كمبيوتر نيزو
نزار : كمبيوتر اممم باه تو ناخدلكم واحد
لبنى : بجد
نزار : ايه
القيافة : يااستاد بلقاسم … االشاب حاليا مريض … نفد المهمة هادي وهوا تاعب
بلقاسم : شن مرضه
القيافة : اه عنده اﻻيدز … خليه يعيش مافضله من ايام مع اماليه واحبابه
بلقاسم : به جسمه فيه اﻻيدز اماﻻ
ايخططلي وجماعتي اتنفد
القيافة : ان شاء **** حنقوله
بلقاسم : وبمجرد مانعرف ان خبر مرضه كدب …. ياويلك انت مع هوا
صﻻح : ﻻ مش كدب … حقاني
طلب مني ليك خليه بس … واي مخطط انا حاضر حنخليه يخططلك ف كل عملية ويعطي الدوار لرجالتك
بلقاسم : اممم باهي خﻻص تمام
ثاني يوم …
غادة : حبيبي نيزو
نزار : ياعيونه
غادة : امس طول الليل وانا نفكر فيك … وانشغلت عليك
نزار : عﻻش
غادة : خفت عليك
نزار : من شنو
غادة : مانعرفش انت قتلي ماحدش ضامن عمره ومش عارفة شنو
نزار : ﻻﻻ ماتاخديش فبالك .. غير امس خاش عركة مع شباب
غادة : حسيت هكي … معش اتخش ف عركات نيزو … شن تبي فيهم
نزار : اهو المهم شن جوك
غادة : باهية امي باعتتني للمحل … شن رايك نشوفوا بعض
نزار : ياريت … امت بتطلعي
غادة : مع ساعة 12 هكي
نزار : حﻻص انكون مشيت لشركة وشفت اموري ونجيك بحدى السوق
غادة : اوووكي باي حبيبي
نزار : بايات ياقلبي
خ رقية : نزار ولدي وين ماشي من الصبح
نزار : بنمشي نشوف الشركة اللي قدمت فيها بالك صارت حاجة
خ رقية : اه به *** يفتحها ف وجهك
نزار : ان شاء **** … مانوصي بشي
خ رقية : جيب خضيرة وانت امروح
نزار : باه ان شاء **** …
* وكيف نزار بيطلع جاته لبنى *
لبنى : نزار … نبو نطلعوا انا ومروة وصفاء … خلينا هالمرة
نزار : وين ؟؟؟؟
لبنى : محﻻت اللي فجيهتنا …
نزار : اكتبيلي شن تبي تو نجيبلكم
لبنى : ﻻ عاد هادو اكسسوارات وحاجات نبو نختارو على عينا
اليوم عرس بنت حليمة
نزار : تو نجيبلكم اكسيوار واﻻ مش عارف شن هوا
لبنى : نزار !
نزار : لبنى !
لبنى : ب**** عليك
نزار : باهي باهي وقت انروح نرفعكم اخﻻص
لبنى : باهي اوكي
الفتنة : انا قتلك وخﻻص يستنوا فيه بس على غلطة الديناري متاعك كلهم متحلفين فيه
القيافة : تي معش ولى من رجالتي افهم
الفتنة : ﻻ فاهم … اتنفدوا من تحت لتحت وزعميتك نظيف مع تايد الجديد مافيش مستحيل
صﻻح : وبه انت من الكﻻم هدا كله شن بتستفيد
الفتنة : ﻻ مش موضوعي الديناري جايك بش نولوا شراكة في الخدمة الحلوة رجالتي ع رجالتك سمنة ع عسلة ونخدموا مع بعضنا
صﻻح : معناها عندك عداوات وجاي اتربط ف حبالك بش يبدى عندك ظهر
الفتنة : باهي شن ماتبيش قصدك
صﻻح : انت عارف ردي يافتنة
اكيد مانبيش
الفتنة : به به … ع راحتك يالقيافة
صﻻح : اكيد ع راحتي … وكان بتفتن اهنا واﻻ اهنا نعرف سن نديرلك …. ملفاتك القديمة عندي … ودوتك عالقايد مسجلة
الفتنة : باهي باهي وانت كل مادق الكوز بالجرة دوتك مسجلة خﻻص ماشي هاه
صﻻح : امشي ومن غير فتنة
* طلع الفتنة وهوا ايدور في مشكلة ايلفقها للقيافة …. فمعش عرف شن ايدير فقرر انه يتبلى على صﻻح عند الميان ويقوله …. اتصل بالميلن وقاله القيافة هوا اللي طب عليك ودارلك عملة متع المصنع ….
الميلن : من قالك يالفتنة ؟؟؟ بالك تبي اتوقع بيني وبين القيافة
الفتنة : تي شن انوقع بينكم فكر فيها … من يقددر ايدير حاجة زي هادي للميﻻن قولي اكيد شخص عنده تريس تحته ومش اي تريس تريس يخطط ويخطط مليح بكل
والشاطر يفهم
الميلن : ديناري قصدك !
الفتنة : ومن غيييره …
الميلن : ﻻﻻ عصابة الراس هادي … مايديرهاش فيا القيافة
الفتنة : القبافة واحد مصلحجي ايهمه نفسه … عموما انا قتلك وخﻻص … وانت وراحتك … سﻻم يالميلن
* حط النقال الميلن على الطاولة وقعد ايخمم … زعما اللي قاله صح ! ﻻﻻ القيافة مايديرهاش الفتنة يبينا نتعاركوا ….لكن عصابة الراس مايتجرئوش يديروها … عصابة الراس يخنبوا ف فلوس بس مش حشيش و ي ح ر ق وا المصنع بش معش نضارب عليهم …. كان نتحقق من موضوع ويطلع صح مامظل اﻻ مصفيهم واحد واحد
ساعة 11:35
غادة : حبيبي انا كيف وصلت السوق انت وين
نزار : اهو قريب نوصل زحمة بس … وعندي ليك خبر حلوة وحاجة حتعجبك
غادة : قولي حبيبي
نزار : ﻻﻻ وقت نوصلي يﻻ باي سويتي
غادة: بايات
حنين : غادة … شةفي هداكا
غادة : بﻻ معكسات
حنين : معاكستاش هوا من بكري يشوفلي …. به ارزني وخلي نخشوا السوق ..
*شوي تاني بعد ماخشوا خش وراهم الشاي *
الشاب : يابنية يابنية … خودي لرقم بس
غادة : ماتتلفتيش
حنين : تي اسكتي خليني
غادة : بش عندك حسن
حنين : متعاركين
*تلفتله جنين وابتسمتله وخدت الرقم ومشي الشاب
غادة : ارتحتي او
حنين : ايه ارتحت
نزار : الوووو
غادة : اهلا
نزار : وين انتي
غادة : ف قسم الغدائية
نزار : جاي هي
* دورها نزار لين لقاها ومشالها *
غادة : كيف حالك نيزو
نزار : تمام بشوفتك وانتي ياقمري
غادة : الحمد*** كويسة … قولي شن الخبر الحلو
نزار : اممم الخبر الحلو قبلوني في الشركة
غادة : الحمد*** ياربي الف الف مبروك ياروحي
نزار : **** يبارك فيك ياعمري
والحاجة القنينة …. هادي تفضلي هي
غادة : شن هيا
نزار : شوفيها بعدين .. يﻻ ردي بالك ع روحك نخاف يشوفك حد من اقاربك . .. ردي بالك ع روحك و ماتعطليش ف السوق باهي
غادة : خليك شوي تاني … ديما كل ماتشوفني افل من دقايق وتمشي
نزار : مانبيش حد يشوفك يامهبولتي
غادة : مايحي حد اهنا من اقاربي
{ياهمي شن بنقولك نخاف حد من الدرهات شوفوني معاك ويدبروا فيك شي اخخخ ياغدوش واﻻ تحسابي انا مانتقطعش ع خاطر مانقعدش معاك هلبا بس **** غالب}
غادة : دودي وين سرحت
*لمح نزار شخص ﻻبس نظارات وشاد ولده عمره في جو 8 سنين … كيف خش من السوق وعينه عليه وجاي جيهته .. فقرر ايدير فيلم وقال ل غادة : اللي يسئلك انتي ماتعرفينيش اوكي غادة : عﻻش
نزار ؛ ديري زي مانقولك …
غادة : به به اوكي
* والشخص يتقدم بتجاهم فعلى صوته نزار وقال : انتي خيرك اتلحقي فيا من بكري اتحشمي مانبيش نكلمك ….
سمعت حنين صياحه فجاته وقتله : خيرك اتكشخ عالبنت
* تلفت نزار ومشي وقدامه تﻻجة مرش يشوف ف تحركات الشخص جي جيهة غادة وفاتها ومشي ..
* قعد نزار ف السوق يراقب في غادة خايف عليها لين طلعت وطلع نزار وراهل وركب سيارته ومشي وراها وماطمنش اﻻ وصلها للحوش وان مافيش حد يلحق فيها …..
حنين : خير بﻻه كشخ عليك
غادة : مانعرفش خيره سرح فجاة بعدين زي اللي شاف شخص اتلكمس
حنين : قصدك خايف من حد ايشوفه
غادة : ﻻ بس نتوقع واحد من اللي دار معاهم العركة امس مش عارفة الحق عﻻش دار هكي
حنين : عركة شنو
غادة : تو نحكيلك بعدين
حنين : به وريني شن جابلك
غادة : اي هي خلي نشوف
حنين : محﻻااااها ياكلبة هادي اللي مرة حكيتلك عليها قتلك محﻻت اول ستمبرر ايبيع في بلوزات حلوات
غادة : هههه اهو طلعت حظي انا… ياوخيتي سلمه خلي انوض انقيسها
نزار : لبنى …. صفاء وينكم
لبنى : انعم … بنرفعنا توا ….
نزار :ﻻﻻ جبتلكم معاي اخرابيش تعالو شوفو
صفاء : خرابيش شنو
مروة : اكيدة اكسسورات ههههههه
لبنى : بش قلت بترفعنا
نزار : ﻻﻻ صار موقف قدامي هكي مايطمنش
لبنى : مواقفك ﻻ تنتهي نزار
نزار : ضرسي معش اتندكي ع روحك شن تبي في المحل …. جيبيلي خو يدلل خواته هكي
لبنى بكل تعصب
ونبرة حادة قتله : مش اختك انا
نزار : به ياجداي اهو جبتلكم المحل لي عندكم اختارو اللي تبوه وين
*لبنى تربطم بكلمات غير مفهومة تسحن ع نزار *
نزار : وين امي وخالتي
مروة : ف دار الخزين
* مشي ل امه وخالته وعطاهم تاكم ذهب ل امه وتاكم فضة لخالته ام لبنى اغتاضت وماعجبتهاش اللقطة ونزار ماكانش قصده غير مش رافع معاه فلوس فاطر ياخدلها فضة *
القيافة : الو
نزار : انعم
صﻻح : نوض فيسع وتعال نبيك
نزار : خليني ب**** عليك مانبيش نشتغل
صﻻح : و**** مازال اتكلمني بطريقة هادي مامظل اﻻ قاتلك نوض فيسع وجهك لعندي
نزار : ان شاء **** ان شاء **** سﻻم
{استغفر **** العلي العظيم … الصبر انا قريب انهج من هالبﻻد وخﻻص المشكلة وراي عيلة الصبر وخﻻص }
* طلع نزار بتوتة اللي عليه وحط سﻻحه فخسره و بوخوصة في جيبه ولبس شبشب صبع وطلع *
الميلن : اليوم …يخي تواااا توا اطبوا عليهم فاهمين ….
مهند : باهي كيف يااستاد بطب عليه شن بديرله
الميلن : اقتلوا واخنبوا واحرقوا
مهند : والديناري
الميلن : اقتلوه شن خايفين منه
مهند : خطير الديناري ماحدش يقدر عليه
الميلن : امك الخطيرة ابتمشي تلم جماعتك كلها وتمشووووله
مهند : باهي حتى ولو تاكدت انت انه هوا القيافة دارها
الميلن : كل الخيوط اللي فعقلي ادل عليه ادل عليه هوا مصنعي فلوسي بضاعتي كلمتي قدام التجار * ناضت عليه الهستيرية *
مهند : غير هدي اعصابك
الميلن :يا حشمتي قدام الناس الميلن خسر بضاعته وفلوسه يا وووووه هاتلي الحبة الحبة يامهند الحبة
مهند : هيا هي … دقيقة بس
غادة : تي فكيني ياحنين بﻻ جو مش حنعطيك النقال راهو
حنين : ماخصنيش فيك انا مكسدة ونبي نكلمه
غادة : تي انتي امتى عرفتيه بش حتى تتصلي بيه وبتهدرزي
حنين : تي بش انا وياك امبكري وعطلني الرقم
غادة : ايه لكن مش بش تتصلي بيه
فكيني غير يزبط نزار ويديرلي مشكلة
حنين : افففف منك وكيف بيزبط هي
غادة : مش عارفة
حنين : انتي ديما خايفة من نزار اترعي منه تعالو نطلوا ﻻ فكني نزار … تعالي نمشوا مكان بعد المدرسة ﻻ نخاف يشبحني نزار … تعالي نعاكسوا ﻻﻻ مصحك و نزار اف فددتيني نزار نزار نزار
غادة : انحبه مش مني
حنين : به بتعطيني النقال واﻻ ﻻ
غادة : ﻻ
حنين : ووووه و**** معش نكلمك راه وﻻ عاد انجيك بكل…
غادة : خيرك هكي
حنين : خﻻص بﻻش معش نبيه تلفونك
غادة : باه هاك وقوليله ماتعاودش
حنين : مانبيش
غادة : تي خوديه … هاااك
حنين : باهي …
09250688**
حنين : الو مساء الخير
الشاب : توا صباح ياحلوة مش مساء حنين : به صباح الخير
الشاب : صباح الورد من معاي
حنين : انا اللي امبكري عطيتني الرقم …
الشاب : اه ايه ادكرت شن اﻻخبار
حنين : الحمد*** بخير
الشاب : شن اسمك
حنين : اسمي اممم
الشاب : شن اتفكري اماﻻ
حنين : ﻻﻻ شنو معقولة بنفكر ف اسمي ههه اسمي عفاف
الشاب : عاشت اﻻسامي …
*وصل ديناري ونزل من سيارته
نزار : خير ياشباب
زهير : خيرات يامعلم انستنا
شنشوبة : خيرات ياطيب
* خش نزار للقيافة *
الشاب : ايه شن قتيلي
حنين : ماقتليش اسمك
الشاب : اسمي زهير
يتبع……….
الجزء الخامس عشر من رواية عاصفة الصمت
* خش نزار للقيافة *الشاب : ايه شن قتيلي
حنين : ماقتليش اسمك
الشاب : اسمي زهير
الشنشوبة ل زهير : ف من اتكلم واخد تركينة وصوتك واطي
زهير : تي غير اسكت ياراجل …
سامحيني غير هدا صاحبي هههه حشري .
حنين : هههه عادي وﻻ يهمك
نزار : اساويكم
القيافة : وخيرك اتقوول فيها من غير نية
نزار : ﻻن جيتي اهنا من غير نية
صﻻح : عندك علم انك حارقلي دمي بتصرفاتك وكﻻمك … اقريب نسحب عليك …
*جي العارف … وواقف يتسنط عليهم ..شاف القيافة ظل وزبطه العارف يتسنط فانتهز الفرصة يبي يتبت ل العارف ان ديناري معش يشتغل عنده …. فطلع سﻻحه صﻻج وداره ف وجه نزار وفي نفس اللحظة طلع سﻻحه نزار في وجه القيافة …. شبحهم العارف وماقدرش ايفوت اللحظة التاريخية ….فتح تلفونه وصور اللقطة …
صﻻح : نزل سﻻحك ديناري
نزار : انت من بتسحب عليا .
صﻻح : نزل سﻻحك قلت …
* نزا نزار سﻻحه وحطه ف خسره *
صﻻح : تي حتى بنسحب عليك موت في مكانك واصﻻ لو اني *** نقتلك مش صعبة بكل … نقتلك وبكل سهولة
* على خشة العارف
العارف : يظهرلي اﻻمور خرجت عن السيطرة …
نزار : غير سلم قبل
القيافة : نزار !
العارف : اووو عزيزي الديناري اقوى واخطر واصعب تاجر مخدرات
نزار : ﻻ عزيزك وﻻ واحدة منين المعرفة
صﻻح : خﻻص ديناري
العارف : شنو قيافة عرفه بيا بالك الشبوب مايعرفنيش
صﻻح : العارف …. عضو اللجان الثورية … وكان ظابط وحاليا متقاعد ..و شاد الجمارك
نزار : تشرفنا
قعمز العارف وطلع غليونه من جيبه وولعه وبدي يدخن … وقال بكل تعالي : لكن انت كدبت عليا يالقيافة …. وانا مانحبش من يكدب عليا
القيافة : ماكدبت عليك في شي .. الديناري معش يخدم عندي وانما كان خاطم بس بيسلم ومروح … تقدر اتروح ياديناري
العارف : ﻻ مايروحش … خليه انا مستانس بيه
{استانست بيك لفعة ياعافن و**** كان مش من القيافة راني نضت عفجتك طريحة واﻻ قتلتك مرة واحدة}
العارف : انا من قبل عرضت عليك تشتغل عندي بس قالي صﻻح انك تبي اتولي نظيف
نزار : ايه معش *** نخدم هالخدمة ومعش *** نتلفت وراي
العارف : به شن رايك انك حتشتغل عندي تحب واﻻ تكره
القيافة : مايقدرض
العارف : يقدر وغصبا عنه
*وقف نزار وقال : ماف….
قاطعه صﻻح وعلى صوته وقال : ديناري
العارف : شكلي بنحبسك كم يوم تتربى بش تتروض
{شن تشبح فيا فرس واﻻ ثور هايج }
صﻻح : يالعارف … ديناري خداه شخص اقوى مني ومنك …
العارف : ومن هوا
صﻻح : بلقاسم الحبيب
* سكت العارف وجمرة طاحت في اميا …. وقال : و**** وصارلك ظهر قوي يا ديناري …. اما نشوف كيف بتولي نظيف … وراك وراك لين انغرقك في شي مايرضيكش
* نفث دخانه على هيئة حلقات فب الهواء ووقف ومشي ولحقوه الكﻻب متعه ركبوا سيارات مشي *
صﻻح : يعني ماتقدرش اتشد روحك … تكتم غيضك اي شي
نزار : مستفز هالبلي يالقيافة مستفز
صﻻح : عموما فيك اﻻيدز
* انخلع نزار ومن صدمته معش يعرف ينطق وﻻ حرف
صﻻح : ماتخافش زورتلك تقرير انك مصاب بالإيدز بش معش بلقاسم الحبيب ياخدك عنده وتبدى تنفدله مهامه …
نزار : تعبت يالقيافة و**** قريب نبكي خﻻص فديت يلعن الساعة اللي لقيت فيها حاتم وجرني لهجراير
صﻻح : خﻻص ماتقعدش تولول زي الولية خﻻص شي وانت فيه توا ..
ربحي ل زهير : الديناري اهنا ؟؟
زهير : ايه
ربحي : باهي تمام …
* خدي تركينة واتصل
ب حوش نزار *
لبنى : الو
ربحي : يامساء الخير
لبنى : مساء النور …
ربحي : عرفتيني
لبنى دارت روحه رزبنة وقتله : ﻻ من معاي
ربحي : عﻻء …ربحي
لبنى : نزار مهناش
ربحي : باهي كيف حالك وحال العيلة
لبنى : تمام بخير الحمد ***
القيافة : انا قتله ﻻن فيه اﻻيدز فقالي خﻻص يخططلي وجماعتي اتنفذ
نزار : و**** شي يبغضض
القيافة : خود تقاريرك المراضية وروح ..
* خدي نزار الورق وطلع من عند صﻻح وهوا طايرتله لقي ربحي عايش الدور ويهدرز ف تلفون … جي من وراه وقاله : تي فمني اتكلم
* سكر الخط ربحي وتلفون في قريب طاح منه ورد عليه : خيرك ياراجل خلعتني
نزار : ههههههه تستاهل الخلع عايش الدور واخد تركينة وغراميات ربحي : ههههه كنت انكلم فصاحبي
مهند : يالميلن … يالميييلنن
الميلن : اس اس اس خليني نستمخ بهالحشيشة الفاخرة وانت صوتك زي الرعد
مهند : شوف … شوف صاحبي شن بعتلي برسالة وسائط
الميلن : شن بعتلك مراة رقاصة
مهند : غير شوف بس
* قام راسه الميلن وخشمه كله معبي بالبودرة وعيونه زي تشاينة
ولوا زي الممثﻻت الهنود
الميلن : تتسهوك
مهند : و**** بجديات
الميلن : واااااه لقطة نادرة … القيافة وديناري مصوبين سﻻح على بعض
مهند : ومعناهااااا
الميلن : معناهااا معش يشتغل عنده
مهند : ومعناهاااا
الميلن : معناها اﻻنتقام من صﻻح اسهل واسهل
مهند : هههه ومعناهاااا
الميلن : معناها انطبوا عليهم توا
مهند : ومعناها
الميلن : ياحمااااار مئة مرة انقولك معش اديرلي هكي تعرفني نوعيتي نفكر بصوت عالي وانت تشدلي فيها معناها معناها بش تضحك !
مهند : اسف اسف اخر مرة
* مسح خشمه الميلن وقاله :برا لم الحواش وركبهم فسيارات واهو جاي
مهند : تمام هي
لبنى : صفاء وووك عليا وووه هدا اخر يوم ليا
صفاء : شنو فيه
مروة : تي اتكلمي يادعوة
لبنى : نننننننننن
صفاء : خيرك جدك اتكلمي
لبنى : نزار
صفاء : خيره
لبنى : ك ك ك كنت انكلم في صاحبه … فجاة سمعت صوت نزار قاله فمن اتكلم … بعدها ربحي سكر عليا الخط
مروة : حنازتك اليوم
صفاء : حيه علمك حيه
لبنى تبكي : حي عليا و**** يدبحني
مروة : مش غير يدبحك نزار حيعدمك
صفاء : قتلك امعش اتكلميه واﻻه .
مروة : هدا غير اتحبي نزار
لبنى : و**** كلمته شوية مش هلبا
صفاء : هلبا واﻻ شوية مهم هدرزتي
لبنى : به دبروا عليا كيف اندير
مروة : و**** ماني عارفة كله منك اهو عرس بنت حليمة اليوم وبيغبرها علينا ﻻ يصير من مشي ﻻ واحدة
لبنى : انا بنموت من خوفي وانتي تقوليلي عرس ووووه عليا ووووه
* كمل نزار هدرزة مع الشباب وماشي ركب سيارته يسمع في صوت
شنشوبة كان فوق السطح شاف سيارات كحل جايات يجرو فقال : كبسااااا
زهير : اووومااااا .. نادي الشباب ياربحي وراء المستودع
شنشوبة : ياديناااري …. ديناري
* طلع صﻻح قدام المستودع بيشوف شن فيه …وخر سيارته نزار وطلع من الباب الخلفي ومشي *
{يطربقوا… يكبس عليهم من يكبس … طز فيهم خلي يقتلوا بعضهم اقلها نعيش حياتي }
القيافة : وين الديناري
زهير : هرب
القيافة : صحة ليك يانزار الكلب صحة ليك …. فيسع خودو مكانات .. حاتم و زهير ديرو مصدات … فيسع
تسطرو سيارات الميلن قدام مستودع القيافة
والشباب ﻻبدين وراء حاجات وطاوﻻت
{عيب عليك يانزار عيب العشرة ماتهون اﻻ على وﻻد الحرام وانا مش ولد حرام… اخ اخ خلي نرجع وخﻻص}
نزل الميلن وجماعته
الميلن : تحرقلي مصنعي يالقيافة انااااا ادير فيا حاجة زي هادي ؟؟؟ اطلع اطلعلي اهنا ويييينك
*طلع القيافة ووراه سفيان وشنشوبة وقاله : ومن قالك انا
الميلن : مافيش غيرك …
القيافة : ماعندكش دليل واحد ضدي
حك خشمه الميلن وشاف بنظرة حقد وقال : به سؤال ياقيافتنا الموقرة …. من يقدر ايخطط وينفد بدقة تامة وببراعة غير دراعك اليمين الديناري
القيافة : فيه هلبا
الميلن : انت عارف وانا عارف هاااااطشوووو … انت عارف ان مافيش غيره الديناري …. لكن توا انبترت دراعك اليمين اصبحت مبتور يا لقيافة
القيافة : ﻻ مبتور و مفقود اهو قاعد قدامك بخيري وخميري وياجبل ماتهزك ريح
الميلن : وصلتنا صور برسايل وطايط مهند : هههه
الميلن : ضم فمك ياحمار … وصلتنا رسالة وطايط صورة انت ماسك السﻻح ضد الديناري وديناري مصوب عليك يعني انتو متعاركين
ومعش فيه ديناري دراعك اليمين يعني مبتور …. مبتور واﻻ ﻻ ياجميعا
جماعة الميلن : مبتور
جاهم صوت من وراهم : حناكم المبتورة
* تلفتوا لصاحب الصوت ولقوا الديناري واقف
الميلن : شن جيبك انتا مش وقتك ..
نزار : كل وقت وقتي… وانت عافس في جيهة غلط ومش ليك
* جماعة الميلن خافوا ومايبوش ايبينوا *
الميلن : شن تستنوا ياحواش دونكم ليه
* وخر الميلن وجي فجيهة ووقف
وتلقطوا جماعة الميلن ع نزار فطلعوا جماعة القيافة وصارت عركة كبيرة … جي شخص من وراء نزار ودربه بالمرتكة ( لوحة غليضة دائرية الشكل ) على كتفه …تلفتله نزار وبخفة تامة رشقله البوخوصة في بطنه
وكيف شخص بيضرب ربحي طلع نزار مسدسه وطلق رصاصة جت في يد الشخص … مهند خدش نزار بالموس في كتفه اﻻيمن … فشدله ايده نزار عصرها وعطاه تيستة (نطحة برأس) فداخ مهند وطاح ….
طلع صﻻح مسدسه وصوب عالميلن وجت ع حافة كتفه
الميلن : و**** اﻻ مانوريك يالقيافة …
* ركب سيارته وقال :ارجع انت وياه بﻻ تهريج حشمتوني
الصحيح من جماعة الميلن قام المتضر وركبوا سياراتهم ومشوا
حصيلة هالعركة نزار خدش في كتفه اﻻيمن … جروح في رقبته … كدمات في الكتف اﻻيسر
* قعمز نزار واتكى عالطاولة وقام راسه يشوف لسمي …
{لأمتى …لأمتى هكي بنقعد ضرب عداوات مصايب تهديدات لأمتى}
القيافة : ماتوقعتكش اتولي
نزار : مهما كان …بيننا عشرة
القيافة : نشهد ب**** انك اصيل وولد اصول
* وقف نزار وشاد كتفه الموجوع ومشي بهدوء ركب سيارته ومروح *
لبنى : هاتي الحبوب ياصفاء ب**** عليك
صفاء : عينك هدا ماناقص
* على خشت مروة : هيرها هادي
صفاء :تخيلي تبيني نعطيها حبوب الضغط متع امي
مروة : عﻻش
صفاء : تبي تاكلهم وتنتحر
مروة : اللطف على قولت الناس اﻻولة بتاكل دينها زميطة
لبنى : ماكم مش حاسين بيا
صفاء : تاكلي طريحة وتخشي اتعيطي خير ماتموتي كافرة وتخشي نار ياحمارة
لبنى : به شن اندير
صفاء : ماندري عليك بنخش ناخد دوش انا واهو الحبوب قمتهم معاي ماتقعديش اتنكتي ف الدار وادوري
مروة : وانا بنمشي نرقد مع امي وخالتي فكيني مانبيش نحضر كيف نزار يضرب فيك
لبنى : خزيه عليكم و**** ماتتحشموا
* بعد عشرة دقايق *
انفتح باب الحوش ولبنى قلبها ف 200 واسرع ﻻبدة ف دار تحت بطانية
…خش نزار ولوح التقرير مرض اﻻيدز فوق المدخل (دوﻻ الكنادر )
طل ع دار الجلسة لقي مروة وامه وخالته راقدين فماشي لدار البنات
لبنى تسمع فخطواته وتبكي واتسح
طقطق وفتح باب الدار نزار ونطت لبنى لوحت بطانية وقالت : و**** ماقصدي نزار و**** ماقصدي
نزار : سمله خيرك خيرك لبنى شن فيه
لبنى حساته طبيعي فقتله : اه ﻻاا شي غير شورني نحلم
نزار : تحلمي بالبكي هكي
* خش نزار وقالها : شن حلمتي بيا شادلك عصا واﻻ شنو
لبنى رجليها من رعاش اللي تسحن فيه قريب ساعة معش قدرت توقف فقعمزت ع سرير صفاء وقتله : ايه
* قعمز جنبها نزار وقالها :حد يضرب ضرسه اللبني انا حتى فخيالي مستحيييل نفكر نضربكم سوا انتي وﻻ صفاء ومروة
احييييه ياكتفي
لبنى : خيره وجهك وخيره كتفك هدا مجروح
نزار : عركة مع وﻻد … كنت جاي *** لصقة جرح واﻻ حاجة
لبنى : استنى هي
* ناضت و وفتحت القجر بتاخد لصقة جرح بعدين شيطانها وزها فقتله : مالقيتش لصقة جرح لقيت بيتادين هههه
نزار : اما بيتدين متعك تنتورا بالفﻻقي
رجعت لبنى جنبه وبكل حنية صبت المعقم ف القطنة وكيف بتمسحله جرح كتفه قالها : هاتي غليك تو نديره
مدتله لبنى القطنة خداها وبيقيم ايده لكتفه التاني استاجع واحد مضروب وتاني مجروح فقال : احيييه
لبنى : غير هات تو نديرهالك
* خدت منه القطنة وتنتله نص الكم متع تيشرت ومسحتله جرحه وهيا طايرة من الفرحة … ونزار يشوف لشعرها الحلو بريحة شامبو اﻻفندر الجذاب …لفتله الفاشة وناضت زعميتك ادور في مقص مالقتش
لبنى :مافيش مقص خلي نقصها بسنوني
نزار : ﻻﻻ مش باهي لسنونك
لبنى : ﻻﻻ عادي
* بتقص الفاشة بسنونها واذ بها شعرها الناعم ايدغدغ ساعد نزار اي ساعد يده …. حس بقشعريرة
استوطنت كيانه لين استرخى …
ربطتله الفاشة لبنى وقتله : تمينا
نزار : **** يرحم والديك ب**** ضرسي سخنيلي الغدي مابين خديت دوش
لبنى : به
* مشت لبنى بكل سعادة وحبور توتيله ف غداه وبكل تفنن وحب *
نزار : صوفة اطلعي سادك
صفاء : روحت ؟؟
نزار : ﻻ قاعد غادي
صفاء : شن صار ف لبنى
نزار : اتجوزت شن بيصير فيها يعني سقديني اطلعي
صفاء : دقيقة اندير كريمة ليديا
نزار : تطلعي ملسيها برا بﻻ تسهويك واﻻ مسلسلات تركية اثرو عليك
* فتحت صفاء الباب وقتله : هههههههه كيف عرفت
نزار : زابطك مادة وجهك 24 ساعة عتلفزيون هههههه
* خش نيزو دوش عسريع وجابتله لبنى الغدي وحطتهوله ومشت تغدى نزار وعطاها نومة للمغرب
خ رقية : تي خشوا البسوا معش وقت
خ سميرة : فرخة لبنى بري وتي روحك
صفاء : مزال بكري وانتوا تسمعوا المغرب تبدوا تولولو
خ سميرة : هوا داك
مروة : لبنى تعالي اشتشوريلي
صفاء : بش استشورتلك
مروة : القصة تشفشفت تعالي لبنى
لبنى : ياهي استني نكمل تمكييج
خ سميرة : ماتكتريش احمر وازرق فاهمة
لبنى : كحل و روج بس
غادة : وينك اليوم حبوبي
نزار : و**** مشاغل ياروحي …
غادة : مشاغل تشغلك عليا
نزار : وﻻ يمكن ننشغل عليك … حتى كان مش فاضي نفضالك
غادة : تسلملي … اي مشكور على البلوزة
نزار : ماغير شكر حبيبتي ادللي
غادة : يﻻ باي توا ماما تنادي
نزار : بايات
*بدل نزار حوايجه وطلع من داره
خ رقية : شورك نسيت
نزار : شنو
خ رقية : العرس اليوم
نزار :اه ايه باهي اهو تلقوني ف سيارة
خ رقية : باه
صفاء : انا واتية يمى مازال مروة ولبنى بش ﻻ اتكشخي عليا وﻻ عمك نوم
خ رقية :مروة ولبنى تي هيا انتي وياها
* فتح اف ام نزار جاته اغنية اليسا
بتمون عالضحكي انا بتمون … بتمون عالدمع والك بتمون … *
لبنى : مروة شكلي حلو هكي
مروة : ايه
لبنى : اففف خيرها اﻻضاءة ضعيفة اهنا
مروة : بري لمراية وسط الحوش
لبنى : شن تبيني نطلع هكي قدام نزار
مروة : طلع نزار مقعمز فسيارة يستنى
لبنى : اه به خلي نلبس الكندرة خلي نتعود عالمشي بيها
مروة : كيف عﻻش
لبنى : الكعب عقدني
مروة : خيره
لبنى : مانعرفش نمشي بيه
{اياح نسيت بوخوصة هي مش ﻻزم واﻻ خلي نمشي نجيبه وخﻻص }
مروة : خودي كندرة صفاء واطية
لبنى : تي رجل صفاء كبيرة عليا
يﻻ خليه وخﻻص بكل هالنزار جايب كنادر صواريخ
* وبينما هيا ﻻبسة فستانها اﻻحمر الحلو اﻻنيق وشعرها مسرح طلعت لمراية وسط الحوش وجنب الباب جيهة المدخل واست كحل عيونها وكيف بتقيم تقرير متع نزار بتشوف هدا شنو انفتح الباب … طلقاته وبتهرب بس رجلها خوتها وقريب طاحت فمسكها نزار بكل خفة
يتبع……….
الجزء السادس عشر من رواية عاصفة الصمت
مروة : خودي كندرة صفاء واطية
لبنى : تي رجل صفاء كبيرة عليا
يﻻ خليه وخﻻص بكل هالنزار جايب كنادر صواريخ
* وبينما هيا ﻻبسة فستانها اﻻحمر الحلو اﻻنيق وشعرها مسرح طلعت لمراية وسط الحوش وجنب الباب جيهة المدخل واست كحل عيونها وكيف بتقيم تقرير متع نزار بتشوف هدا شنو انفتح الباب … طلقاته وبتهرب بس رجلها خوتها وقريب طاحت فمسكها نزار بكل خفة
وكانت المسافة متقاربة جدا … ينظرلها نزار بكل ود
لبنى ولو خدودها حمر فجأة ..
فقالها نزار خدودك طبيعي واﻻ مكيجة
لبنى بكلل ارتباك : ﻻ مش امكيجة
نزار : احيييه كتفي قيمي روحك ياضرسي
لبنى : رجلي متشكلة مش قادرة نوقف عليها
نزار : به عكزي وقعمزي عالكرسي كتفي ايوز فيا
شدت لبنى يد نزار وعكزت وقعمزت عالكرسي
طلعت خ رقية من دار جلسة وشافت نزار شاد كتفه فقتله : خيره كتفك
لبنى : دار
قاطعها نزار وقال : انضربت في الباب
خ رقية : سمله عليك …رد بالك
نزار : ان شاء **** …. هي شنو مازال ماتبوش تمشوا
خ رقية : ﻻ خﻻص كلهم واتيين
نزار : به خلي ناخد حاجة وتلقوني في سيارة
* خش داره نزار خدي حاجاته وطلع لسيارة
حنين : اسمعي مش ادليني بيه تلفونك… اعطيني نتكلم
غادة : بري من عليا بنكلم نزار
حنين : به وبعدك بنكلم انا
غادة : باهي بري … ..
نزار : يامساء الحب
يامساء السعادة
غادة : مساء الفل نزوري
نزار : حبيبي شوية هكي انوصل العويلة و نكلمك
غادة : مش اتعطل عليا
نزار : ﻻﻻ مش معطل اهو جايين لسيارة
غادة : اوكي باي
القيافة : ﻻﻻ امه مراة كبيرة مسكينة وهوا ولد واحد خليه لعيلته
بلقاسم : اها … قبل بنرفعه لتونس ينفدلي مهمة غادي … لكن مش مشكلة خﻻص … انا خلي نسافر توا والسبوع الجاي ﻻ اللي بعده نبيه يكون عندي .. فاهم
القيافة : ان شااااء **** …
نزار : وينها صالة
خ سمية : في راس حسن
نزار : اوك …
* فتح نزار اف ام … اغنية نبيه كفاف
لبنى : حيه نزار والنبي قوي فيها
ن …
لبنى : نبيه رداي …يكون معاي يساعدني حتى بالراي …
نبيه قراي حكيم ودبار ووراي
نزااار : هههه به شن رايك انقصها وكملي انتي غني وخﻻص
لبنى : ههه ﻻﻻ خﻻص خليها
* بعد دقيقة *
للبنى : نزار
نزار : اها
لبنى : ب**** عليك خودلي السي دي هدا
نزار : به
لبنى : مش تنسى
نزار : ان شاء ****
* سكتت لبنى شوي …
وقالت : نزار
نزار : نعم
لبنى : زعما فيه راجل هكي زي اﻻغنية
* اكتفى نزار ب ابتسامة *
خ سميرة : اللطف اتحشمي يابنت
خ رقية : ريتي واﻻه معش فيه حشم …
خ سميرة : حالة ياوخيتي قبل نتحشموا من هالحاجات
خ رقية : ب**** ﻻ عاد حشمة وﻻ واحدة
خ سميرة : هداكا ايماتنا انا وياك غير نسمعوا بموضوع راجل نتخزرطوا لين قريب نخشوا في الحيط
خ رقية : تتفكري في الخضار ياسميرة هههههه
خ سميرة : ههههه شن فكرك فيه يامنجوها
نزار : اهو الفضايح بيطلعوا هاه ههههههه شن قصة الخضار يمى
خ رقية : هههه مافيش قصص الهى فسواقتك
لبنى ل صفاء : بنهبل عليه يا صفاء ايهبل خوك
صفاء : ههههه انتي خﻻص عليك
{انا ﻻزم ندير راي … نسافر نسكن في الشرق وندور خدمة غادي … لكن غادة …ﻻﻻ مستحيل نسافر ونخليها }
{شن السيارة اللي تلحق فيا … هادي}
* زاد نزار السرعة وزادت السيارة اللي تلحق فيه السرعة
خ رقية : بشوية ياوليدي خيرك تجري
خ سميرة : اهو بيديرها طيارة هي
{السحنة هدا شن يبي ومن باعته احسن شي انتوهه }
* وهوا يشوف للمرايا ولبنى
عايشة الدور تحسابه يشوفلها …
ومن هون لهون طلع نزار من زنقة زلقي قدامه السيارة اللي اتلحق فيه … وقف نزار سيارته وسيارة مرش امظلم واقفة معش فهم شي نزار
{سيارتي نوعا ما كركوبة وسيارة هادي كبيرة و جحجا لو تحركت بسرعة 200 وخشيت عزنقة المقابلة الضيقة مش حيقدر يلحقني حيرجع ويوخر من نفس الشارع اللي جي منه بش يقطع عليا الطريق .. وهكي لو تحركت بسرعة 200 وخشيت منها حنحصل شوي وقت بش نقدر نهرب منه ونتوهه ونطلع عجردينة ثم نوصل لصالة انحط العيلة في حالة انه مالحقنيش طول }
صفاء : شن فيه يانزار …
نزار :طبسوا روسكم لوطا وماحد يتكلم نص كلمة
* دار الكل زي ماقالهم نزار من سكات وطبسوا روسهم .. فجاة نزار وخر سيارته بكل سرعة وخش عالشارع المقابل وفعﻻ البي ام وخرت ورجعت من نفس الشارع
نزار : نحو كنادركم وحطوهم في يديكم لما نقولكم انزلوا انزلو طول
خ رقية : عﻻش شن فيه
نزار : ماتناقشونيش ياودي ديرو زي مانقولكم ووقت نوصلو الصالة انزلوا جري وخشوا صالة
خ رفية : ترعش فينا وخﻻص
نزار : مافيش رعاش غير ديرو زي مانقول
* الكل مستغرب من تصرفات نزار الغريبة نحو كنادرهم وحطوهم في عبهن
وصل نزار قدام صالة وقال : انزلوا فيييسع بسررررعة اجروووو
* نزلوا كلهم وخشو صالة وعطاها نزار الشياط …
شافه صاحب اللبي ام وقعد وراه لين نزار توهه …
{هييي توهته هالعافن هههه ادكرت جو افﻻم 007 تاريتني ننفع لهلحجات … مفروض ياخدوني نمثل فلم اجنبي}
الشقندي : هاه شنو ينفع ناخده عندي واﻻ ﻻ
هارون : نعم سيدي
الشقندي : شن صار بزبط
هارون : لحقناه وهرب منا على مرتين .. نعم كان معاه عيلته … وهرب منا وحط عيلته في مكان ما معرفناشي .. ووقت لقيناه تاني هرب منا …
الشقندي : تمام تمام معناها كويس في الهرب … مزال نجربوه في المطاردة وكان نجح حناخده عندي
{خلي نمشي نشري واقي حماية لصدر من عبدو السوسة … وناخد كمبيوتر ل للبنات…وناخد
لضرس اللبني سي دي اغنية كامل اﻻوصاف …شن تاني ياربي … خﻻص ونعكس شوية مع اﻻوﻻد بش مع ساعة 11 نمشي انروح بيهم }…
القيافة : برا ياسفيان لم الجميعا كلها وهد على الفتنة الكلب انا متاكد انه هوا اللي دار عملة اليوم
سفيان : الفتنة !
القيافة : ايه … وجيبه لعندي الكلب
سفيان : تم تم كون هاني
عبدو السوسة : وتعرف ويجيهم الديناري ياراجل ويشلط الميلن وجماعته
فاروق : ﻻ عاد بجديات
عبدو السوسة : و**** جديات خطير الديناري… كان نلقى نولي زيه . يحسبولي الف حساب
فاروق : ههههههه تي انت سوسة شن جيبك لديناري
السوسة : سوسة لكن انوكل فيك عيش واﻻه تقبض ف فلوس واﻻه هه كان مش مني راك مش ﻻقي ماتاكل
فاروق : **** كريم
نزار : السﻻم عليكم
السوسة : وعليكم السﻻم . . كيف كنا ف سيرتك
نزار : قرمة اماﻻ
السوسة : هههه ﻻﻻ كنت نحكيله ع بطوﻻتك
نزار : حسستني قرنديزر
السوسة : ههههه فتت القرنديز انتا . .. هاه شن طلبك …. مسدس واﻻ موس بوخوصة واﻻ شنو
نزار : كان عندك واقي هات
السوسة : عننندي ويخي واقي اصلي حاجة صقع واصلتني من الجزاير
نزار : قصدك خانبها واﻻه
السوسة : ههههه ﻻش اتعري فينا
المهم حاجة صح …. ستنى شوية نجيبلك تختار
فاروق : كيف حالك ياديناري
نزار : اهو معدلة
فاروق : ديناري … تشغلني معاك
نزار : معش نشتغل ف شي انا
فاروق : اي حاجة حتى سواق متاعك فديت من الخدمة تحت السوسة
نزار : تي انا سيبت الخدمة راه خﻻص
فاروق : به توسطلي عند القيافة نشتغل حتى متع قهوة وشاهي
نزار : باهي تو نكلمه … غدوة ساعة 3 كون قدام مستودع القيافة تو انجي ونكلمه
فاروق : تمام ب**** ماتقولش لسوسة
نزار : تمام
*طلع السوسة من المخزن وجابله تﻻتة واقيات صدرية … واختار منهم واحد نزار زلبسه وخلص السوسة وطلع مشي محل الحاسبات خدي كمبيوتر وطاولته …
خطم ع محل سي دي يات خدي السي دي ومشي لجماعته يهدرز
صفاء : ريتيه الكلبة بنت نعيمة
مروة : ايه درهتلي كبدي
لبنى : تعرفوا كان ماتهنيش روحها واتنزل مكسورتها مامظلة اﻻ نايضتلها ونريشلها شعرها
مروة : تحساب اﻻ هيا انخطبت
صفاء : ومشكلة فرخة الزفت
لبنى : كيف طالعة من تانوي هالقردة
* ناضت وردة ومادة مكسورتها وجتهم وقعمزت بحداهم *
وردة : شن مدايرات يابنات
صفاء : ماشي الحال
مروة : الحمد ***
لبنى : كويسة
*وردة اتواسيي في قصت شعرها ومادة صبعها متع شوفوا كان ماشفتوش *
بعد ساعتين
خ سميرة : خيره معش جي ولدك
خ رقية : ايه عليك حشمة حتى امالي العرس اقريب ايروحوا
حاتم : غير خوووود هالحشيشة خود يا دناريه
نزار : فكنا ياحاتم تعرفني مانحبش صنته هالعفن
حاتم : باه هاك خود طاسة وسكي
نزار : حشش واسكر ع راحت راحتك مش ﻻزم تعزم عليا
حاتم : تعلف يا ديناريه بجوز انا
نزار : واتجوز من شادك
حاتم : بنتجوز غدوشة
نزار : تتجوز عينك مش غير تتجوزها حاتم : تو اتشوف ولد عمها اوولى بيها يا دينالي
حاتم : &/#$ ماحد داخل عليها غيري
نزار : ماتنرفزنيش ياحاتم و**** انوضلك راه
حاتم : ديرها كانك راجل يامان
* وناضله نزار يعفجه طريحة امقومة وقاله : بش تعرف تكتير الدوة شن شكلها ياخامر
* مسح حاتم فمه من الدم ووقف يدعدع من السكير وقال : ماك واخدها يادينالاي قول حاتم قالها
…طلع نزار وماعدلش ع حاتم نهائي …وخطم عصالة وكلم الشاب والشاب كلم البنت متع الصالة وطلعوا عيلته وروح بيهم
ولما خشوا كلهم لديارهم بش ايبدلوا …مشي نزار لسيارته قام كل الحاجات وحطهم ف المربوعة وسكر الباب …
نزار : يمااااااااااا ماطيبتوش حاجة
خ رقية مقعمزة في دار الجلسة جاوباته : ﻻﻻ مادرنا شي
نزار : فالحات و**** ضاربينها عشي
ف صالة وانا مخلييني زي القزون
ماه قاعد من غير مراة **** غالب
كان هدا شاقية بيا
خ رقية : شن اتبرطم ياولد
نزار : ﻻ شي … شي
* خش نزار للمطبخ يقربج بيدير نص تن ع طلعة لبنى من الدار ﻻبسة توتة وقايمة شعرها فوق
خاطمة وشافت التقرير
لبنى …ايه حق خلي نشوف شن هوا هالورق …
وفتحاته لبنى وقرت اﻻسم …نزار خليفة فﻻن قرت قرت لين فهمت ان فيه اﻻيدز
وجهى ولى احمر وبكت ومشتله تجري ف المطبخ
لبنى : نزار نزاااار نزززااار
* تلفتلها نزار ولبنى … خدي نفس نزار عميق وقالها : خيرك خيرك ياضرسي
* حاول يبعدها بس هيا شي امكبشة فيه لين معش عرف كيف يدير
لبنى : ن ن نزار …
نزار : خيرك يابنت
لبنى تبكي دموعها مطررر وقتله : اااانت فيييك… اﻻيدززز فيك اﻻيدزززز اﻻيدزززز
نزار : تي ﻻ
لبنى : ماتكدبش عليا فيك اﻻيدززززز
* سمع نزار دوشة مروة وصفاء تتقدم… فحاول تاني انه يبعد لبنى معش قدر فقالها : تي حولي يالبنى
* ولبنى ﻻ حياة لمن تنتدي قاعدة مثدومة ومن صدمتها معش تسمع فيه
فتحرك خطوتين ولبد وراء باب المطبخ وحط ايده ع فم لبنى وطبعا لبنى مزال مافاقتش لنفسها شن ادير من شدة الصدمة ….
صفاء : ريتيها بنت نعيمة جابتهالي صفااار
مروة : درهتلي كبدي
مروة : اماﻻ وين لبنى المعفنة
صفاء : تلقيها ف تركينة من التراكين تكتب ف اشعار حب هههه
مروة : مسكينة وياريته ايعبرها هوا
* لبنى اقريب اطير خافت صفاء ومروة يقولوا نزار … ونزار يشبح ل لبنى واشرلها على من يتكلموا
نزلت راسها لبنى …
مروة : لكن مسحت ع كبدي لبنى وقت ناضت رقصت ونخت بشعرها.. … لين بنت نعيمة انهزبت
صفاء : اصﻻ ماتعرفش ترقص وردة
مروة : لكن لبنى بريمو خاطري نرقص زيها ….
صفاء : ايه تو نقولولها تعلمنا
طشة ….نحسبك ف قهوة معاي
مروة : ايه ايه … واهو تلقيني ف دار جلسة سهرية قرمة اليوم
صفاء : ههههههه
مروة : احسبي نزار معانا خلي ايجي ايقرم معانا
صفاء : به ….
* طلعت صفاء لدار الجلسة ورفعت صفرة القهوة *
طلع نزار ولبنى من وراء الباب
نزار : شردتيني
لبنى : اسفة و**** ماقصدي بس انت صغير يانزار شن جيب المرض هدا عندك
نزار : اس اس …
* شدها من ايدها وخدها للمربوعة وقالها : اسمعي التقرير اللي شفتيه مزيف …
لبنى : كيف
نزار : مدايره بش يعطوني امتياز في الشركة
لبنى : كيف
نزار : المهم مزيف
لبنى دارت شوارب الحرجانة … وبتبكي تاني زي الطفل وقتله : انت ادس عليا
نزار : وحق *** مافيا حاجة يالبنى وحق **** ورسوله تقرير مزور
مسحت دمعتها لبنى وقتله : باهي ماتقولش ل امي عاللي صار غير مانندريش على روحي
نزار : شن بنقوولها …*** يهديك وخﻻص … المهم ماتقولي لحد عالتقرير سر باهي
لبنى : باه ….
* تلفتت لبنى عالجنب وشافت الحاجات اللي شاريهم نزار *
لبنى : هااا كمبيوترررر
نزار : ايه ديري روحك ماشفتيشي نبيه مفجاة حتى ل مروة وصفاء
لبنى : به …خلي نمشي بحداهم اماﻻ
نزار : لبنى
تلفتت لبنى وقتله : نعم
نزار : معش ترقصي في العراس
ابتسمت لبنى وقتله : عﻻش
نزار : مرات ايصوروك بنقال ﻻ قدر **** … بنات الحرام كاترات
لبنى : ان شاء ****
نزار : هاك السي دي
لبنى : تسلم نيززو
نزار : حقا
لبنى : نعم
{زعما نسئلها من الشخص اللي يتكلموا عليه صفاء ومروة اللي تكتب فيه اشعار لبنى لكن ﻻﻻ بالك نحرجها مدام ماغلطتش وماكلمت حد خليها مانقدرش نجبرها تنسى شخص ما }
لبنى : نزااااار
نزار : ﻻﻻ شي خﻻص بري هدرزي عالبنات
لبنى : به
* طلعت لبنى وقعد نزار يخمم في اللي صار قبل شوي ….وبعد شوي فجأ نزار خواته ب الهدايا والكمبيوتر … وركبه نزار يقرا في اﻻرشادات ويركب في القطع وركب الطاولة وقعمزوا وحدة وحدة يتعلموا عليه *
ثاني يوم ساعة 10 صباحا في المطار
عماد : الحمد*** ع السﻻمة انست
مكرم : تسلم **** يأنسك ياعماد …. عماد : بايت عليك مرهق
مكرم : هلبا
عماد : شنو صفيت المهمة اﻻخيرة
مكرم : ايه … فديت من التصفية
(شغل التصفية وهو اي شخص ليبي يبي ايدير انقﻻب على النظام او يحرض ع انقﻻب من برا البﻻد يبعتوله شخص اللي هوا زي مكرم ويصفيه اي بمعنى يقتله )
عماد : كثرو الكﻻب الضالة ياراجل
مكرم : بكل ياراجل
عماد : هي خلي نحطك ف الحوش
مكرم : تمام به
نزار : غادة حبيبتي انا توا اول يوم عمل مايجيش نشد النقال ونهدرز
غادة : باهي اول مايتم الدوام كلمني مستاحشاتك
نزار : حتى انا ياروحي باي
غادة : باي
تووون تووون
خ عايشة : غادة نوضي افتحي الباب وانتي زي القطوس غياب من المدرسة ونوم وخﻻص
غادة : هيا هي
* ناضت غادة بتفتح الباب … وفتحت الباب …. ابتسم مكرم ابتسامة عريضة وقالها : السلام عليكم
يتبع………..